Kolose 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Fiki rẹ ọtiọna, mi vwo jo bru ovwan rhe, rere o de gbe ikun na kẹ ovwan nu, udu rẹ ovwan mrasan te otọ.

Kolose 4:8 ပူးပေါင်းရင်းမြစ်များ

Aizaya 40:1

Bruche, bru ihwo mẹ uche, eriyin Ọghẹnẹ wẹn tare.

1 Kọrẹnt 4:17

Fiki rẹ ọtiọye na mi vwo ji Timoti, ọmọ mẹ rẹ ọghaghare ro vwo esegbuyota kpahe Ọrovwohwo, bru ovwan rhe rọ rhe karohọ ovwan kpahe idjerhe mẹ vwi Kristi, kirobo ri mi yono ayen vwẹ asan ejobi vwi ishọshi kishọshi.

2 Kọrẹnt 1:4

ro bru avwanre uche vwẹ evun rẹ ukpokpogho ejobi, rere avwanre vwo se bru otu re hẹ ukpokpogho uche, vẹ uchebro rẹ Ọghẹne bru avwanre.

2 Kọrẹnt 12:18

Me vuẹ Taitọs nẹ ọ ra, mi de rhe ji oniọvo na vwọ ba. Taitọs mrẹ erere ọfa vwẹ oma rẹ ovwan? Ọ dia erhi ọvuọvo na avwanre vwo ru iruo? Ọ dia owọ ọvuọvo na avwanre jẹre?

2 Kọrẹnt 2:7

Vwẹ ọtiọye na ovwan ki vwo ghovwo re bro uche, eyẹ ọ rha dia ọtiọye-e uvweri rọ rho vrẹ oma vwo je hwe.

Ẹfesọs 6:22

Mi jiro bru ovwan rhe fiki rẹ emu nana ọvo, rere wa vwọ riẹn obo rẹ avwanre epha rere ọ rha je sasa ovwan oma.

Filipae 2:28

Kọye oma vwọ bajẹ ovwẹ ri mi vwo jo rhe, rere, oma vwọ vwerhe ovwan siẹ rẹ ovwan da mrẹ, re mi vwo jẹ ẹnwan ẹruọ.

Kolose 2:2

rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

1 Tẹsalonaika 2:11

kidie ovwan riẹn obo, rẹ ọsẹ vẹ emọ rọye yerẹ, ọtiọye avwanre yono ovwan ọvuọvo bru ovwan uche dje kẹ ovwan.

1 Tẹsalonaika 3:2

avwanre ki ji Timoti, oniọvo rẹ avwanre kugbe odibo rẹ Ọghẹnẹ vwẹ iyẹnre esiri ri Kristi, nẹ o rhi ru esegbuyota rẹ ovwan gan ro rhe bru ovwan uche.

1 Tẹsalonaika 3:5

Fiki rẹ ọnana na, ọke ri mi gbi se chiro-o, kọye mi vwo ji ikọn rhe vwọ mrẹ obo rẹ esegbuyota rẹ ovwan epha, vẹ oshọ nẹ ọkeọvo ukọn na vwo jẹ ovwan ẹdavwọ rere owian rẹ avwanre vwo jẹ ghwọrọ kuẹfia.

1 Tẹsalonaika 4:18

Fiki rẹ ọtiọye na ovwan gba vwẹ eta nana bru ohwohwo uche.

1 Tẹsalonaika 5:11

Vwẹ ọtiọye na ovwan gbe bru ohwohwo uche rere ovwan kpọ ohwohwo vi, kirobo rẹ ovwan ruẹ na.

1 Tẹsalonaika 5:14

Imoni, avwanre bru ovwan uche, we bru ihwo ri gbe ufeti uche, yono otu rẹ oma rhọ, cha otu rẹ evwiẹre uko, chirako rẹ ayen ejobi.

2 Tẹsalonaika 2:17

o bru udu rẹ ovwan uche ọ vwẹ owọ rẹ ayen muotọ vwẹ iruo kiruo oyoyovwi kugbe ota.