Livitikọs 20:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọ da dianẹ ihwo rẹ otọ na ku aro fia kẹ uruemu rẹ ohwo yena, vwẹ ọke rọ vwọ reyọ ọmọ rọye vwọ kẹ Molẹk na, re ayen rhe hwe ghwu-u,

Livitikọs 20:4 ပူးပေါင်းရင်းမြစ်များ

1 Ivie 20:42

Ọ da ta kẹ, E nẹ Ọrovwohwo tare, Fikiridie wo siobọ nẹ ohwo ri mi vwo ze kẹ ughwu na, ọtiọye na ke ji hwe we sohọ; ke ji hwe ihwo we sohọ ihwo rọye.

Livitikọs 20:3

Ekpuyovwi mẹ ki mi hirhe opharo mẹ ku ohwo yena, ki mi bro nẹ ohri rẹ ihwo rọye, fikirobo rọ vwọ reyọ ọmọ rọye kẹ Molẹk, ro vwo gbe ẹshẹ mẹ ẹgua ro rhe vwo miovwo odẹ ọfuanfon Me na.

Livitikọs 20:5

ki mi hirhe aro mẹ ku ohwo yena vẹ uvwiẹ rọye, ki mi bru ayen ejobi kufia nẹ ohri rẹ ihwo rayen, te ọye vẹ ihwo ri nenire ru uruemu rẹ egagọ ri Molẹk na ejobi.

Iruo rẹ Iyinkọn na 17:30

Ọke rẹ ughẹghẹ Ọghẹnẹ vwo ku opharo fia, ẹkẹvuọvo asakiephana o de ji urhi kẹ ihwo ejobi vwi kasan kasan nẹ e kurhẹriẹ,

Urhi Rivẹ 13:8

wọ rhọvwa kẹ-ẹ, eyẹ wọ kerhọn rọye-e eyẹ wo re ehrọre rọye-e, eyẹ wo jowo-o, eyẹ wo sionẹ-ẹ;

Joshua 7:12

Fiki rẹ ọtiọye na ihwo rẹ Izrẹl na gbi se mudia hirhe opharo ku ivwighrẹn raye-en, kọye ayen vwo chuko ku ivwighrẹn rayen na, kidie ayen hirhe phihọ obo ra cha ghwọrọ kufia. Me vẹ ovwan gbe cha dia ọfa-a, jokpa nẹ ovwan guọghọ ekuakua rẹ izobo na nẹ ohri rẹ ovwan.

Ẹvwọphia 2:14

Ẹkẹvuọvo mi ji vwo omota me ta kpahe owẹ; kidie wo vwo ihwo ẹvo vwẹ etiyin re yọnre uyono ri Belam, ro yono Balak nọ dia uchukurhe umwemwu kẹ emọ rẹ Izrẹl, nẹ ayen re emu ra vwọ gọ ema rere ayen rhe gbe ọfanrhiẹ.