Kolose 4:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ovwan ta kẹ Akipọs, rọ vwẹ ẹro te iruo rẹ Ọrovwohwo sanerọ phihọ na, rere o ru ayen gba.

Kolose 4:17 ပူးပေါင်းရင်းမြစ်များ

2 Ikun rẹ Ivie 29:11

Emọ mẹ, we siunu-u, kidie Ọrovwohwo jẹ wẹ reyọ nẹ wọ mudia vwẹ obaro rọye, re wo gbe odibo kẹ, re wọ dia orherẹn rọye re wọ torhẹ insẹns kẹ.

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Ukeri 18:5

Ku wọ vwẹ ẹro te iruo rẹ ẹshẹ na ejobi kugbe iruo rẹ agbada na, rere ophu ọfa vwo jẹ enu re ihwo rẹ Izrẹl na ẹdia.

Matiu 25:17

Ọ rivẹ da je mrẹ erere rẹ ikpahọ ivẹ efa.

Iruo rẹ Iyinkọn na 1:17

Kidie ekeire vwọ ba avwanre, o ji vwo ẹkẹn vwẹ odibo egbe nana.

Iruo rẹ Iyinkọn na 14:23

Ọke rẹ a vwọ ekpako vwo mu vwẹ ishọshi ọvuọvo nu, ẹrhovwo ẹnẹ vẹ owẹvwe echiro, ayen de mu ayen phihọ obọ rẹ Ọrovwohwo rẹ ayen segbuyota na.

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Ẹfesọs 4:11

Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

1 Timoti 4:14

Wọ sian ọke ra vwọ kẹ wẹ na-a, ra vwọ kẹ wẹ vwẹ ọ rẹ aroẹmrẹ vwẹ ọke rẹ ekpako na vwọ ghwẹ abọ kpahe owẹ uyovwi.

1 Timoti 4:16

Sẹro rẹ oma wẹn kugbe uyono wẹn; yọnre ọyena, kidie wo de ru ọtiọye ku wo sivwi oma wẹn kugbe ayen otu ri nyo we.

1 Timoti 4:6

Wọ de se yono imoni na imu nana, wẹ kẹ omamọ rẹ ogbeodiho ri Kristi Jesu, ra vwẹ ota rẹ esegbuyota na kugbe omamọ rẹ nyono na ghẹre kọye wo ji nene na.

1 Timoti 6:20

E Timoti, sẹro rẹ obo ra vwọ kẹ wẹ yọnre na. Sioma nẹ eta efafanrhiẹ vẹ aphrọ otu re mariẹn na,

2 Timoti 1:6

Koye me vwọ karohọ owẹ rere wọ rhiọ okẹ rẹ Ọghẹnẹ na rọ hẹ evun wẹ na fiki rẹ abọ ra ghwẹ kpahe owẹ nyovwi na.

2 Timoti 2:2

obo ru wo nyo mie vwe vwẹ irharo rẹ iseri buebu gba vwẹ ayen yono ihwo ri vwo esegbuyota re je sa vwẹ ayen yono ihwo efa rhe.

Filimọn 1:2

kugbe Afia rẹ oniọvo rẹ avwanre rẹ ọmọtẹ kugbe Akipọs ohwo rẹ avwanre vẹ ọye gbe koko phi ofovwi na, vẹ ishọshi rọ hẹ uwevwi wẹn.