Kolose 4:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Vwẹ aghwanre nene ihwo rẹ obada yeri we kuẹ ọke fia-a.

Kolose 4:5 ပူးပေါင်းရင်းမြစ်များ

Une rẹ Ejiro 90:12

Ọtiọye na gbe yono avwanre me vwo kere ẹdẹ rẹ avwanre rere avwanre vwo vwo udu rẹ aghwanre.

Daniẹl 2:8

Etiyin ovie da kpahe ọ da ta, Me riẹnre nẹ ovwan di ruẹ ọke na gro, kidie wa mrẹre nẹ ota ro nẹ obọ mẹ rhe muẹro.

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Iyẹnrẹ Esiri ri Mak 4:11

Ọ da ta kẹ ayen, ovwan a vwẹ rọ kẹ rere e vwọ riẹn imu re djahere vwẹ uvie rẹ Ọghẹnẹ na; ẹkẹvuọvo otu re hẹ obo otafe itẹ kọye e vwo kpe kẹ ayen,

Ọbe ri Pọl si rhe Ihwo ri Rom 16:19

Rẹ usi rẹ ọghọemuo rẹ ovwan vwo kperi ro asan ejobi na, re me vwọ ghọghọ kẹ ovwan na, me guọnọ nẹ ovwan ghwanre kpahe obo ri yovwiri re we jẹ abe-ẹriọ vwẹ oma rẹ obo re brare;

Kolose 3:16

We gbe jẹn ota ri Kristi dia evun rẹ ovwan, rọ kẹ ovwan aghwanre buebu, rere ovwan yono ohwohwo, rere ovwan bru ohwohwo uche, vwẹ akpata, vẹ une rẹ ejiro kugbe ine rẹ erhi, rere wa vwẹ udu rẹ ovwan so ine vwevwerhe kẹ Ọghẹnẹ.

1 Tẹsalonaika 4:12

Rere ihwo rẹ obo ada vwo mu ọghọ kẹ ovwan, ovwan vwẹ ẹro so ohwo-o.

1 Timoti 3:7

ọ rọ marho e jẹn ihwo rẹ ohada ta omamọ ota kpahọ, ọ rha dia eriyi-in unuakpọ ko muo re she phihọ ufi rẹ idẹbono.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

Jems 3:13

Ono re ghwanre ro vwo erianriẹn vwẹ usun rẹ ovwan na? E gbe jọ vwẹ omamọ rẹ eyere vẹ iruo esiri kugbe oma evwokpotọ dje aghwanre rọye phia.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

1 Pita 3:1

Ovwan eya ri kpo orọvwe, wa vwẹ oma kpotọ kẹ eshare rẹ ovwan, rere otu evo, ri se ota na gbuyota-a dede, a sa vwi fiki rẹ uruemu rẹ eya na ku ayen rhẹriẹ,