Livitikọs 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ O Me reyọ ivwri rẹ erhuẹn ọshare na re vwo ze fiki rẹ izobo rẹ umwemwu na, te ivwri rẹ ivun vẹ i ri rhurhu ayen ejobi,

Livitikọs 4:8 ပူးပေါင်းရင်းမြစ်များ

Aizaya 53:10

Dede na yo je Ọrovwohwo nẹ ọ ghwiẹ, o da vwẹ oja riọ, vwẹ ọke rọ vwọ reyọ vwo ze izobo rẹ umwemwu nu, kọ cha mrẹ uvwiẹ rọye, ko ru ẹdẹ rọye yovwi, ọhọre rẹ Ọrovwohwo ko che yovwi vwẹ obọ rọye,

Livitikọs 16:25

Ọ Me rha torhẹ ivwri rẹ eranvwe re vwo ze izobo fiki rẹ izobo rẹ umwemwu na vwẹ enu rẹ agbada rẹ ẹga na.

Livitikọs 4:19

Ọ Me rha reyọ ivwri rọye ejobi ọ Me torhẹ ayen vwẹ enu rẹ agbada na.

Livitikọs 4:20

Ọtiọye o ji ru erhuẹn rẹ ọshare na; kirobo ro ruẹ erhuẹn rẹ izobo rẹ umwemwu na ọtiọye o ji ru Ọnana rhe; Orherẹn na kọ gọ ẹgua na nẹ ayen ejobi oma, kẹ ayen vwo evworhovwo.

Livitikọs 4:26

Ọ Me torhẹ ivwri rọye ejobi vwẹ enu rẹ agbada na, kirobo re ruẹ ivwri re vwo ze izobo rẹ ufuoma; ọtiọye na orherẹn na Me rhuẹrẹ arhuẹrẹ fiki rẹ imwemwu rọye, ke vwo ghovwo.

Livitikọs 4:31

O mi si ivwri rẹ eranvwe na ejobo no ọtiobo re ruẹ ọ rẹ izobo rẹ ufuoma na, Orherẹn na kọ torhẹ ayen vwẹ enu rẹ agbada na rere o gbo ọnrhen ororo kẹ Ọrovwohwo, Orherẹn na kọ gọ ẹgua rọye no oma, ke vwo ghovwo.

Livitikọs 4:35

Ivwri rẹ eranvwe na ejobi o mi si ayen no kirobo re siẹ ivwri nẹ omogodẹ re vwo ze izobo rẹ ufuoma na no, orherẹn na Me torhẹ vwẹ enu rẹ agbada na, vwọ ba izobo ra torhẹ na vwọ kẹ Ọrovwohwo; orherẹn na kọ gọ ẹgua no oma fiki rẹ imwemwu ro ruru na, ke vwo ghovwo.

Iyẹnrẹ Esiri ri Jọn 12:27

Asakiephana ẹnwẹ mẹ ko kpogho. Kidie me cha ta, Ọsẹ, sivwi uvwe nẹ ọke nana? Ejo, kidie fiki rẹ ọnana na me vwọ rhe rhi te ọke nana na.