Livitikọs 4:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Orherẹn na Me reyọ urhiabọ vwọ reyọ ọbara na re eranvwe re vwo ze izobo rẹ umwemwu na vwo te ighoro rẹ agbada na rẹ izobo ẹtorhẹ na, o mi ku ọbara ro chekọ na ejobi phihọ awọ rẹ agbada na.

Livitikọs 4:34 ပူးပေါင်းရင်းမြစ်များ

Aizaya 42:21

Ivun vwerhe Ọrovwohwo fiki rẹ ọvwata rọye, ro ru urhi rọye rho ro nu urinrin.

Livitikọs 4:18

O mi rhe phi ọbara na phihọ ighoro rẹ agbada na rọ hẹ evun rẹ utughẹ ra da vwa oma na vwẹ obaro rẹ Ọrovwohwo na; ọbara ro chekọ ejobi o mi kuo phihọ awọ rẹ agbada rẹ izobo rẹ ẹtorhẹ na rọ unurhoro rẹ utughẹ ra da vwa oma na

Livitikọs 4:25

Orherẹn na Me vwẹ urhiabọ reyọ ọbara re eranvwe na phihọ ighoro rẹ agbada na rẹ izobo ẹtorhẹ na, o mi ku ọbara ro chekọ phihọ awọ rẹ agbada ra da torhẹ izobo na.

Livitikọs 4:30

Orherẹn na Me vwẹ urhiabọ te ọbara vwo te ighoro rẹ agbada na rẹ izobo ẹtorhẹ na, o mi ku ọbara ro chekọ ku awọ rẹ agbada na.

Livitikọs 4:7

Orherẹn na mi phi ọbara na phihọ ighoro rẹ agbada rẹ ugboduma ro gbo ọnrhe ororo vwẹ obaro rẹ Ọrovwohwo na, rọ hẹ evun rẹ utughẹ ra da vwa oma na, ọbara ro chekọ ejobi ke kuo phihọ awọ re agbada re izobo re ẹtorhẹ na rọ unurhoro re utughẹ ra da vwa oma na.

Iyẹnrẹ Esiri ri Jọn 17:19

Fiki rayen mi vwo ru oma mẹ fọn, rere ayen vwọ fọn rhe vwẹ uyota na.

Ọbe ri Pọl si rhe Ihwo ri Rom 10:4

Kidie, Kristi hẹ oba rẹ urhi na, rere ohwo kohwo ro vwo esegbuyota vwọ sa rease.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

Hibru 2:10

Kidie o fori nẹ ọye, ra ma emu na ejobi kẹ na, rẹ emu na ejobi vwọ herọ na, sa vwọ reyọ emọ na vwo kpo urinrin, rere e sa dia ekobaro rẹ esivwo rayen na vwẹ oma rẹ oja rọ rere.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;