Livitikọs 17:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ o rhe muo rhe obaro rẹ unurhoro rẹ utughẹ ra da vwa oma na-a, rọ da vwọ kpẹvwẹ Ọrovwohwo na vwẹ obaro rẹ ọgarivi rẹ Ọrovwohwo na-a, ke kere ohwo yena phihọ ohwo rọ re abe rẹ ọbara; kugbe ẹgua rẹ ọbara ehwe; ke sio nẹ ohri rẹ ihwo rọye.

Livitikọs 17:4 ပူးပေါင်းရင်းမြစ်များ

Jẹnẹsis 17:14

Kọshare kọshare ra yanvwe jovwo-o rọ gbe rha yanvwe ohọrọ rẹ ẹsosuọ rẹ oma rọye-e, ke bro kufia nẹ usun rẹ ihwo rọye, yọ chọ urhi rẹ ọphọ mẹ na.

Une rẹ Ejiro 32:2

Ebruba kẹ ohwo rẹ Ọrovwohwo keri orukuruku ba obọ-ọ, rẹ ophiẹnvwe ọvuọvo he udu rọye-e.

Ẹyano 12:15

Ẹdẹ ighwrẹn wa vwọ re ikara ro jephuo vwẹ ẹdẹ rẹ ẹsosuọ ku wo si ikara ro jephuo na nẹ uwevwi wẹn, kidie ọ da dianẹ ohwo ọvo re obo ri phuru nẹ ẹdẹ rẹ ẹsosuọ na ri te ẹdẹ ri ighwrẹn, ka nyavwe ohwo yena kufia nẹ Izrẹl na.

Ẹyano 12:19

Vwẹ ẹdẹ ighwrẹn we ja mrẹ iphuephu vwe iwevwi rẹ ovwa-an; ọ da dianẹ ohwo re obo ri phuru, ohwo yena ka nyavwọ nẹ ukoko rẹ Izrẹl na, owenẹ ọ dia ọrhorha eyẹ ọmotọ.

Ẹyano 30:33

Kohwo kohwo ro ru ọvo kerẹ ọye yerẹ kohwo kohwo ro kuro ku ohwo ghevweghe ke sio nẹ ohri re ihwo rọye.

Ẹyano 30:38

Kohwo kohwo ro ru ishani ọtiọna ro da họhọ kẹ oma rọye ka djẹ nẹ ohri rẹ ihwo rọye.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Izikiẹl 20:40

Kidie vwe enu rẹ ugbenu ọfuanfon mẹ na, obenu rẹ ugbenu phelephele rẹ Izrẹl na, eriyin Ọrovwohwo Ọghẹnẹ tare, Etiyin uwevwi rẹ Izrẹl ejobi, ayen ejobi da cha ga vwẹ vwẹ evun rẹ otọ na; Etiyin me da reyọ ayen, etiyin me da cha reyọ arhọghọ wẹn kugbe omamọ rẹ okẹ wẹn, kugbe izobo wẹn rẹ efuanfon ejobi.

Livitikọs 1:3

Ẹkpẹvwẹ na da dia erhuẹn re che vwo ze izobo rẹ ẹtorhẹ, gbe jọ dia ọ rẹ ọshare ro jẹn ekan evwo; asan unurhoro rẹ utughẹ ra da vwa oma na kọye e de ze izobo na, rere Ọrovwohwo vwọ mrẹ asan reyọ.

Livitikọs 17:10

Ọ da dianẹ ohwo rẹ uwevwi rẹ Izrẹl, eyẹ ọrhorha rọ ohri rayen na da re ọbara, ki mi hirhe opharo mẹ ku ohwo yena rọ re ọbara na, mi mi sio nẹ ohri rẹ ihwo rọye.

Livitikọs 17:14

Kidie arhọ ri keranvwe keranvwe ejobi ọye ọbara rọye; kọye Me vwọ ta kẹ ihwo rẹ Izrẹl, nẹ ovwan ria ọbara ri keranvwe keranvwe-e, kidie arhọ ri kemu kemu ejobi ọye ọbara rọye, Ohwo rọ rerọ ejobi ke hwe kufia.

Livitikọs 17:3

Ọ da dianẹ ohwo rẹ uwevwi rẹ Izrẹl na de hwe erhuẹn ọshare eyẹ omogodẹ eyẹ ẹvwe vwẹ evun rẹ erhọn na, eyẹ otafe o de hwe,

Livitikọs 17:5

Ọnana kọ dia ọtiọye rere ihwo rẹ Izrẹl vwọ reyọ eranvwe rayen hweri vwẹ evun rẹ aghwa, vwo rhe Ọrovwohwo na, vwo rhe orherẹn na vwẹ unurhoro rẹ utughẹ ra da vwa oma na, rere e hwe ayen vwo ze izobo rẹ ufuoma vwọ kẹ Ọrovwohwo na.

Livitikọs 17:9

rọ rha ghwa rhe unurhoro rẹ utughẹ ra da vwa oma na-a, rere ọ reyọ vwo ze kẹ Ọrovwohwo-o ohwo yena ke sio nẹ otu rẹ ihwo rọye.

Livitikọs 18:29

Ohwo kohwo ro ru ọvo vwẹ ẹgua nana ejobi na, ihwo etiọye na ke hwe ayen vwo nẹ otu rẹ ihwo rayen.

Livitikọs 20:16

Aye da ra vwẹ oma kẹ eranvwe du, we mi hwe aye na vẹ eranvwe na, je hwe ayen re ọbara rayen kọ dia uyovwi rayen.

Livitikọs 20:18

Ọshare de bru aye afe kpo ovwerhẹ, ro de duo vẹ afe na, yọ rhanriẹ eyenre rọye, ye aye na rhie eyenre rẹ ọbara rọye phihọ, ke bru ayen ihwo ivẹ nẹ ohri rẹ ihwo rayen.

Livitikọs 20:3

Ekpuyovwi mẹ ki mi hirhe opharo mẹ ku ohwo yena, ki mi bro nẹ ohri rẹ ihwo rọye, fikirobo rọ vwọ reyọ ọmọ rọye kẹ Molẹk, ro vwo gbe ẹshẹ mẹ ẹgua ro rhe vwo miovwo odẹ ọfuanfon Me na.

Livitikọs 3:2

Ọ Me ghwe obọ rọye kpahe uyovwi rẹ eranvwe na, o mi hwe vwe anurhoro rẹ utughẹ re a da vwa oma na; emọ re Erọn rẹ irherẹn na ki ku ọbara rọye riariẹ agbada na phihọ.

Livitikọs 7:18

Ọ da dianẹ eranvwe rẹ izobo rẹ ufuoma phrọke re te ẹdẹ rẹ erha ra da riọ, yẹ ohwo ro ze izobo na gbe reyọ-ọ, o gbi fi erere kẹ-ẹ; kẹ ẹgua kọye ọ epha, ohwo rọ rerọ kọ ghwa orukuruku rọye.

Iyẹnrẹ Esiri ri Jọn 10:7

Ọtiọye na Jesu da rhoma ta kẹ ayen, Uyota, uyota, me ta kẹ ovwan, Mẹvwẹ hẹ anurhoro rẹ igodẹ na.

Iyẹnrẹ Esiri ri Jọn 10:9

Mẹvwẹ hẹ anurhoro na; ohwo da wan oma mẹ ruọ, kọ rhọ, kọ sa ro uwevwi ro otafe kọ mrẹ egbri re.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Ọbe ri Pọl si rhe Ihwo ri Rom 4:6

Ọtiọye Devid je nẹ ẹrhovwo kẹ ohwo rẹ Ọghẹnẹ kere phihọ ọvwata yọ dia fiki rẹ iruo-o:

Ọbe ri Pọl si rhe Ihwo ri Rom 5:13

uyota umwemwu ghene hẹ akpọ na tavwe rẹ urhi ke rhe dia, ẹkẹvuọvo a rha vwẹ umwemwu ba keri-i fikiridie ye ji ji urhi na-a.

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Urhi Rivẹ 21:8

Vwo rhovwo ihwo wẹn Izrẹl, E Ọrovwohwo, e re wọ tanre na, wọ garo rẹ abe rẹ ọbara rẹ ọvwata na vie uherevie rẹ ihwo wẹn Izrẹl na-a. Vwẹ abe rẹ ọbara na vwo ghovwo ayen.