Livitikọs 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọ Me vwẹ ayen rhe emọ rẹ Erọn re irherẹn na Ọ Me ghwe ẹkuobọ vọn nẹ eka re duvwuru na vẹ evwri, kugbe adjija na ejobi; orherẹn na kọ torhẹ Ọnana rọ dia ẹkẹn re ẹkarohọ rọye vwẹ enu rẹ agbada na, izobo rẹ erhanre, ro gbo ọnrhen ororo kẹ Ọrovwohwo.

Livitikọs 2:2 ပူးပေါင်းရင်းမြစ်များ

Nehemaya 13:14

Karohọ ovwẹ, E Ọghẹnẹ mẹ, fiki rẹ ọnana, wọ phoro iruo esiri ri mi ruru ke uwevwi rẹ Ọghẹnẹ mẹ nẹ-ẹ kugbe ẹga rọye.

Nehemaya 13:22

Mi de ji urhi ke ihwo ri Livae ne ayen phorho oma re ayen re ayen rhe rhe rhẹrẹ anurhoro na, re a yọnrọn ẹdidjala na fuanfon. Je karohọ ọna phihọ erhuvwu mẹ, E Ọghẹnẹ me, rere wo ju vwe vwo kirobo re ọrho rẹ ẹguọnọ wẹn ro jẹ rhẹriẹ na epha.

Ẹyano 30:16

Wọ me rọye igho ra vwọ gọ ẹgua na mie ihwo rẹ Izrẹl keye e vwo ru iruo rẹ ẹga vwẹ utughẹ ra da vwa oma na, rere ọ vwọ dia ẹkarohọ rẹ ihwo rẹ Izrẹl kẹ Ọrovwohwo, rere a vwọ gọ ẹgua kẹ oma rẹ ovwan.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Livitikọs 1:13

ẹkẹvuọvo a Me vwẹ ame hworhẹ ivun rọye ve awọ rọye. Orherẹn na Me vwẹ ayen ejobi ze izobo, ọ Me torhẹ ejobi tototo vwẹ enu rẹ agbada na, ona izobo rẹ ẹtorhẹ, izobo rẹ erhanre, ro gbo ọnrhen ororo kẹ Ọrovwohwo.

Livitikọs 1:17

Ọ Me bẹrẹ vwẹ asan ibekpe rọye, ẹkẹvuọvo ọ bẹre vwre-e. Kẹsiẹye orherẹn na ke torhẹ vwe agbada na vwẹ enu rẹ ituerhanre na, Ọnana je he izobo rẹ erhanre ro gbo ọnrhen ororo kẹ Ọrovwohwo.

Livitikọs 1:9

ẹkẹvuọvo ivun rọye vẹ awọ rọye ọ Me vwẹ ame hworhẹ ayen Orherẹn na Me torhẹ ayen ejobi tototo vwẹ enu rẹ agbada na, kọye izobo rẹ ẹtorhẹ, izobo rẹ erhanre, ro gbo ọnrhen ororo kẹ Ọrovwohwo na.

Livitikọs 2:16

Orherẹn na Me torhẹ rọ dia ẹkarohọ ẹkẹn abọ rẹ eka na vẹ evwri na kugbe adjija na ejobi Ọnana izobo re erhanre kẹ Ọrovwohwo.

Livitikọs 2:9

Orherẹn na Me dia izobo rẹ ọka na reyọ ẹkẹn rẹ ẹkarohọ na ọ Me torhẹ vwẹ enu rẹ agbada na, rọ dia izobo rẹ erhanre, ro gbo ọnrhe ororo kẹ Ọrovwohwo.

Livitikọs 24:7

Wo mi rhe phi adjija phihọ urhiẹn ọvuọvo, rere a vwọ reyọ kugbe ikara na vwo ze izobo rẹ ẹkarophihọ ra torhẹre vwọ kẹ Ọrovwohwo na.

Livitikọs 4:31

O mi si ivwri rẹ eranvwe na ejobo no ọtiobo re ruẹ ọ rẹ izobo rẹ ufuoma na, Orherẹn na kọ torhẹ ayen vwẹ enu rẹ agbada na rere o gbo ọnrhen ororo kẹ Ọrovwohwo, Orherẹn na kọ gọ ẹgua rọye no oma, ke vwo ghovwo.

Livitikọs 5:11

Ẹkẹvuọvo ohwo rha sa dẹ inekuku ivẹ eyẹ erurẹ ivẹ-ẹ, gbe jọ reyọ abọ ọvo rẹ ẹko ihwe rẹ iputusẹ rẹ eka re duvwu nure vwọ rhe rere o vwo ze izobo rẹ umwemwu fiki rẹ umwemwu rọye ro ruru, o ku evwri phihọ-ọ, eyẹ adjija dede-e, kidie Ọnana izobo rẹ umwemwu.

Livitikọs 5:12

Kọ reyọ rhe orherẹn na, orherẹn na Me ghwe ẹkuobọ vọn no rọ dia ẹkẹn rẹ ẹkarohọ rọye, ọ Me torhẹ Ọnana vwẹ enu rẹ agbada na, ra da torhẹ izobo kẹ Ọrovwohwo na, Ọnana izobo rẹ umwemwu,

Livitikọs 6:15

Omwọvo Me ghwẹ ẹkuobọ vọn nẹ eka na ra nabọ duvwu na vwọ ba evwri rọye kugbe adjija na rọ hẹ enu rẹ izobo rẹ ọka na, ọ Me torhẹ Ọnana rọ dia ẹkẹn rẹ ẹkarohọ vwẹ enu rẹ agbada na, ro gbo ọnrhe ororo kẹ Ọrovwohwo.

Ukeri 5:18

Orherẹn na ko phi aye na phihọ obaro rẹ Ọrovwohwo na, ọ me rhan ẹto rẹ uyovwi rẹ aye na, o mi mu izobo rẹ ọka rẹ ẹkaroho na phihọ obọ rọye, kọye izobo rẹ ọka rẹ omẹriọ na. Orherẹn na mi rhe mu ame phihọ obọ rọye kọye ame rọ yara korokoro rọ ghwẹ ekan yan.

Ukeri 5:26

orherẹn na me ghwẹ ẹkuobọ rẹ izobo rẹ ọka na; rọ dia ẹkẹn rẹ ẹkarohọ, ọ me torhẹ vwẹ enu rẹ agbada na, o de ru nu ọ me rha vwẹ ame na kẹ aye na da.

Iruo rẹ Iyinkọn na 10:4

Ọ da tẹrovio vẹ uguegue, ọ da ta, Didi emu Ọrovwohwo? Ọ da ta kẹ, Ẹrhovwo wẹn kugbe ẹse wẹn rhi mudia họ ekarohọ vwẹ obaro rẹ Ọghẹnẹ.