Livitikọs 22:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Gbe jẹn ayen yọnrọn urhi mẹ, ayen de rhe ru imwemwu fiki rọye ayen de rhe ghwu fiki rọye siẹ rẹ ayen de gbe ẹgua vwẹ oma rayen: Mẹvwẹ Ọrovwohwo ro ru ayen fon na.

Livitikọs 22:9 ပူးပေါင်းရင်းမြစ်များ

Ẹyano 28:43

ke dia oma rẹ Erọn, vẹ emọ rọye, vwẹ ọke ro de kpo utughẹ ra da vwa oma na, eyẹ ọke rẹ ayen de che sikẹrẹ agbada na rhi gbe odibo vwẹ ẹdia ọfuanfon na; ọ rha dia ọtiọye-e ayen da rha ghwẹ abe phihọ oma rayen ayen de rhe ghwu. Ọnana kọ dia iji rhiri bẹdẹ vwọ kẹ vẹ ikrun rọye re cha vwẹ obuko rọye.

Livitikọs 16:13

O mi phi ugboduma phihọ erhanre vwẹ obaro rẹ Ọrovwohwo na, rere ivwirhi rẹ ugboduma na vwo rhurhu akpanurhe rẹ arodọvwẹ na rọ enu rẹ okọ na rẹ irhi rẹ Ọrovwohwo epha na, re vwenẹ o vwo je ghwo;

Livitikọs 16:2

Ọrovwohwo da ta kẹ Mosis, Ta kẹ Erọn oniọvo wẹn nẹ ọ rha vwẹ ọke ejobi ro asan ọfuanfon na rọ hẹ evun re utughẹ na-a, vwe obaro re akpanurhe rẹ arodọvwẹ ro enu rẹ ekpeti na, O de rhe ghwu, kidie Me cha phia vwẹ evun rẹ egho vwẹ enu rẹ akpanurhe rẹ arodọvwẹ na.

Livitikọs 18:30

Vwẹ ọtiọye ovwan gba yọnrọn iji mẹ na rere ovwan vwo jẹ imu nana eruo e re ruẹ jovwo tavwe rẹ ovwan ke rhe na, rere ovwan vwo jẹ ẹgua e gbe vwẹ oma rayen ejobi. Mẹvwẹ Ọrovwohwo Ọghẹnẹ rẹ ovwan.

Livitikọs 22:16

rọ da nẹrhẹ ayen ru umwemwu kugbe abe, vwẹ oma rẹ ẹriọ re emu ọfuanfon na. Kidie Mẹvwẹ Ọrovwohwo ro ru ayen fon na.

Ukeri 18:22

Kẹ etinẹ yanran, ihwo rẹ Izrẹl gbi che si kẹrẹ utughẹ ra da vwa oma na-a, ọ da dia ọtiọye kẹ ayen ghwa umwemwu kẹ ayen ghwu.

Ukeri 18:32

Wọ rha ghwa oghwa rẹ umwemwu fiki rọye-e, wo da vwẹ ọ ro me yovwi vwọ vwo ze izobo nu. Wọ rha vwẹ emu ọfuanfon rẹ ihwo rẹ Izrẹl na gbe ẹgua-a, wo de ruo wo de rhe ghwu.

Matiu 23:17

Ovwan ẹkpa kugbe irhuẹro na; ọrhọ re marho, oro gbinẹ ishọshi ra vwẹ oro na rhuẹre?

Urhi Rivẹ 11:1

Vwẹ ọtiọye na wọ Me guọnọ Ọrovwohwo Ọghẹnẹ, vwo ru iruo kẹ, vwọ yọnrọn irhi, vẹ ẹgha kugbe iji rọye, vwẹ ọke ejobi.