Livitikọs 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ da dianẹ orherẹn re vwo mu kọye ru umwemwu na, re ihwo ejobi vwọ reabe na, gbe jẹn o ze izobo fiki rẹ urhi ro miovwiri na, kọ reyọ upene rẹ erhuẹn ọshare ro je ekan evwo vwo ze izobo ke Ọrovwohwo fiki rẹ izobo rẹ umwemwu rọye.

Livitikọs 4:3 ပူးပေါင်းရင်းမြစ်များ

2 Ikun rẹ Ivie 29:21

Ayen de mu irhuẹn eshare ighwrẹ rhe, egbo ighwrẹ, igegede ighwrẹ kugbe ẹkpro ighwrẹ ra vwọ torhẹ izobo rẹ umwemwu fiki rẹ uvie na ji kugbe ẹshẹ na ji kugbe Juda. Ọ de ji iji kẹ irherẹn na emọ rẹ Erọn na nẹ a vwẹ ayen ze izobo vwẹ enu rẹ agbada na kẹ Ọrovwohwo na.

Ezra 8:35

Vwẹ ọke yena otu ri nẹ ighuvwu rhe na, ri rhivwi nẹ imu rhe na, de ze izobo rẹ ẹtorhẹ kẹ Ọghẹnẹ rẹ Izrẹl, irhuẹn rẹ eshare ihwivẹ, eghwanran ujone gbẹ ihwe gbẹ esan, imigode ujorha gbẹ ihwe gbẹ ighwrẹn, kerẹ izobo rẹ umwemwu, ẹkpro ihwivẹ, enana ejobi kẹ izobo rẹ ẹtorhẹ vwọ kẹ Ọrovwohwo.

Ẹyano 29:14

Ẹkẹvuọvo uvwo rẹ erhuẹn na, vẹ ohọrọ rọye, vẹ isọn rọye, kọye wọ vwẹ erhanre torhẹ vwẹ otafe rẹ erhọn na; ọye izobo rẹ umwemwu.

Ẹyano 29:21

Wọ me rọye emerha rẹ ọbara na rọ hẹ agbada na, kugbe ori ọfuafon na, wo mi miro ku Erọn vẹ iwun rọye, kugbe emọ rọye vẹ iwun rẹ emọ rọye, te ekpuyovwi rọye vẹ iwun rọye te emọ rọye kugbe iwun rẹ emọ rọye ke fon.

Ẹyano 29:7

Wọ me reyọ ori re vwo ghworo na vwo ghworo uyovwi.

Ẹyano 30:10

Erọn kọ gọ ẹgua no oma vwẹ enu rẹ ighoro rọye obọvo ẹgbukpe; ọbara rẹ izobo ra vwo gọ ẹgua rẹ umwemwu na kọye ọ vwọ gọ ẹgua kẹ obọvo ẹgbukpe na vwẹ uvwiẹ wẹn ejobi; ọ rọ ma fon gangan kẹ Ọrovwohwo.

Izikiẹl 40:39

Vwẹ evun re ọguan rẹ anurhoro na imẹjẹ ivẹ herọ ọvo hẹ obọ nana ọvo hẹ obọ nana, enu rọye kọye e de hwe eranvwe rẹ izobo rẹ ẹtorhẹ kugbe izobo rẹ umwemwu kugbe izobo rẹ abe.

Izikiẹl 43:19

ku wọ vwọ kẹ ọrherẹn ri Livae rẹ uvwiẹ ri Zadọk, rọ sikere ovwẹ ri gbe odibo kẹ vwẹ, eriyin Ọrovwohwo Ọghẹnẹ tare, erhuẹn e che vwo ze izobo rẹ umwemu.

Izikiẹl 44:27

Vwẹ ẹdẹ ro che kpo obo evun rẹ ẹshẹ na, kpo obo ẹtan rẹ ọguan na, rọ de re gbe odibọ vwẹ obo ẹshẹ na, ko ze izobo rẹ umwemwu rọye tavwe, eriyin Ọrovwohwo Ọghẹnẹ tare.

Livitikọs 1:10

Ẹkpẹvwẹ rọye da rha dia ogodẹ kọye e che vwo ze izobo ra torhẹre na, eye ẹvwe dede, kọ je dia ọ rẹ ọshare ro vwo ekan ọvuọvo-o;

Livitikọs 1:3

Ẹkpẹvwẹ na da dia erhuẹn re che vwo ze izobo rẹ ẹtorhẹ, gbe jọ dia ọ rẹ ọshare ro jẹn ekan evwo; asan unurhoro rẹ utughẹ ra da vwa oma na kọye e de ze izobo na, rere Ọrovwohwo vwọ mrẹ asan reyọ.

Livitikọs 16:11

Erọn kọ cha vwẹ erhuẹn ọshare na phia vwo ze izobo fiki rẹ izobo rẹ umwemwu rọye, o mi rhe phorho ẹgua nẹ oma rọye vẹ uwevwi rọye. O mi rhi hwe erhuẹn ọshare na vwo ze fiki rẹ izobo rẹ umwemwu rọye.

Livitikọs 16:3

Ẹkẹvuọvo enẹ kọye Erọn cha ro asan ọfuanfon na, ọ vẹ upene rẹ erhuẹn ọshare ro vwo ze izobo fiki rẹ umwemwu kugbe egbo ro vwo ze izobo rẹ ẹtorhẹ.

Livitikọs 16:5

O mi mie ọghwẹgbe rẹ ihwo rẹ Izrẹl na ikri ivẹ re o vwo ze izobo fiki rẹ izobo rẹ umwemwu, kugbe egbo ọvo re o vwo ze izobo rẹ ẹtorhẹ.

Livitikọs 16:6

Erọn Me vwẹ erhuẹn ọshare na ze izobo fiki rẹ izobo rẹ umwemwu na vwọ kẹ oma obọ rọye, re vwenẹ ọ vwọ gọ ẹgua nẹ oma rọye vẹ uwevwi rọye.

Livitikọs 4:14

Ọke ra da rhe mrẹ Umwemwu rẹ ayen ruru na vughe re, ukoko na ejobi Me vwẹ upene rẹ erhuẹn ọshare re vwo ze izobo rẹ umwemwu na vwọ rhe obaro rẹ utughẹ ra da vwa oma na,

Livitikọs 4:23

ọke re de dje umwemwu rọye phia kẹ re, kọ reyọ ẹvwe vwo ze izobo rọye, okri ro je ekan evwo,

Livitikọs 4:28

a da vwẹ imwemwu rọye phia kẹ, kọ vwẹ ẹvwe ze izobo fiki rẹ umwemwu rọye, ẹvwe aye ro je ekan evwo kọye ọ vwọ rhe.

Livitikọs 4:5

Orherẹn re vwo mu na Me reyọ vwọ ọbara rẹ erhuẹn ọshare na vwọ rhe evun rẹ utughẹ ra da vwa oma na,

Livitikọs 5:6

Kọ vwẹ izobo rẹ abe rọye vwọ rhe Ọrovwohwo fiki rẹ imwemwu ro ruru, ẹvwe aye eyẹ omogodẹ aye, kẹ ọye o vwo ze izobo rẹ umwemwu; orherẹn na kọ gọ ẹgua rẹ umwemwu rọye na no oma rọye.

Livitikọs 6:18

Kọmọshare kọmọshare rẹ orua rẹ Erọn ejobi sa re Ọnana, Ọnana urhi rọ dia kẹ ovwan nẹ edje ra ro edje, emu kemu ejobi re vwo ze izobo ra vwẹ erhanre torhẹ kẹ Ọrovwohwo na, ohwo kohwo rọ vwẹ obo te ayen yo hirhe phihọ ọfuanfon.

Livitikọs 8:12

Ọ da vwẹ evwri na te uyovwi rẹ Erọn, o de Vwo ghworo, o de ruo fon.

Livitikọs 9:2

Ọ da ta kẹ Erọn nẹ, Reyọ ọmọ rẹ erhuẹn rẹ ọshare vwo ze izobo rẹ umwemwu, wọ reyọ egbo vwo ze izobo rẹ ẹtorhẹ, ayen ivẹ na vwo eka-an, rere wọ vwẹ ayen ze vwẹ obaro rẹ Ọrovwohwo na.

Livitikọs 9:3

Wọ Me ta kẹ ihwo rẹ Izrẹl, Reyọ okri vwo ze izobo rẹ umwemwu, rere wọ reyọ ọmọ rẹ erhuẹn kugbe omogodẹ rẹ ẹgbukpe ọvo ro jẹ ekan evwo, vwo ze izobo rẹ ẹtorhẹ,

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Ukeri 8:8

Gbe jẹn ayen reyọ upene rẹ erhuẹn ọshare kugbe izobo rẹ ọka rẹ omamọ rẹ eyagha rẹ ọka ra vwẹ evwri gua kugbe, wọ me je reyọ upene rẹ erhuẹn ọshare ọfa re vwo ze izobo rẹ umwemwu.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Hibru 5:3

Fiki rẹ ọnana na kọye ọ vwọ gbahọ ohọre rere ọ vwọ gọ iye fiki rẹ umwemwu robọ rọye kugbe ọ rẹ ihwo efa rhe.

Hibru 9:12

ọ da ro Asan Ọfuanfon na ẹsiẹvo goi, ọ dianẹ kẹ ọbara rẹ ẹvwe vẹ erhuẹ-ẹn ẹkẹvuọvo ọbara robọ rọye, kenẹ ọ vwọ dẹ ẹtanhirhe ri bẹdẹ na.