Livitikọs 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹkpẹvwẹ na da dia erhuẹn re che vwo ze izobo rẹ ẹtorhẹ, gbe jọ dia ọ rẹ ọshare ro jẹn ekan evwo; asan unurhoro rẹ utughẹ ra da vwa oma na kọye e de ze izobo na, rere Ọrovwohwo vwọ mrẹ asan reyọ.

Livitikọs 1:3 ပူးပေါင်းရင်းမြစ်များ

Jẹnẹsis 22:13

Ebraham da kpare opharo, o vwo ni, obuko rọye ọ da mrẹ egbo, rẹ ighoro rọye gbahọ etu, Ebraham da yanran ra reyọ egbo na, kọye o vwo ze izobo rẹ ẹtorhẹ vwẹ ẹdia rẹ ọmọ rọye.

Jẹnẹsis 22:2

Ọ da ta, Reyọ ọmọ wẹn ọmọ wẹn ọvuọvo na Aizik, rẹ ivun rọye vwerha owẹ na, re wọ yanran kpo otọ ri Moriah, rẹ wọ dia Etiyin de vwo ze izobo rẹ ẹtorhẹ vwẹ enu rẹ ugbenu ọvo na ri mi che dje kẹ wẹ.

Jẹnẹsis 22:8

Ebraham da ta, Ọghẹnẹ ọvo che bibi egbo rẹ izobo rẹ ẹtorhẹ na rhe ọmọ mẹ. Kọye ayen ivẹ na de ku usun họ.

Jẹnẹsis 8:20

Noa da so agbada kẹ Ọrovwohwo, ọ da reyọ eranvwe keranvwe ro tete oma, kugbe kọphra kọphra ro tete oma, o de ze izobo rẹ ẹtorhẹ vwẹ enu rẹ agbada na.

2 Ikun rẹ Ivie 29:32

Unu rẹ izobo rẹ ukoko na ghwa rhe da dia irhuẹn eshare ujorha gbẹ ihwe, egbo ujori, igegede ujori ivẹ; enana ejobi na ke ra vwọ torhẹ izobo kẹ Ọrovwohwo na.

2 Ikun rẹ Ivie 35:12

Ayen de phi izobo rẹ ẹtorhẹ na phihọ akakọ rere a mrẹ asan ghare ayen nene uwuwevwi rẹ esẹ rẹ ihwo diodi na, re ayen ze kẹ Ọrovwohwo, kirobo re siro phihọ ọbe ri Mosis. Ọtiọye ayen ji ru kẹ irhuẹn eshare na.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Une rẹ Ejiro 40:8

Me vwo omavwerhe ru ọhọre wẹn, E Ọghẹnẹ mẹ; urhi wẹn ọ hẹ evun re udu mẹ

Ẹyano 12:5

Ogodẹ wẹn na che vwo oka-a, ọrọ ọshare ẹgbukpe ọvo ọ ghwo te; wọ me reyọ nẹ ohri rẹ igodẹ na yerẹ ẹvwe na;

Ẹyano 24:5

O de ji imighele rẹ ihwo rẹ Izrẹl, ri ze izobo rẹ ẹtorhẹ vẹ izobo rẹ ufuoma rẹ irhuẹn kẹ Ọrovwohwo.

Ẹyano 29:18

wọ me torhẹ egbo na ejobi vwẹ enu rẹ agbada na; ọnana izobo rẹ ẹtorhẹ kẹ Ọrovwohwo; ọnana ọnrhe ororo, izobo rẹ erhanre kẹ Ọrovwohwo.

Ẹyano 29:4

Wọ me reyọ Erọn vẹ emeshare rọye rhe anurhoro rẹ utughẹ ra da vwa oma na, wọ me vwẹ ame hworhẹ ayen.

Ẹyano 29:42

Ọnana kọ dia izobo rẹ ẹtorhẹ kọke kọke vwẹ uvwiẹ wẹn vwẹ anurhoro rẹ utughẹ ra da vwa oma na vwẹ obaro rẹ Ọrovwohwo, asan re me vẹ owẹ da cha vwa oma, re me da ta ota kẹ wẹ.

Ẹyano 32:6

Ayen de vrẹn vwẹ irhiọke ride, ayen de ze izobo rẹ ẹtorhẹ ayen da vwẹ izobo rẹ ufuoma rhe, ihwo na de tidia te otọ re ria rẹ ayen vwọ da, etiyin ayen de vrẹn ki gbe eha

Ẹyano 35:21

Etiyin ayen ihwo ri vwẹ ẹnwẹn seri, vẹ ihwo rẹ erhi muru, ayen da rọye izobo rẹ Ọrovwohwo na vwọ rhe utughẹ ra da vwa oma na, kugbe e rẹ ẹga ejobi vẹ e rẹ iwun efuanfon na.

Ẹyano 35:29

Eshare vẹ eya na ejobi, ihwo rẹ Izrẹl re vwẹ ọhọrobọ rayen ghwẹ emu ro te ayen obọ rhe iruo rẹ Ọrovwohwo vuẹ Mosis nẹ o ru na, ayen da vwọ rhe kerẹ ẹga ro nẹ otọ rẹ udu rhe vwọ kẹ Ọrovwohwo.

Ẹyano 35:5

Wa reyọ ẹga nẹ oma rẹ ovwan vwo rhe Ọrovwohwo, kohwo kohwo ro vwo udu esiri, we jọ vwẹ ẹga rhe Ọrovwohwo: oro, idọnọ vẹ ẹronvwo.

Ẹyano 36:3

ayen da reyọ emu ejobi rẹ ihwo rẹ Izrẹl phihọ otọ fiki rẹ ẹshẹ na mie Mosis. Ayen je ghwa ẹga rhe kirhiọke kirhiọke

Ẹyano 38:1

Ọ da vwẹ ẹron so agbada re de ze izobo rẹ ẹtorhẹ na: kubit iyori ọye ugrogro rọye, kubit iyori kẹ rha ohẹhẹrẹ rọye; ugrogro vẹ ohẹhẹre rọye abavo, enuẹra rọye kubit erha.

Aizaya 1:11

Die izobo obuebu rẹ ovwan na fi ke vwe? ọtiọye Ọrovwohwo tare, Izobo re egbo ra torhẹre bunọ kẹ vwẹ kugbe ivwri re eranvwe ra ghẹre, Oma rẹ ọbara re erhuẹn vwerha ovwẹ-ẹ eyẹ erẹ omogodẹ eyẹ ọrẹ ẹkpro dede.

Izikiẹl 20:40

Kidie vwe enu rẹ ugbenu ọfuanfon mẹ na, obenu rẹ ugbenu phelephele rẹ Izrẹl na, eriyin Ọrovwohwo Ọghẹnẹ tare, Etiyin uwevwi rẹ Izrẹl ejobi, ayen ejobi da cha ga vwẹ vwẹ evun rẹ otọ na; Etiyin me da reyọ ayen, etiyin me da cha reyọ arhọghọ wẹn kugbe omamọ rẹ okẹ wẹn, kugbe izobo wẹn rẹ efuanfon ejobi.

Izikiẹl 40:39

Vwẹ evun re ọguan rẹ anurhoro na imẹjẹ ivẹ herọ ọvo hẹ obọ nana ọvo hẹ obọ nana, enu rọye kọye e de hwe eranvwe rẹ izobo rẹ ẹtorhẹ kugbe izobo rẹ umwemwu kugbe izobo rẹ abe.

Livitikọs 1:10

Ẹkpẹvwẹ rọye da rha dia ogodẹ kọye e che vwo ze izobo ra torhẹre na, eye ẹvwe dede, kọ je dia ọ rẹ ọshare ro vwo ekan ọvuọvo-o;

Livitikọs 14:10

Ẹdẹ rẹrenren da gba nu ọ Me reyọ emegbo ivẹ ri vwo eka-an, kugbe omogodẹ rẹ aye rẹ ẹgbukpe ọvo ro je ekan evwo, vwọ ba izobo rẹ ọka ẹbẹre erha vwẹ ẹko ihwe rẹ ovwanvwọn rẹ eka na ra vwẹ evwri gua kugbe, kugbe ovwanvwọn rẹ evwri.

Livitikọs 16:7

Tavwe ọ ke reyọ ẹvwe ivẹ na, Ọ Me vwẹ ayen phia vwẹ obaro rẹ Ọrovwohwo na vwẹ anurhoro rẹ utughẹ ra da vwa oma na,

Livitikọs 17:4

o rhe muo rhe obaro rẹ unurhoro rẹ utughẹ ra da vwa oma na-a, rọ da vwọ kpẹvwẹ Ọrovwohwo na vwẹ obaro rẹ ọgarivi rẹ Ọrovwohwo na-a, ke kere ohwo yena phihọ ohwo rọ re abe rẹ ọbara; kugbe ẹgua rẹ ọbara ehwe; ke sio nẹ ohri rẹ ihwo rọye.

Livitikọs 17:8

Wọ ke rha ta ka ayen nẹ, ohwo kohwo ro hẹ uwevwi rẹ Izrẹl, eyẹ ọrhorha rọ ohri rayen, ro ze izobo rẹ ẹtorhẹ eyẹ ẹkpẹvwẹ,

Livitikọs 17:9

rọ rha ghwa rhe unurhoro rẹ utughẹ ra da vwa oma na-a, rere ọ reyọ vwo ze kẹ Ọrovwohwo-o ohwo yena ke sio nẹ otu rẹ ihwo rọye.

Livitikọs 23:12

Nighe ẹdẹ rẹ ovwan kpogho ayen na, wa Me vwẹ omogodẹ ọshare ro vwo oka-a rẹ ẹgbukpe ọvo vwo ze izobo rẹ ẹtorhẹ vwọ kẹ Ọrovwohwo na

Livitikọs 23:18

Ovwan Me rha vwẹ imigodẹ ighwrẹn re ẹgbukpe ọvo ri vwo oka-a ba ikara na, kugbe upene re erhuẹn ọshare, kugbe egbo ivẹ; ke ayen dia izobo ra torhẹre kẹ Ọrovwohwo na, enana kugbe izobo rẹ ọka na vẹ izobo rẹ udi, keye a vwẹ erhanre torhẹ rere i vwo gbo ọnrhen ororo kẹ Ọrovwohwo na

Livitikọs 3:1

Ọ da dianẹ ẹkpẹvwẹ rẹ ohwo vwọ rhe kẹ izobo rẹ ufuoma eranvwe na da dia erhuẹn rẹ ọshare eyẹ ọ rẹ aye, ọ Me dia ọ ro jẹ eka ọvuọvo evwo vwẹ obaro rẹ Ọrovwohwo.

Livitikọs 4:15

ekpako rẹ ukoko Me ghwẹ abọ rayen kpahe uyovwi rẹ erhuẹn ọshare na vwẹ obaro rẹ Ọrovwohwo na, e mi hwe vwẹ obaro rẹ Ọrovwohwo.

Livitikọs 4:23

ọke re de dje umwemwu rọye phia kẹ re, kọ reyọ ẹvwe vwo ze izobo rọye, okri ro je ekan evwo,

Livitikọs 4:3

Ọ da dianẹ orherẹn re vwo mu kọye ru umwemwu na, re ihwo ejobi vwọ reabe na, gbe jẹn o ze izobo fiki rẹ urhi ro miovwiri na, kọ reyọ upene rẹ erhuẹn ọshare ro je ekan evwo vwo ze izobo ke Ọrovwohwo fiki rẹ izobo rẹ umwemwu rọye.

Livitikọs 4:32

Ọ da dianẹ omogodẹ ọ vwọ rhe ẹkpẹvwẹ rẹ izobo fiki rẹ izobo rẹ umwemwu, o mi jọ dia ọ rẹ aye ro je ekan evwo,

Livitikọs 5:15

Ọ da dianẹ ohwo miovwo urhi rẹ esegbuyota rọ da vwẹ ugheghẹ ru umwemwu vwo gbe ẹgua vwẹ oma rẹ emu ọfuanfọn rẹ Ọrovwohwo na, gbe jo rhi ze izobo kẹ Ọrovwohwo na fiki rẹ oruchọ rọye, egbo ro vwo eka-an, wọ Me nabọ vwanvwọn vwẹ shẹkẹl rẹ idọnọ ọfuanfon, ọtiobo rẹ shekẹl rẹ ẹshẹ rẹ Ọrovwohwo na epha, kidie Ọnana izobo fiki rẹ oruchọ.

Livitikọs 5:18

Kọ reyọ egbo ro vwo eka-an vwo rhe orherẹn na, egbo ro mu uwan ra hwa osa rẹ izobo rẹ abe na, orherẹn na kọ gọ ẹgua rọye nu vwọ kẹ fiki rẹ oruchọ ro ruru vwe ijẹriẹn na, ke vwo ghovwo.

Livitikọs 6:2

Ọ da dianẹ ohwo ọvo ru umwemwu rọ da chọ urhi rẹ esegbuyota rẹ Ọrovwohwo na rọ da phiẹn ọrivẹ rọye vwọ ghware vwẹ oma re emu kemu ra vwọ kẹ yọnre eyẹ igho re vwo bru osa re emu ra dẹre, eyẹ kẹ uji echo, eyẹ oshenyẹ rẹ ọrivẹ rọye,

Livitikọs 6:8

Ọrovwohwo ke rha ta kẹ Mosis nẹ,

Livitikọs 7:16

Ẹkẹvuọvo izobo rọye da dia ẹkpẹvwẹ rẹ ive eyẹ ẹkpẹvwẹ ro nẹ udu rhe, ka riọ vwẹ ẹdẹdẹ yena, o de chekọ asan riọ vwẹ ọke rhieri rọye,

Livitikọs 8:18

Kẹsiẹye ọ ke rhe vwẹ egbo rẹ izobo rẹ ẹtorhẹ na phia, Erọn vẹ emọ rọye da ghwẹ abọ kpahe uyovwi rẹ egbo na

Livitikọs 8:21

Ọke ra vwọ vwẹ ame hworhẹ ivun rọye vẹ awọ rọye nu, Mosis da torhẹ egbo na ejobi Vwẹ enu rẹ agbada, kerẹ izobo rẹ ẹtorhẹ, ro gbo ọnrhe ororo, izobo rẹ erhanre kẹ Ọrovwohwo, kirobo rẹ Ọrovwohwo ji urhi kẹ Mosis.

Livitikọs 9:2

Ọ da ta kẹ Erọn nẹ, Reyọ ọmọ rẹ erhuẹn rẹ ọshare vwo ze izobo rẹ umwemwu, wọ reyọ egbo vwo ze izobo rẹ ẹtorhẹ, ayen ivẹ na vwo eka-an, rere wọ vwẹ ayen ze vwẹ obaro rẹ Ọrovwohwo na.

Zekaraya 13:7

Vrẹn, E ọlọkọ, vwọ kpahe osuigegede Mẹ, vwọ kpahe ohwo ro mudia kere ovwẹ na, Ọrovwohwo rẹ otuofovwi tare . Nyavwe osuigegede na, rere vwọ mrasan hra, Me cha rhẹriẹ obọ mẹ kpahe emọ rẹ igegede na.

Malakae 1:14

Ekan kẹ ohwo rọ ghwa ihwo ria ro vwo egbo vwẹ ohri rẹ igode rọye, rọ nabọ ve ive nu, ọ da ra reyọ eranvwe ro vwo ẹgua vwo ze izobo kẹ Ọrovwohwo na; kidie mẹvwẹ Ovie rode, eriyin Ọrovwohwo rẹ otuofovwi na tare, ihwo rẹ akpọ na ejobi djẹ oshọ kẹ odẹ mẹ.

Ukeri 15:3

rẹ ovwan de ze izobo kẹ Ọrovwohwo nẹ usun rẹ uchuru rẹ ovwan eyẹ nẹ igegede rẹ ovwan, izobo rẹ erhanre eyẹ izobo re ẹtorhẹ eyẹ izobo ghevweghe, ra vwọ hwa osa rẹ ivẹ eyẹ izobo ro nẹ evun rhe eyẹ ọke rẹ orẹ, ro vwo gbo ọnrhẹn ororo kẹ Ọrovwohwo na,

Ukeri 15:8

Ọke ru wọ da rhuẹrẹ erhuẹn ọshare kẹ izobo rẹ ẹtorhẹ, eyẹ kẹ izobo ghevweghe rere a vwọ hwa osa rẹ ivẹ, eyẹ vwọ kẹ izobo rẹ ufuoma vwọ kẹ Ọrovwohwo,

Ukeri 19:2

Ọnana ọye urhi rẹ Ọrovwohwo jiri; Ta kẹ ihwo rẹ Izrẹl rere ayen reyọ upene rẹ erhuẹn ọvwavware ro jẹ oka evwo vwọ rhe, ra je gba ọghrọrọ mu dẹvo-o.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Ukeri 23:27

Balak da ta kẹ Balaam, Yanrhe asakiephana, re me reyọ owẹ vwo kpo asan ọfa; ọke ọvo o che jẹ Ọghẹnẹ wo de duvwu ayen iyori kẹ vwẹ vwẹ etiyin.

Ukeri 23:3

Etiyin Balaam da ta kẹ Balak, Mudia kẹrẹ izobo rẹ ẹtorhẹ wẹn na, re me yanran, ọke ọvo Ọrovwohwo me rhe vwa vwẹ; obo rọ vuẹ vwẹ ejobi ke me ta kẹ wẹ. Ọke yanran kpo enu rẹ ugbenu phrẹphrẹphrẹ na.

Ukeri 23:30

Balak de ru kirobo ri Balaam tare, ọ da vwẹ erhuẹn ọvo vẹ egbo ọvo vwo ze izobo vwẹ enu rẹ agbada ọvuọvo.

Ukeri 28:11

Vwẹ ẹsosuọ rẹ emeranvwe wẹn ko wo ze izobo rẹ ẹtorhẹ kẹ Ọrovwohwo: emọ rẹ erhuẹn eshare ivẹ, egbo ọvo, imigodẹ rẹ eshare ighwrẹn rẹ ẹgbukpe ọvo ri vwo eka-an;

Ukeri 28:19

ẹkẹvuọvo ze izobo rẹ erhanre, izobo ra torhẹre kẹ Ọrovwohwo: upene rẹ erhuẹn eshare ivẹ, egbo ọvo, kugbe imigodẹ ighwrẹn rẹ ẹgbukpe ọvo wọ me mrẹ nẹ i vwo eka-an;

Ukeri 28:31

Je vwọ ba izobo rẹ ẹtorhẹ ri kọke kọke kugbe izobo rẹ ọka, wọ vwẹ ayen ze kugbe izobo rẹ udi rayen. Wọ me mrẹ nẹ ayen vwo eka kaka-a.

Ukeri 29:13

ku wo ze izobo rẹ ẹtorhẹ, izobo ra vwẹ erhanre torhẹ, ro gbo ọnrhẹn ororo kẹ Ọrovwohwo, upene rẹ irhuẹn eshare ihwerha, egbo ivẹ, imigodẹ ihwẹne rẹ ẹgbukpe ọvo; ayen vwo eka-an;

Ukeri 29:2

ku wo ze izobo rẹ ẹtorhẹ ro gbo ọnrhẹn ororo kẹ Ọrovwohwo: upene rẹ erhuẹn ọshare ọvo, egbo ọvo, imigodẹ ighwrẹn rẹ ẹgbukpe ọvo ri vwo eka-an;

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Jọn 1:36

ọ da mrẹ Jesu rọ wan vrẹn, ọ da ta, Nighe, Omogegede rẹ Ọghẹnẹ na!

Iyẹnrẹ Esiri ri Jọn 10:7

Ọtiọye na Jesu da rhoma ta kẹ ayen, Uyota, uyota, me ta kẹ ovwan, Mẹvwẹ hẹ anurhoro rẹ igodẹ na.

Iyẹnrẹ Esiri ri Jọn 10:9

Mẹvwẹ hẹ anurhoro na; ohwo da wan oma mẹ ruọ, kọ rhọ, kọ sa ro uwevwi ro otafe kọ mrẹ egbri re.

2 Kọrẹnt 8:12

Kidie omaecha na da hẹ etiyin, ka sa reyọ kirobo rẹ ohwo na vwori, o dianẹ kirobo rẹ ohwo na je evwo-o.

2 Kọrẹnt 9:7

Ohwo ọvuọvo mi ru kirobo rẹ udu rọye dje kẹ, ọ dia ọ rẹ iguegu-u eyẹ ẹgbahọ-ọ, kidie Ọghẹnẹ guọnọ okẹ rẹ ivun avwerhe.

Ẹfesọs 2:18

Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Ẹfesọs 5:27

rere a sa vwẹ ishọshi na phia vwẹ obaro rọye vwẹ udidi o vwo upe-e eyẹ iriẹ-ẹn eyẹ oghẹre rẹ emu ọtiọye, rere ọ vwọ dia fuanfon o vwo eka-an.

Urhi Rivẹ 12:27

wo mi ze izobo rẹ ẹtorhẹ wẹn, uvwo na vẹ ọbara na, vwẹ enu rẹ agbada rẹ Ọrovwohwo Ọghẹnẹ wẹn; ọbara rẹ izobo wẹn ke kuo ku enu rẹ agbada rẹ Ọrovwohwo Ọghẹnẹ wẹn na, ẹkẹvuọvo wọ Me re uvwo na.

Urhi Rivẹ 15:21

Ẹkẹvuọvo ọ da dianẹ o vwo ekan, o de ghwuobọ eyẹ owọ eyẹ o de rhuẹro, eyẹ kẹ oghẹre rẹ ekan omiovwiri ọfa, wo gbi vwo ze izobo kẹ Ọrovwohwo Ọghẹnẹ wẹn na ọfa-a.

Urhi Rivẹ 17:1

Ovwan vwẹ erhuẹn eyẹ ogegede ro vwo ekan ze izobo kẹ Ọrovwohwo rẹ Ọghẹnẹ rẹ ovwan na-a, o vwo upe kakaka-a; kidie ọye ẹgua kẹ Ọrovwohwo rẹ Ọghẹnẹ rẹ ovwan.

Hibru 7:26

Kidie o fori rere avwanre vwo orherẹn rode ọtiọye, fuanfon, ọ reabe-e, o vwo upe-e, rọ hẹriẹ oma nẹ iruimwemwu, ra kpare kpenu pheneke.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.