Livitikọs 4:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọtiọye o ji ru erhuẹn rẹ ọshare na; kirobo ro ruẹ erhuẹn rẹ izobo rẹ umwemwu na ọtiọye o ji ru Ọnana rhe; Orherẹn na kọ gọ ẹgua na nẹ ayen ejobi oma, kẹ ayen vwo evworhovwo.

Livitikọs 4:20 ပူးပေါင်းရင်းမြစ်များ

Ẹyano 32:30

Irhiọke rivẹ Mosis da ta kẹ ihwo na, We ru umwemwu rode. Asakiephana ki mi yeri kpenu bru Ọrovwohwo; siẹvo se me sa gọ ẹgua nẹ ovwan oma fiki rẹ umwemwu rẹ ovwan.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Livitikọs 1:4

Ohwo na Me ghwẹ obọ rọye kpahe uyovwi rẹ eranvwe ra cha torhẹ na, ka reyọ fiki rọye re a vwọ ghwa imwemwu rọye nu.

Livitikọs 12:8

Aye na rha sa de omogodẹ-ẹ, ọ Me reyọ irurẹ ivẹ eyẹ emọ rẹ inekuku ivẹ, ọ Me vwẹ ọvo ze izobo rẹ ẹtorhẹ ọrivẹ kẹ izobo rẹ umwemwu, Orherẹn na kọ gọ ẹgua rọye nọ, kọ fon.

Livitikọs 14:18

evwri ro rhe chekọ vwẹ obọ rẹ orherẹn na ko vwo te uyovwi rẹ ohwo re ruẹ fuan na. Kọye orherẹn na vwọ gọ ẹgua no oma vwẹ obaro rẹ Ọrovwohwo.

Livitikọs 15:15

Orherẹn na Me vwẹ ayen ze, ọvo vwọ kẹ izobo rẹ umwemwu ọrivẹ vwọ kẹ izobo rẹ ẹtorhẹ, orherẹn na Me gọ ẹgua rẹ ehwẹ na nẹ ohwo na oma vwẹ obaro rẹ Ọrovwohwo na.

Livitikọs 19:22

Orherẹn na Me vwẹ egbo na ze vwọ gọ ẹgua no oma vwẹ obaro rẹ Ọrovwohwo fiki rẹ umwemwu ro ruru na, kẹsiẹye a ke vwẹ umwemwu ro ruru na vwo ghovwo.

Livitikọs 4:21

O mi mu erhuẹn ọshare na phihọ otafe nẹ evun rẹ erhọn na, ọ Me torhẹ kerẹ ọ rẹsosuọ na, Ọnana izobo fiki rẹ izobo rẹ umwemwu rẹ otu ejobi.

Livitikọs 4:26

Ọ Me torhẹ ivwri rọye ejobi vwẹ enu rẹ agbada na, kirobo re ruẹ ivwri re vwo ze izobo rẹ ufuoma; ọtiọye na orherẹn na Me rhuẹrẹ arhuẹrẹ fiki rẹ imwemwu rọye, ke vwo ghovwo.

Livitikọs 4:35

Ivwri rẹ eranvwe na ejobi o mi si ayen no kirobo re siẹ ivwri nẹ omogodẹ re vwo ze izobo rẹ ufuoma na no, orherẹn na Me torhẹ vwẹ enu rẹ agbada na, vwọ ba izobo ra torhẹ na vwọ kẹ Ọrovwohwo; orherẹn na kọ gọ ẹgua no oma fiki rẹ imwemwu ro ruru na, ke vwo ghovwo.

Livitikọs 4:8

O Me reyọ ivwri rẹ erhuẹn ọshare na re vwo ze fiki rẹ izobo rẹ umwemwu na, te ivwri rẹ ivun vẹ i ri rhurhu ayen ejobi,

Livitikọs 5:10

kẹsiẹye o ki rhi ze izobo rẹ ivẹ rọ dia izobo rẹ ẹtorhẹ na kirobo rẹ urhi na epha; orherẹn na Me rhe gọ ẹgua rẹ umwemwu ro ruru na no oma rọye, ko vwo ghovwo.

Livitikọs 5:13

enẹ orherẹn na vwọ gọ ẹgua rẹ umwemwu na ro ruru na no oma rọye, ko vwo ghovwo. Obo ri chekọ vwẹ Etiyin ejobi orherẹn na kọye re reyọ, kirobo re ruẹ vwẹ izobo rẹ ọka jovwo na.

Livitikọs 5:16

Orọvwọ ọfuanfon ro miovwiri na, ọ Me rha hwa osa rọye, o Me rha hwa abo ọvo rẹ ẹbẹre iyori kpahọ, ọ Me vwẹ ayen rhe orherẹn na, Orherẹn na Me vwẹ egbo na phorho ẹgua rẹ oruchọ rọye fia, rere e vwo ghovwo.

Livitikọs 5:18

Kọ reyọ egbo ro vwo eka-an vwo rhe orherẹn na, egbo ro mu uwan ra hwa osa rẹ izobo rẹ abe na, orherẹn na kọ gọ ẹgua rọye nu vwọ kẹ fiki rẹ oruchọ ro ruru vwe ijẹriẹn na, ke vwo ghovwo.

Livitikọs 5:6

Kọ vwẹ izobo rẹ abe rọye vwọ rhe Ọrovwohwo fiki rẹ imwemwu ro ruru, ẹvwe aye eyẹ omogodẹ aye, kẹ ọye o vwo ze izobo rẹ umwemwu; orherẹn na kọ gọ ẹgua rẹ umwemwu rọye na no oma rọye.

Livitikọs 6:7

Orherẹn na Me reyọ vwọ gọ iye rẹ arhuẹrẹ kẹ Ọrovwohwo re a vwọ gọ ẹgua no oma vwẹ obaro rẹ Ọrovwohwo, ke vwo ghovwo emu kemu rẹ ohwo ruẹ ọ Me re abe.

Ukeri 15:25

Orherẹn na kọ gọ ẹgua nẹ ukoko rẹ ihwo rẹ Izrẹl na ejobi, ko vwo ghovwo ayen; fikiridie ọ chọ ayen obọ, kẹ ayen reyọ izobo rẹ ayen rhe, izobo rẹ ẹtorhẹ kẹ Ọrovwohwo, kugbe izobo rẹ umwemwu vwẹ obaro rẹ Ọrovwohwo na, fiki rẹ oruchọ rayen.

Ukeri 15:28

Orherẹn na ko mudia gọ ẹgua na vwẹ obaro rẹ Ọrovwohwo fiki rẹ ohwo na ro ru oruchọ na, ọke rọ da vwẹ ughẹghẹ vwo ru umwemwu, ka gọ ẹgua nu kẹ, ke vwo ghovwo.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

Hibru 1:3

Ọye hẹ elo rọ họhọ urinrin rọye rọ họhọ Ọghẹnẹ vwẹ erhuvwn rọye dẹn, ọ da reyọ ota rẹ ogangan rọye vwọ yọnre akpọ na. Ọke rọ vwọ hworhẹ imwemwu nu, o de tidia obọrhe rẹ Ọrho vwẹ obenu.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.

1 Jọn 2:2

ọye hẹ ofuophu rẹ imwemwu rẹ avwanre, ọ dia ọ rẹ avwanre ọvo-o ẹkẹvuọvo ji te ọ rẹ akpọ na ejobi.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre