Livitikọs 10:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Livitikọs 10:3 ပူးပေါင်းရင်းမြစ်များ

Jẹnẹsis 18:25

A gha e se ru emu ọtiọye-e, rẹ e vwo hwe evwata kugbe iruimwemwu, re evwata vwọ họhọ iruimwemwu, A sa mrẹ-ẹ; Obrorhiẹ rẹ akpọ na rhe se ru obo re gbare?

ỌBE RẸ JOB 2:10

Ẹkẹvuọvo ọ da ta kẹ, Wọ ta ota kirobo rẹ ọvo vwẹ usun rẹ eya ri djidji na ta. Avwanre da reyọ emu esiri vwẹ obọ rẹ Ọghẹnẹ, a rha reyọ omiomiovwi vwọ? Vwẹ evun rẹ enana ejobi na Job vwẹ ẹbẹrunu rọye ru umwemwu-u.

Une rẹ Ejiro 119:120

Uvwo mẹ phariẹ fiki rẹ oshọ wẹn. oshọ re orhiebro wẹn mu vwe.

Une rẹ Ejiro 148:14

Ọ kpare ighoro ọvo kpenu kẹ ihwo rọye, ejiri kẹ ihwo efuanfon rọye ejobi, vwọ kẹ ihwo rẹ Izrẹl re kẹre oma. Jiri Ọrovwohwo na.

Une rẹ Ejiro 39:10

Si ophiaphiẹ wẹn na nu vwe oma ro vwẹ fiki re ọche re obọ wẹn.

Une rẹ Ejiro 39:9

Mi diunu, mi gbi se rhie unu mẹ-ẹ; kidie wọwẹ ri ruro.

Une rẹ Ejiro 46:10

Fọ gbiẹi, wọ riẹn nẹ Mẹvwẹ Ọghẹnẹ. Mẹvwẹ a kpare kpenu vwẹ ohri rẹ ẹgborho na, Mẹvwẹ a kparẹ kpenu vwẹ akpọ na!

Une rẹ Ejiro 89:7

Ọghẹnẹ ra dje oshọ rọye vwẹ ukoko re ihwo efuanfon wẹn, rọ rhoro ro mu oshọ nọ ayen ejobi rẹ riarierẹ phihọ?

Une rẹ Ejiro 93:5

Iji wẹn imuẹro gangan, ẹfuọn ri fọ uwevwi wẹn, E Ọrovwohwo, rhiri bẹdẹ.

Ẹyano 14:17

Ki mi che ru udu rẹ ihwo rẹ Ijipt na gan, rere ayen ruọ nene ayen ki mi vwo urinrin vwẹ enu ri Fero vẹ urogho rọye, vwẹ enu rẹ akpẹrẹ rọye, vẹ ihwo re gua iyesi rọye.

Ẹyano 14:4

Ki mi ru udu ri Fero gan, kọ cha vwọ tua ayen ki mi che vwo urinrin vwẹ enu ri Fero vẹ urogho rọye; ihwo rẹ Ijipt na ke cha riẹn nẹ Mẹvwẹ Ọrovwohwo na. Ayen de ru ọtiọye.

Ẹyano 19:22

Gbe jẹ otu rẹ irherẹn ri bi kẹrẹ Ọrovwohwo na ru oma rẹ ayen fon, ọ dia ọtiọye-e Ọrovwohwo da gbọ rhurhu ayen.

Ẹyano 19:24

Ọrovwohwo da ta kẹ, Woto, rere wọ rọye Erọn nene oma rhe, ẹkẹvuọvo wo jẹ irherẹn na vẹ ihwo na shariẹ ughwru na vrẹn re ni Ọrovwohwo-o, ọ dia ọtiọye-e ọ me rhe gbọ ku ayen.

Ẹyano 30:30

Wọ me vwẹ ori ghworo Erọn vẹ emọ rọye, rere wo ru ayen fon, rere ayen ga vwẹ kerẹ irherẹn.

Aizaya 39:8

Etiyin Hẹzikaya da ta keẹ Aizaya, ota rẹ Ọrovwohwo wọ tare na ọ yoma. Kidie o rori nẹ, Ufuoma vẹ ofuvweghe sa dia vwẹ ọke mẹ.

Aizaya 49:3

Ọ da ta kẹ vwẹ, Wẹ odibo Mẹ, Izrẹl, oma we mi de vwo ejiro,

Aizaya 52:11

Yanran, yanran, yanran nẹ etiyin, wọ vwẹ obọ te emu ogbegbe-e; yan ne uherevie rọye, ru oma wẹn fon, ovwan ihwo re ghwa ekuakua rẹ Ọrovwohwo.

Izikiẹl 20:41

Ke me reyọ owẹ kere izobo ro gbo ọnrhe ororo, vwẹ ọke me da reyọ owẹ nẹ ohri rẹ ihwo na rhe, re me da ghwẹ wẹ koko nẹ irho ra hra wẹ ra rhe, ke me vwẹ ọfuanfon mẹ phia vwẹ ohri wẹ vwẹ irharo rẹ ẹgborho na.

Izikiẹl 28:22

re wọ ta, E nẹ Ọrovwohwo Ọghẹnẹ tare: Nighere, mi mu kpahe owẹ, E Sidọn, ki mi vwẹ urinrin mẹ phia vwẹ ohri wẹ. Ke ayen riẹn nẹ mẹvwẹ Ọrovwohwo vwẹ ọke ri mi de gu ẹdjọ vwẹ evun rọye, re me da vwẹ urimrin mẹ phia vwẹ evun rọye,

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Izikiẹl 40:46

ighẹn ro hirharo ku obọhwẹre ọnre na ọye na kẹ ọ rẹ irhẹrẹn ri ze izobo vwẹ enu rẹ agbada na; enana keye emọ rẹ Zadọk, ọye ọvo vwẹ ohri rẹ emọ ri Livae na ri se sikẹrẹ Ọrovwohwo rhi gbe odibo kẹ.

Izikiẹl 42:13

Etiyin ọ da ta kẹ vwẹ, Ighẹn rọ hẹ obọhwẹre ọnre kugbe ighẹn rọ hẹ obuko ọnre na ro hirhe aro ku ogba na etiyin ighẹn efuanfon na epha, asan rẹ irherẹn ri siẹkere Ọrovwohwo na da ria izobo rọ ma fon–izobo rẹ ọka, izobo rẹ umwemwu, kugbe izobo rẹ abe, kidie asan na ọfuanfon.

Livitikọs 21:15

rere o vwo jẹ emọ rọye emiovwo vwẹ ohri rẹ ihwo rọye, kidie Mẹvwẹ Ọrovwohwo na ri ruro fon.

Livitikọs 21:17

Ta kẹ Erọn nẹ, E jẹn ohwo kohwo rẹ unurhoro wẹn na ro vwo ota vwẹ oma rọye cha che ze izobo re emu kẹ Ọghẹnẹ rọye-e.

Livitikọs 21:21

ohwo kohwo vwẹ orua rẹ Erọn na ro vwo oka se si kẹrẹ re o ze izobo ra torhẹre kẹ Ọrovwohwo na-a fikirobo ro vwo vwo oka na ọ rha sa rhe ri ze izobo rẹ emuọre kẹ Ọghẹnẹ rọye-e.

Livitikọs 21:6

Ayen gba dia fuanfon vwọ kẹ Ọghẹnẹ rayen, re ayen vwo jẹ odẹ rẹ Ọghẹnẹ rayen emiovwo; kidie ayen ihwo re vwẹ erhanre ze izobo kẹ Ọrovwohwo, emuọre rẹ Ọghẹnẹ rayen vwẹ ọtiọye na kẹ ayen dia fuanfon.

Livitikọs 21:8

Wẹ re reyerọ vwo mu, kidie ọye re cha vwẹ emuọre gọ Ọghẹnẹ wẹn, kọ je dia fuanfon kẹ wẹ, kidie Mẹvwẹ Ọrovwohwo ro ru we fon, Me pha fuanfon.

Livitikọs 22:9

Gbe jẹn ayen yọnrọn urhi mẹ, ayen de rhe ru imwemwu fiki rọye ayen de rhe ghwu fiki rọye siẹ rẹ ayen de gbe ẹgua vwẹ oma rayen: Mẹvwẹ Ọrovwohwo ro ru ayen fon na.

Livitikọs 8:35

Asan unuẹchẹ rẹ utughẹ ra da vwa oma na Etiyin ovwan dia te ason te uvo ẹdẹ ighwrẹn, yẹ ovwan ruẹ obo rẹ Ọrovwohwo tare nẹ e ru, ovwan de rhe ghwu kidie ọtiọye e ji vwe.

Ukeri 16:5

etiyin ọ da ta kẹ Korah vẹ ukoko rọye ejobi, Vwẹ irhiọke Ọrovwohwo na che dje ohwo rọ dia ọrọye kugbe ohwo rọ fonro, ko che si ohwo yena kẹrẹ oma; ohwo rọ jẹreyọ, kọye o si kẹrẹ oma.

Ukeri 20:12

Ọrovwohwo da ta kẹ Mosis vẹ Erọn, Fikiridie ovwan se vwe gbuyota-a, we ru vwẹ fon vwẹ obaro rẹ ihwo rẹ Izrẹl na-a, fiki rẹ ọtiọye na, wo gbe sa vwẹ ọghwẹgbe nana vwo te otọ re me vwọ kẹ ayen na-a.

Matiu 10:37

Ohwo ro guọnọ ọsẹ eyẹ oni nọ vwẹ, yo fo vwe-e; ọ rọ guọnọ ọmọshare eyẹ ọmọtẹ rọye nọ vwẹ, yo ji fo vwe-e.

Iyẹnrẹ Esiri ri Jọn 12:28

Ọsẹ, vwẹ urinrin kẹ odẹ wẹn. Etiyin urhuru ọvo de nẹ odjuvwu rhe, me vwẹ urinrin kẹ nure, me je rhoma vwẹ urinrin kẹ.

Iyẹnrẹ Esiri ri Jọn 14:13

Emu kemu rẹ ovwan nọre vwẹ odẹ mẹ, mi se ruo, rere a vwọ vwẹ urinrin kẹ Ọsẹ na vwẹ oma rẹ Ọmọ na.

Urhi Rivẹ 32:51

fikiridie wọ chọ urhi mẹ vwẹ ohri rẹ ihwo ri Izrẹl vwẹ asan ame ri Meribatka-desh, vwẹ aghwa ri Zin; kidie wo mu ọghọ kẹ vwẹ fuanfon vwẹ ohri rẹ ihwo rẹ Izrẹl na-a.

2 Tẹsalonaika 1:10

Vwẹ ọke rẹ ihwo efuanfon rọye da cha vwẹ ejiro kẹ vwẹ ẹdẹ yena, ko gbe ayen unu siẹ rẹ ayen da mrẹ otu ri segbuyota na, fikiridie iseri rẹ avwanre se kẹ ovwan na we sere gbuyota.

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.

1 Samuẹl 3:18

Etiyin Samuẹl da ta emu ejobi kẹ o si emuọvo nu kẹ-ẹ. ọ da ta, ọye Ọrovwohwo, e jo ru obo ri jere.

1 Samuẹl 6:20

Etiyin ihwo ri Bẹt-shẹmẹsh da ta, ono re sa hẹrhẹ Ọrovwohwo Ọghẹnẹ ọfuanfon nana? Kono avwanre muo rhe ro bi nẹ avwanre oma?