Livitikọs 10:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana Nadab vẹ Abihu, emọ rẹ Erọn ayen ọvuọvo da reyọ ẹphẹnre ayen da wan erhanre phihọ ayen da ghwẹ ugboduma na phihọ, ayen da vwẹ erhanre ro jẹfuọn vwo ze izobo vwẹ obaro rẹ Ọrovwohwo, ọtiẹ oghẹre rọ ta kẹ aye-en.

Livitikọs 10:1 ပူးပေါင်းရင်းမြစ်များ

1 Ivie 18:38

Etiyin erhanre rẹ Ọrovwohwo de shotọ, ọ da torhẹ izobo na, vẹ irhe na, vẹ ibieragha na, vẹ iwurhie na, ọ da rare ame rọ hẹ ukpotọ na kpae.

Une rẹ Ejiro 141:2

Jẹn e kere ẹrhovwo mẹ kerẹ insẹns vwẹ obaro wẹn, abọ ẹkparọ kpenu mẹ kerẹ izobo rẹ ovwọnvwọn!

Ẹyano 24:1

Ọ da ta kẹ Mosis, Yanrhe obenu bru Ọrovwohwo rhe, wẹ kughe Erọn, Nadab, kugbe Abibu, kugbe ekpako ujorha gbẹ ihwe rẹ Izrẹl, rere we tephe wa ga vwẹ.

Ẹyano 24:9

Etiyin Mosis vẹ Erọn, Nadab vẹ Abihu, vẹ ekpako ujorha gbẹ ihwe rẹ Izrẹl de yeri kpenu;

Ẹyano 27:3

Wo mi phi emevwẹrẹ phihọ rere e tuẹ iwurhie rọye phihọ, te ovwẹvwẹ te ize te eda vẹ ize re vwo koko erhanre phihọ; ekuakua rọye ejobi ẹrovwo e vwo ru ayen.

Ẹyano 28:1

Wọ me reyọ Erọn rẹ oniọvo wẹn, vẹ emọ rọye, nẹ ohri rẹ ihwo rẹ Izrẹl na, vwo te oma, rere ayen ga vwẹ kerẹ irherẹn. Erọn vẹ emọ rọye, Nadab vẹ Abihu, Eleaza vẹ Itama.

Ẹyano 31:11

ori re vwo ghworo na vẹ insens ro gbo ọnrhe ororo na kọ rha dia asan ọfuanfon na. Obo re me ta kẹ wẹ ejobi ọye ayen ru.

Ẹyano 37:29

O de ji chere ori ọfuanfon re vwo ghworo rhe, omamọ rẹ ugboduma ro gbo ọnrhe ororo, rẹ echeri rẹ a gua kugbe.

Ẹyano 38:3

O de duvwu ekuakua rẹ agbada na ejobi, ichẹ, ovwẹvwẹ, ize, isosogho kugbe ẹvwẹrẹ ekuakua rọye ejobi ẹrovwo o vwo ru ayen.

Ẹyano 40:27

Ọ da torhẹ ugboduma ro gbo ọnrhe ororo vwẹ enu rọye, kirobo rẹ Ọrovwohwo ta kẹ Mosis.

Ẹyano 6:23

Erọn da reyọ ọmọtẹ rẹ Aminadab, re se Elisheba oniọvo rẹ Nashọn vwọ rọvwọ, o de vwiẹ Nadab, Abihu, Eleaza vẹ Itama.

Ẹyano 8:27

Avwanre yan oyan rẹ ẹdẹ erha kpo evun rẹ aton re ze izobo kẹ Ọrovwohwo Ọghẹnẹ rẹ avwanre kirobo ro ji urhi kẹ avwanre.

Jerimaya 19:5

Ayen da ma umukpe ro kpenu kẹ Baal ra da torhẹ emeshare vwẹ evun rẹ erhanre kerẹ izobo rẹ ẹtorhẹ kẹ Baal, ọ ri mi ji kẹ aye-en eyẹ ke me je vuẹ aye-en, ọ je ro iroro mẹ-ẹ.

Jerimaya 32:35

Ayen bọn asan rọ kpenu kẹ Baal vwẹ iyara rẹ ọmọ ri Hinọm, rẹ ayen da vwẹ emeshare vẹ emetẹ rayen vwọ gọ iye kẹ Mọlẹk, mi ji aye-en, ọ je hẹ iroro mẹ-ẹ, nẹ ayen ru ẹgua nana, vwọ nẹrhe Juda ru umwemwu.

Jerimaya 44:15

Etiyin ihwo ejobi re riẹnre nẹ eya rayen torhẹ insẹns kẹ edjọ efa, vẹ eya ejobi ri mudia, tẹ ọghwẹgbe rọde na, ihwo ejobi re dia Patros vwẹ otọ rẹ Ijipt, da kpahe kẹ Jerimaya.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 7:31

Ayen bọn ẹdia ro kpenu ri Tofẹt, rọ hẹ iyara rẹ emọ ri Hinnọm, rẹ ayen da torhẹ emeshare vẹ emetẹ rayen vwẹ erhanre; ọ re me vuẹ aye-en, ro ji nẹ iroro mẹ rhe-e.

Livitikọs 16:1

Ọrovwohwo da ta kẹ Mosis, rẹ emeshare rẹ Erọn ivẹ vwo ghwu nu, ri si kẹrẹ obaro rẹ Ọrovwohwo ri de ghwu na,

Livitikọs 16:12

Ọ Me rha reyọ ẹphẹre rọ vọnre vẹ imwerhanre vwo ne enu rẹ agbada rẹ ẹga rẹ Ọrovwohwo na rhe, ọ Me rha ghwẹ ẹkuobọ ivẹ vọn vẹ ugboduma re duvwuru hahavwe; ọ Me ghwẹ ra ro evun rẹ asan ra vwẹ amwa tan na.

Livitikọs 22:9

Gbe jẹn ayen yọnrọn urhi mẹ, ayen de rhe ru imwemwu fiki rọye ayen de rhe ghwu fiki rọye siẹ rẹ ayen de gbe ẹgua vwẹ oma rayen: Mẹvwẹ Ọrovwohwo ro ru ayen fon na.

Livitikọs 9:24

Kọye erhanre da la phia e da torhẹ izobo rẹ ẹtorhẹ na kugbe ivwri re hẹ enu rẹ agbada na, rẹ ihwo na ejobi vwọ mrẹ Ọnana re ayen de kperi gangan ayen de she bọvwọ opharo rhuotọ.

Ukeri 16:46

Mosis da ta kẹ Erọn, Reyọ ephẹnre wẹn, wọ reyọ erhanre nẹ agbada na phihọ, re wọ ghwẹ ugboduma phihọ, ru wo muo phẹrẹkpẹ rhe ukoko na rere wọ gọ ẹgua nu kẹ ayen, kidie ophu nẹ obọ rẹ Ọrovwohwo rhe, ọtiekọ de mu phihọ.

Ukeri 26:61

Ẹkẹvuọvo Nadab vẹ Abihu de ghwu vwẹ ọke rẹ ayen vwọ torhẹ izobo ro jẹfuọn kẹ Ọrovwohwo.

Ukeri 4:18

E jẹn a ghwọrọ ekru vẹ orua rẹ ihwo ri Kohat nẹ ohri rẹ ihwo ri Livae-e;

Urhi Rivẹ 12:32

Kemu kemu mi ji iji kẹ wẹ wọ Me karohọ ru; wo phiẹ ba-a, wo ji siẹ no-o.

Urhi Rivẹ 17:3

ro de gbe odibo kẹ ẹdjọ rọ da ga ayen, ọnre eyẹ emeranvwe eyẹ emu efa rẹ obo odjuvwu, re Me djẹ ovwan na,

Urhi Rivẹ 4:2

We brẹ ba ota ri mi ji iji kẹ ovwan na-a we ji siẹno-o, rere wa yọnrọn irhi rẹ Ọrovwohwo Ọghẹnẹ rẹ ovwan na ri mi jiji rayen kẹ ovwan.

Hibru 9:4

ro vwo agbada rẹ oro rẹ ugb oduma kugbe ekpeti rẹ ọphọ na ra vwẹ oro phare riariẹ, ọtoto rẹ oro ri mana epha da hẹ evun rọye, kugbe ọkpọ rẹ Ẹrọn ro mọ idodo, kugbe imẹjẹ rẹ ọphọ na.