Livitikọs 26:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ovwan kare ẹdjọ ọvuọvo kẹ oma rẹ ovwa-an, emu kemu re bru ona phihọ we vwo viẹ-ẹ eyẹ wa ma osusu-un, wa je kare oragha vwo viẹ vwe otọ wẹn na-a, re we diguẹ ke aye-en, Kidie Mẹvwẹ Ọrovwohwo Ọghẹnẹ wẹn.

Livitikọs 26:1 ပူးပေါင်းရင်းမြစ်များ

Ivie rẹ Ivẹ 17:10

ayen de ma osusun vẹ ighriki kẹ omobọ rayen vwẹ enu rẹ ugbenu kugbe otọ ri kurhe kurhe ọkpokpọ;

Ivie rẹ Ivẹ 17:16

Ayen da siẹn irhi rẹ Ọrovwohwo Ọghẹnẹ rayen, ayen de duvwu upene rẹ irhuẹn ivẹ kẹ oma rayen, ayen da ma Ashera, ayen da gọ ema rẹ obo odjuvwu, ayen da gọ Baal.

Ivie rẹ Ivẹ 17:8

e da yan nene uruemu rẹ ẹgborho efa rẹ Ọrovwohwo djẹ ihwo nu kẹ ihwo rẹ Izrẹl dia, kugbe uruemu rẹ ivie rẹ Izrẹl cho miẹ ayen rhe.

Une rẹ Ejiro 78:58

Ayen da vwẹ umukpe ra teye kpenu na vwọ kparọ ophu ayen da vwe ema re ayen kare vwọ kparọ ophu

Une rẹ Ejiro 97:7

Ihwo re gọ ema ejobi oma cha vo ayen, re vwe erharhe re ema vwọ yan eyan; ẹdjọ na ejobi shiguẹ vwẹ obaro rọye

Ẹyano 20:2

Mẹvwẹ Ọrovwohwo Ọghẹnẹ wẹn, rọ rọye owẹ nẹ otọ rẹ Ijipt rhe, nẹ uwevwi rẹ ọviẹn rhe.

Ẹyano 20:23

Wọ rha kare edjọ rẹ idọnọ ọfuanfon vwọ ba vwẹ-ẹ, eyẹ wọ je ma edjọ rẹ oro kẹ oma wẹ-ẹn.

Ẹyano 23:24

wo rhe shiguẹ kẹ edjọ raye-en, eyẹ wọ ga aye-en, eyẹ wo ru kirobo rẹ ayen ruẹ-ẹ, ẹkẹvuọvo wo mi gere ayen she tototo wo mi hwe osunsun rayen ivwivwuvwu.

Ẹyano 34:17

Wọ kare edjọ ọvuọvo kẹ oma wẹ-ẹn.

Aizaya 2:20

Vwẹ ẹdẹ yena ihwo ki ku ema rẹ idọnọ kugbe ema rẹ iro rayen kufia, rẹ ayen ru kẹ oma rayen nẹ ayen ga vwọ kẹ irherhe kugbe edja,

Livitikọs 19:4

Ovwan rhe hirhe bru ẹdjọ-ọ eyẹ ovwan je kare ẹdjọ kẹ oma rẹ ovwa-an: Mẹvwẹ Ọrovwohwo Ọghẹnẹ rẹ ovwan.

Livitikọs 25:55

Kidie ihwo rẹ Izrẹl na ejobi idibo mẹ re Me reyọ nẹ otọ rẹ Ijipt rhe. Mẹvwẹ Ọrovwohwo Ọghẹnẹ rẹ ovwan na.

Livitikọs 7:33

Orherẹn na rọ hẹ ohri rẹ emọ rẹ Erọn na rọ reyọ ọbara vẹ ivwri rẹ eranvwe na ze izobo rẹ ufuoma na kọye ri vwo ekpoghowọ rẹ obọrhe rẹ eranvwe na.

Ukeri 33:52

ku wọ djẹ ihwo re dia otọ na jovwo na no, wọ me guọghọ eragha ra kare na ejobi no, kugbe ema ra wranre ejobi wọ guọghọ ayen, wo mi kporo imikpe rayen ri kpenu ejobi,

Iruo rẹ Iyinkọn na 17:29

Rẹ avwanre vwọ dia uvwiẹ rọye na, avwanre gbi rhe roro nẹ Ọghẹnẹ na vwenẹ kọ họhọ oro, eyẹ idọnọ ọfuanfon, eyẹ oragha, oma rẹ ohwo rẹ akpọ vwẹ ona eyẹ iror evun kanre-e.

Urhi Rivẹ 27:15

Ekan dia kẹ ohwo rọ kare oma eyẹ ohwo rọ ma oma ọye ẹgua kẹ Ọrovwohwo na, emu rẹ ọwena kare, re mu phihọ odjahọ, Ihwo na ejobi Me kpahe tanẹ, Isẹ.

Urhi Rivẹ 5:6

Mẹvwẹ Ọrovwohwo Ọghẹnẹ wẹn, rọ reyọ owẹ nẹ otọ rẹ Ijipt rhe, nẹ uwevwi rẹ ọviẹn rhe.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

Iguẹdjọ 18:30

Ihwo ri Dan na da vwẹ oma ọvo vwo mu kẹ oma rayen; Jonatan ọmọ ri Gẹshọn, ọmọ ri Mosis, kugbe emọ rọye kẹ irherẹn kẹ orua rẹ ihwo ri Dan rhi te ọke re vwo mu ayen kpo otọ rẹ ọviẹn.