Livitikọs 17:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Orherẹn na Me fẹrẹ ọbara rọye ku agbada rẹ ẹga rẹ Ọrovwohwo na vwẹ asan unurhoro rẹ utughẹ ra da vwa oma na, Ọ Me rha torhẹ ivwri rẹ eranvwe na re o gbo ọnrhe ororo kẹ Ọrovwohwo na.

Livitikọs 17:6 ပူးပေါင်းရင်းမြစ်များ

Ẹyano 29:13

Wọ me rọye ivwri ri rhurhu ivun rọye ejobi, vẹ e rẹ tamu irhue rọye, vẹ ibiehu ivẹ na vẹ ivwri re tamu ayen, wọ me torhẹ ayen vwẹ enu rẹ agbada na.

Ẹyano 29:18

wọ me torhẹ egbo na ejobi vwẹ enu rẹ agbada na; ọnana izobo rẹ ẹtorhẹ kẹ Ọrovwohwo; ọnana ọnrhe ororo, izobo rẹ erhanre kẹ Ọrovwohwo.

Izikiẹl 44:15

Ẹkẹvuọvo irherẹn rẹ ihwo ri Livae na, emọ ri Zadọk, re sẹro rẹ ẹshẹ mẹ na vwẹ ọke rẹ emọ rẹ Izrẹl vwo suosuo nẹ uvwe oma, ki che si kẹrẹ ovwẹ ri gbe odibo kẹ vwẹ, kẹ ayen che si kẹrẹ ovwẹ ri ze izobo rẹ ivwri kugbe ọbara kẹ vwẹ, eriyin Ọrovwohwo Ọghẹnẹ tare.

Livitikọs 17:5

Ọnana kọ dia ọtiọye rere ihwo rẹ Izrẹl vwọ reyọ eranvwe rayen hweri vwẹ evun rẹ aghwa, vwo rhe Ọrovwohwo na, vwo rhe orherẹn na vwẹ unurhoro rẹ utughẹ ra da vwa oma na, rere e hwe ayen vwo ze izobo rẹ ufuoma vwọ kẹ Ọrovwohwo na.

Livitikọs 3:11

Orherẹn na kọ torhẹ ayen vwẹ enu rẹ agbada na, kọ dia emu rẹ a vwẹ erhanre torhẹ vwọ kẹ Ọrovwohwo.

Livitikọs 3:13

ọ Me ghwẹ obọ rọye kpahe uyovwi rọye, o mi hwe vwẹ obaro rẹ utughẹ ra da vwa oma na; emọ re Erọn mi ku ọbara rọye riariẹ agbada na phihọ.

Livitikọs 3:16

Orherẹn na kọ torhẹ ayen vwẹ enu rẹ agbada na kọye emu re vwo ze izobo rẹ erhanre ro gbo ọnrhen ororo. Ivwri re eranvwe ejobi e rẹ Ọrovwohwo.

Livitikọs 3:2

Ọ Me ghwe obọ rọye kpahe uyovwi rẹ eranvwe na, o mi hwe vwe anurhoro rẹ utughẹ re a da vwa oma na; emọ re Erọn rẹ irherẹn na ki ku ọbara rọye riariẹ agbada na phihọ.

Livitikọs 3:5

Kẹsiẹye emọ rẹ Erọn ke torhẹ vwẹ enu rẹ agbada ra torhẹre rọ enu rẹ ituerhanre vẹ erhanre rọ enu rẹ agbada na; Ọnana ẹkpẹvwẹ rẹ erhanre, o ro gbo ọnrhen ororo kẹ Ọrovwohwo.

Livitikọs 3:8

ọ Me ghwẹ obọ rọye kpahe uyovwi rẹ izobo na o mi hwe vwẹ obaro rẹ utughẹ ra da vwa oma na, emọ re Erọn mi ku ọbara rọye ku agbada na ejobi riariẹ,

Livitikọs 4:31

O mi si ivwri rẹ eranvwe na ejobo no ọtiobo re ruẹ ọ rẹ izobo rẹ ufuoma na, Orherẹn na kọ torhẹ ayen vwẹ enu rẹ agbada na rere o gbo ọnrhen ororo kẹ Ọrovwohwo, Orherẹn na kọ gọ ẹgua rọye no oma, ke vwo ghovwo.

Ukeri 18:17

Ẹkẹvuọvo ọmọ rẹ ẹsosuọ rẹ erhuẹn yerẹ ogegede yerẹ ẹvwe, wọ tan eyena-a eyena fonro. Wọ me fẹrẹ ọbara rayen ku agbada na, ku wọ torhẹ ivwiri rayen kerẹ izobo ra vwẹ erhanre torhẹ re gbo ọnrhẹn ororo kẹ Ọrovwohwo.