Livitikọs 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Izobo rẹ abe ẹriọ na kugbe izobo rẹ umwemwu na oghẹre ọvuọvo, urhi ọvuọvo re herọ kẹ ayen, orherẹn rọ gọ ẹgua na kọye reyọ.

Livitikọs 7:7 ပူးပေါင်းရင်းမြစ်များ

Ivie rẹ Ivẹ 12:16

Igho ri nẹ izobo rẹ abe rhe kugbe igho ri nẹ izobo rẹ umwemwu rhe a rha ghwa ayen rhe uwevwi rẹ Ọrovwohwo na-a; eyena e rẹ irherẹn na.

Ivie rẹ Ivẹ 12:17

Ọke yena Hazẹl ovie ri Siria da kpare ohọnre vwọ so Gat, ọ da reyọ. Ẹkẹvuọvo ọke rẹ Hazẹl vwo hirhe opharo rọye ku Jerusalẹm,

Livitikọs 14:13

O mi rhe hwe omogodẹ na vwẹ asan re de hwe ọ rẹ izobo rẹ umwemwu na vẹ ọ rẹ ẹtorhẹ na, vwẹ evun rẹ ẹdia ọfuanfon na, kidie izobo rẹ abe na vẹ ọ ri fiki rẹ izobo rẹ umwemwu na, eye ẹkẹn rẹ orherẹn na: ọye ọ rọ ma fon ejobi.

Livitikọs 2:10

Obo ri chekọ vwẹ izobo rẹ ọka na ejobi kẹ ọ rẹ Erọn vẹ emọ rọye, Ọnana izobo rẹ erhanre rọ ma fon rọ gbare kẹ Ọrovwohwo.

Livitikọs 2:3

Obo ri chekọ otọ vwẹ oma rẹ izobo rẹ ọka na kọ dia ọ rẹ Erọn vẹ emọ rọye; Ọnana hẹ izobo rẹ erhanre rọ ma fon rọ gbare kẹ Ọrovwohwo.

Livitikọs 6:17

A reyọ obo ri phuẹ vwọ ba ayen kaka-a. Mẹvwẹ ọvo re vwẹ ẹkẹn nana kẹ ayen vwẹ usun rẹ emu rẹ izobo mẹ ra vwẹ erhanre torhẹ na ejobi, Ọnana emu rọ ma fon, vwẹ oma rẹ izobo rẹ umwemwu vẹ izobo rẹ abe ejobi je vwẹ ọtiọye ayen ji ru rhe.

Livitikọs 7:8

Orherẹn ro ze izobo rẹ ẹtorhẹ na kẹ ohwo kọye re reyọ ophiẹn rẹ eranvwe re vwo ze izobo na.

Ukeri 5:8

Ẹkẹvuọvo ohwo na rhe vwo omoni ra rhan emu rẹ orucho na kẹ-ẹ, emu rẹ oruehọ na ra cha rhan rhivwi na, ka rhan kẹ Ọrovwohwo ra vwọ kẹ orherẹn, ra vwẹ egbo rẹ arhuẹrẹ vwọ ba kọye a vwọ rhuẹrẹ vwọ kẹ.

1 Kọrẹnt 10:18

Gbe roro irueru rẹ ihwo rẹ Izrẹl; ayen otu re ria emu rẹ iye na vẹ ẹshẹ na rha dia oma ọvo?

1 Kọrẹnt 9:13

Ovwan rha riẹn nẹ otu ra reyọ phihọ iruo rẹ uwevwi rẹ ẹga na je vwẹ evun rẹ uwevwi na ayen da ria emu rayen, nẹ otu re gọ iye vwẹ enu rẹ agbada na je ria vwẹ emu ra vwọ gọ iye na?