Livitikọs 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² kọye ekru re eranvwe na ejobi ko muo kpo asan rọ fonro vwẹ obo otafe, asan re de ku iwurhie Kuefia, ọ Me vwẹ erhanre torhẹ vwẹ asan re de ku iwurhie fia na.

Livitikọs 4:12 ပူးပေါင်းရင်းမြစ်များ

Ẹyano 29:14

Ẹkẹvuọvo uvwo rẹ erhuẹn na, vẹ ohọrọ rọye, vẹ isọn rọye, kọye wọ vwẹ erhanre torhẹ vwẹ otafe rẹ erhọn na; ọye izobo rẹ umwemwu.

Izikiẹl 43:21

Ku wọ je reyọ erhuẹn rẹ izobo rẹ umwemu na, ka torhẹ vwẹ asan re dje phihọ kẹ vwẹ evun rẹ uwevwi rẹ ẹga na, vwẹ uphephẹ rẹ otọ ọfuanfọn na.

Livitikọs 13:46

Ọmwo kọye ọ dia bẹsiẹ rẹ emiavwe rọye vwo kpo, rọ vwọ mwa ọga na, ko sioma nẹ otu ọ Me rha dia ọko rẹ obọ rọye ọ gbe dia evun rẹ erhọn na eyẹ orere na-a.

Livitikọs 16:27

Erhuẹn ọshare re vwo ze izobo fiki rẹ izobo rẹ umwemwu na ọ vẹ ẹvwe rẹ izobo rẹ imwemwu na, ra vwẹ ọbara rẹ rayen rọ evun rẹ asan ẹshẹ na rẹ a vwọ gọ ẹgua na nu na, ke muo ro otafe nẹ evun rẹ erhọn na; a Me vwẹ erhanre torhẹ ophiẹn rayen vẹ uvwo rayen kugbe isọn rayen ejobi.

Livitikọs 4:21

O mi mu erhuẹn ọshare na phihọ otafe nẹ evun rẹ erhọn na, ọ Me torhẹ kerẹ ọ rẹsosuọ na, Ọnana izobo fiki rẹ izobo rẹ umwemwu rẹ otu ejobi.

Livitikọs 6:23

Izobo re eka kizobo re eka rẹ orherẹn vwọ rhe ejobi a torhẹ ayen re ka-kare, a riọ-ọ.

Livitikọs 6:30

Ẹkẹvuọvo e jẹn ohwo re eranvwe re vwo ze izobo rẹ umwemwu ra reyọ ọbara rọye rọ evun rẹ utughẹ ra da vwa oma na-a, a vwọ gọ ẹgua vwẹ asan ọfuanfon na, a vwẹ erhanre torhẹ.

Livitikọs 6:4

rẹ ohwo ro ru umwemwu tiọnana da re abe, kọ vwẹ emu ro chori na kpo adia rọ da reyọ, eyẹ obo rọ vwẹ oshenyẹ vwo na, eyẹ emu ra vwọ kẹ yọnre na, eyẹ obo ri ghwruru rọ mrẹ rhọrọ,

Livitikọs 8:17

Ẹkẹvuọvo erhuẹn ọshare na, ophiẹn rọye vẹ uvwo rọye, te isọn rọye, ọ da torhẹ ayen vwẹ obotafe rẹ erhọn na, kirobo rẹ Ọrovwohwo na ji iji kẹ Mosis.

Livitikọs 9:11

Uvwo rẹ eranvwe na kugbe ophiẹn rọye ọ da torhẹ ayen vwẹ obo otafe rẹ erhọn na.

Ukeri 15:35

Ọrovwohwo da ta kẹ Mosis, Ohwo na ke hwe ghwu; ukoko rẹ ihwo na ejobi ke reyọ nẹ evun rẹ erhọn na ka vwẹ elanọ phio hwe.

Ukeri 19:3

Ku wọ reyọ vwọ kẹ Eleaza rẹ orherẹn, ka reyọ kpo otafe rẹ erhọn na e mi hwe vwẹ obaro rọye.

Ukeri 19:5

Ka torhẹ umuomuo rẹ erhuẹn na vwẹ obaro rọye; ophien rọye, uvwo rọye, kugbe ọbara rọye, vẹ isọn rọye, ka torhẹ;

Ukeri 5:3

Wo si te ọshare te aye nẹ evun rẹ erhọn na rere ayen vwo je erhọn na emiovwo, vwẹ uherevie rẹ asan re me dia na.

Hibru 13:11

Kidie eranvwe rẹ hweri rẹ orherẹn rode na reyọ ọbara rọye vwo kpo ẹshẹ na rhe vwọ gọ iye rẹ umwemwu na a torhẹ ayen vwẹ otafe rẹ erhọn na.