Kolose 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Inini, ovwan vwẹ omamọ rẹ obọ yọnre eviẹn rẹ ovwan, rere we ru obo ri fori kẹ ayen; ovwan je karohọ nẹ ovwan ji vwo Onini ọvo vwẹ obo odjuvwu.

Kolose 4:1 ပူးပေါင်းရင်းမြစ်များ

Aghwoghwo 5:8

Ọ da dianẹ wọ mrẹ ubrakpọ re de shenyẹ ivwiogbere na ra da kpare ọvwata vẹ ọsoso kuẹfia, wo jo gbe we unu-u; kidie oruiruo ro kpenu ji vwo ọfa ro kpenu nọ rọ rhẹrẹ, efa re je rhonọ eyena je hẹ enu rẹ ayen.

Aizaya 58:3

Die avwanre vwo chirẹ owẹvwe, yu wọ gbe mrẹ-ẹ? Die avwanre vwọ vwẹ oma re avwanre kpotọ, yo wọ gbe rha riẹ-ẹn? Nighere, ẹdẹ wo de chire owẹvwe na yẹ avwerhe rẹ obọ wẹn wọ guọnọ, wo mie shenyẹ iruiruo wẹn.

Livitikọs 19:13

Ovwan shenyẹ ọrivẹ rẹ ovwa-an eyẹ wo cho-o. E jẹn osa rẹ ohwo rẹ ovwan durhie iruo dia ovwan obọ re te urhiọke-e.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Matiu 20:4

Ọ da ta kẹ ayen nẹ, Yanran kpo obo udju mẹ, obo ri fori ejobi kọye me hwa kẹ ovwan. Ayen da ghene yanran.

Iyẹnrẹ Esiri ri Luk 19:15

Rọ vwọ dẹ ogangan rẹ ovie na nu, o de rhivwi rhe, o de se idibo rọye, ro kere igho kẹ na, rere ọ riẹn uche erere rẹ ayen mrẹre vwẹ eki ẹchuọ na.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.