Livitikọs 10:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kọye erhanre de nẹ obaro rẹ Ọrovwohwo na rhe ọ da torhẹ ayen, ayen de ghwu vwẹ obaro rẹ Ọrovwohwo.

Livitikọs 10:2 ပူးပေါင်းရင်းမြစ်များ

2 Samuẹl 6:7

Ophu de mu Ọrovwohwo kpahe Uzza; Ọghẹnẹ da ghwiẹ etiyin kidie ọ vwẹ obọ rọye te ekpeti na; o de ghwu vwẹ etiyin vwẹ oma rẹ ekpeti rẹ Ọghẹnẹ na.

1 Ivie 13:28

ọ da yanran ra mrẹ orivwi rọye ra kpare phihọ idjerhe, te ekẹtẹkẹtẹ na te okpohrokpo na mudia kẹrẹ orivwi rọye. Okpohrokpo na je re orivwi na-a. eyẹ ke chaghọ ekẹtẹkẹtẹ na-a.

1 Ivie 18:38

Etiyin erhanre rẹ Ọrovwohwo de shotọ, ọ da torhẹ izobo na, vẹ irhe na, vẹ ibieragha na, vẹ iwurhie na, ọ da rare ame rọ hẹ ukpotọ na kpae.

Ivie rẹ Ivẹ 1:10

Ilaija da kpahe kẹ onotn ro suẹn ituofovwi ujuvẹ gbẹ ihwe na nẹ, Mi de ghine dia ohwo rẹ Ọghẹnẹ, e gbe jẹ erhanre nẹ odjuvwu rhe otọ re torhẹ owẹ vẹ ituofovwi ujuvẹ gbẹ ihwe na muotọ. Erhanre de ghinẹ nẹ odjuvwu rhe, rhe torhẹ vẹ ituofovwi ujuvẹ gbẹ ihwe na muotọ kakare.

Ivie rẹ Ivẹ 1:12

Ilaija da kpahe kẹ ayen nẹ, Mi de ghinẹ dia ohwo rẹ Ọghẹnẹ, e gbe jẹn erhanre nẹ odjuvwu rhe otọ re torhẹ owẹ vẹ ituofovwi ujuvẹ gbẹ ihwe na muotọ.

1 Ikun rẹ Ivie 13:10

Etiyin ophu de mu Ọrovwohwo gangan kpahe Uzzah. Ọye o de hwe kidie ọ vwẹ obọ te ekpeti na.

1 Ikun rẹ Ivie 15:13

Fikiridie we muro ẹsosuọ-ọ, ọye Ọrovwohwo Ọghẹnẹ rẹ avwanre na vwo mu ophu kpahe avwanre, fikiridie ma vwẹ ẹro te kirobo rọ guọnọre-e.

1 Ikun rẹ Ivie 24:2

Ẹkẹvuọvo Nadab vẹ Abihu kare ọsẹ rayen ghwu, ayen vwo emọ-ọ, kọye Eleaza vẹ Itama da rhe dia irherẹn.

ỌBE RẸ JOB 1:16

Ro je ghwa vwọ ta ota na, ọfa da djẹ rhe, tanẹ, Erhanre rẹ Ọghẹnẹ she nẹ enu rhe ọ da torhẹ igegede vẹ idibo na, i de ghwu; mẹvwẹ ọvo re vabọ rhe vuẹ we na.

Une rẹ Ejiro 50:3

Ọghẹnẹ rẹ avwanre cha rhe, ọ cha fọ-ọ, erhanre cha la nene cha, aphopho rode che dju riariẹ phihọ.

Ẹyano 24:1

Ọ da ta kẹ Mosis, Yanrhe obenu bru Ọrovwohwo rhe, wẹ kughe Erọn, Nadab, kugbe Abibu, kugbe ekpako ujorha gbẹ ihwe rẹ Izrẹl, rere we tephe wa ga vwẹ.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Livitikọs 10:5

Kọye ayen de si kẹrẹ, ayen da vwẹ ewun rẹ ayen mu ayen nẹ evun rẹ erhọn na, kirobo ri Mosis tare.

Livitikọs 16:1

Ọrovwohwo da ta kẹ Mosis, rẹ emeshare rẹ Erọn ivẹ vwo ghwu nu, ri si kẹrẹ obaro rẹ Ọrovwohwo ri de ghwu na,

Livitikọs 9:24

Kọye erhanre da la phia e da torhẹ izobo rẹ ẹtorhẹ na kugbe ivwri re hẹ enu rẹ agbada na, rẹ ihwo na ejobi vwọ mrẹ Ọnana re ayen de kperi gangan ayen de she bọvwọ opharo rhuotọ.

Ukeri 14:37

eshare re ghwa iyẹnrẹn omiomiovwi rẹ otọ na rhe na. Ọtiekọ de hwe ayen vwẹ obaro rẹ Ọrovwohwo na.

Ukeri 16:35

Etiyin erhanre de nẹ obọ rẹ Ọrovwohwo rhe, ọ da rhe torhẹ ihwo ujori ivẹ gbẹ ujuvẹ gbẹ ihwe re torhẹ ugboduma na.

Ukeri 16:49

Ihwo rẹ ọtiekọ na hweri da dia uriori ihwẹne gbe ujori ighwrẹ, a ke mrẹ ihwo ri ghwuru vwẹ ọke ri Korah.

Ukeri 26:61

Ẹkẹvuọvo Nadab vẹ Abihu de ghwu vwẹ ọke rẹ ayen vwọ torhẹ izobo ro jẹfuọn kẹ Ọrovwohwo.

Iruo rẹ Iyinkọn na 5:10

Siẹvuọvo aye na de she teye otọ vwẹ asan awọ rọye o de ghwu. Ọke rẹ imighene na rhe vwọ mrẹ nẹ aye na ghwuru, etiyin ayen de muo re shi kẹrẹ ọshare rọye.

Iruo rẹ Iyinkọn na 5:5

Ọke rẹ Ananayas vwo nyo eta nana nu, o de she teye otọ o de ghwu. Oshọ rode na de mu ihwo na ejobi ri nyoro.

1 Kọrẹnt 10:11

Asakiephana imu nana phiare rere avwanre vwọ kẹnoma, ẹkẹvuọvo e si ayen phihọ otọ rere e dia uyono kẹ avwanre, avwanre rẹ oba rẹ oge nana bru rhe.

1 Samuẹl 6:19

O de hwe ihwo ri Bẹt-shẹmẹsh evo, fikiridie ayen ni evun rẹ ekpeti rẹ Ọrovwohwo na; o de hwe ihwo ujorha gbe ihwe vwẹ ohri rẹ ayen, ihwo na de mu oma phihọ fikiridie Ọrovwohwo hwe ihwo buebu vwẹ ohri rẹ ayen.