Livitikọs 4:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ O mi mu erhuẹn ọshare na phihọ otafe nẹ evun rẹ erhọn na, ọ Me torhẹ kerẹ ọ rẹsosuọ na, Ọnana izobo fiki rẹ izobo rẹ umwemwu rẹ otu ejobi.

Livitikọs 4:21 ပူးပေါင်းရင်းမြစ်များ

Livitikọs 16:15

Tavwe o ki rhi hwe ẹvwe ro che vwo ze izobo fiki rẹ umwemwu kẹ ihwo na ejobi, ọ Me reyọ ọbara rọye ra ro evun rẹ asan ra vwe amwa tan na, o mi ruo kirobo ro ru ọ rẹ erhuẹn ọshare na, ọ Me fẹrẹ ku enu rẹ akpanurhe rẹ arodọvwẹ na kugbe obaro rọye,

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Matiu 20:28

Ọ dianẹ Ọmọ rẹ ohwo rhere re e vwo gbe odibo kẹ-ẹ, ẹkẹvuọvo re o vwo gbe odibo, rere ọ vwẹ arhọ rọye tan ihwo buebu.

Ezra 8:35

Vwẹ ọke yena otu ri nẹ ighuvwu rhe na, ri rhivwi nẹ imu rhe na, de ze izobo rẹ ẹtorhẹ kẹ Ọghẹnẹ rẹ Izrẹl, irhuẹn rẹ eshare ihwivẹ, eghwanran ujone gbẹ ihwe gbẹ esan, imigode ujorha gbẹ ihwe gbẹ ighwrẹn, kerẹ izobo rẹ umwemwu, ẹkpro ihwivẹ, enana ejobi kẹ izobo rẹ ẹtorhẹ vwọ kẹ Ọrovwohwo.

Livitikọs 16:21

Erọn Me ghwẹ abọ ivẹ kpahe uyovwi rẹ ẹvwe ọkpokpọ na, Ọ Me rhọvwe imwemwu rẹ ihwo rẹ Izrẹl ejobi, phihọ uyovwi rẹ ẹvwe na, kugbe ẹgua rayen ejobi, vẹ urhi emiovwo, kugbe orukuruku rayen ejobi; Ọ Me ghwa ayen ejobi phihọ uyovwi rẹ ẹvwe na, Ọ da djẹ yanran kpo obo aton, ohwo ra rhuẹrẹ kpahe jovwo na kọye suo yanran.

Hibru 13:11

Kidie eranvwe rẹ hweri rẹ orherẹn rode na reyọ ọbara rọye vwo kpo ẹshẹ na rhe vwọ gọ iye rẹ umwemwu na a torhẹ ayen vwẹ otafe rẹ erhọn na.

Livitikọs 4:13

Ọ da dianẹ ukoko rẹ Izrẹl na ejobi da vwẹ ugheghẹ ru umwemwu rẹ oruchọ na da djahe kẹ ukoko na, ayen da chọ urhi ọvo rẹ Ọrovwohwo tanẹ erue-e ye ayen reabe:

Livitikọs 4:20

Ọtiọye o ji ru erhuẹn rẹ ọshare na; kirobo ro ruẹ erhuẹn rẹ izobo rẹ umwemwu na ọtiọye o ji ru Ọnana rhe; Orherẹn na kọ gọ ẹgua na nẹ ayen ejobi oma, kẹ ayen vwo evworhovwo.

Ukeri 15:24

ọ da dianẹ wa vwẹ ugheghẹ ruo rẹ ukoko na rha riẹ-ẹn, ukoko na ejobi ke vwẹ upene rẹ erhuẹn ọshare vwo ze izobo rẹ ẹtorhẹ, ro gbo ọnrhẹn ororo kẹ Ọrovwohwo, kugbe izobo rẹ ọka kugbe izobo rẹ udi, kirobo rẹ urhi na epha, kugbe ẹmẹkpro ọvo re vwo ze izobo rẹ umwemwu.

Ẹyano 29:14

Ẹkẹvuọvo uvwo rẹ erhuẹn na, vẹ ohọrọ rọye, vẹ isọn rọye, kọye wọ vwẹ erhanre torhẹ vwẹ otafe rẹ erhọn na; ọye izobo rẹ umwemwu.

Livitikọs 6:11

Kẹsiẹye orherẹn na ki ku iwun rọye nẹ oma, o mi ku iwun efa phihọ, ọ Me ghwa iwurhie na nẹ erhọn rọ hẹ otafe kpo asan rọ fonro.

Livitikọs 6:23

Izobo re eka kizobo re eka rẹ orherẹn vwọ rhe ejobi a torhẹ ayen re ka-kare, a riọ-ọ.

Livitikọs 8:17

Ẹkẹvuọvo erhuẹn ọshare na, ophiẹn rọye vẹ uvwo rọye, te isọn rọye, ọ da torhẹ ayen vwẹ obotafe rẹ erhọn na, kirobo rẹ Ọrovwohwo na ji iji kẹ Mosis.

Livitikọs 16:27

Erhuẹn ọshare re vwo ze izobo fiki rẹ izobo rẹ umwemwu na ọ vẹ ẹvwe rẹ izobo rẹ imwemwu na, ra vwẹ ọbara rẹ rayen rọ evun rẹ asan ẹshẹ na rẹ a vwọ gọ ẹgua na nu na, ke muo ro otafe nẹ evun rẹ erhọn na; a Me vwẹ erhanre torhẹ ophiẹn rayen vẹ uvwo rayen kugbe isọn rayen ejobi.

Izikiẹl 45:22

Vwẹ ẹdẹ yena osun na kọye vwo obo rẹ ekpuyovwi rọye cha re kugbe ihwo rẹ otọ na ejobi cha re upene rẹ erhuẹn ọshare re vwo ze izobo rẹ umwemwu.