Kolose 3:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Kolose 3:5 ပူးပေါင်းရင်းမြစ်များ

Ẹyano 37:22

Te iyovwi rayen vẹ eghọn rayen ejobi ubro ọvuọvo; omamọ rẹ oro e vwo duvwu ayen ejobi ọvuọvo.

Matiu 15:19

Fikiridie evu rẹ udu ọye iroro imiomiovwi nẹ cha; ozighẹ, igberadja, ọfanrhiẹ, ujiecho, iseri rẹ eku, ọghware.

Ọbe ri Pọl si rhe Ihwo ri Rom 1:26

Fiki rẹ ọnana Ọghẹnẹ vwo siobọ nẹ ayen kẹ ọmeme ọbrabra re o kpokpo ayen. Ọ dianẹ eya na ọvo re reyọ oma esiri ra ma kẹ ayen vwo gbe igberadja-a,

Ọbe ri Pọl si rhe Ihwo ri Rom 1:29

Udu rayen da vọn vẹ orukuruku, ozighi, urhuru, ọhoho. E vọnre vẹ omẹriọ, ozighẹ, ẹghwọ, ophiẹvwe, ota ọbrabra, iguegu,

Ọbe ri Pọl si rhe Ihwo ri Rom 6:13

Ovwan rha vwẹ oma rẹ ovwan ru iruo rẹ umwemwu-u, ẹkẹvuọvo ovwan ru oma rẹ ovwan fuanfon kẹ Ọghẹnẹ kerẹ ihwo ri vrẹn nẹ ughwu kpo arhọ nure, re ovwan rha vwẹ ekuakua rẹ oma rẹ ovwan ru iruo rẹ ọvwata kẹ Ọghẹnẹ.

Ọbe ri Pọl si rhe Ihwo ri Rom 6:6

Avwanre riẹnre nẹ a kanre oma rẹ avwanre rẹ awanre na mu agbagba vẹ ọye rere oma rẹ umwemwu rẹ avwanre vwọ mrasan ghwọrọ, rere avwanre vwo jẹ ọviẹn rẹ umwemwu ẹdia.

Ọbe ri Pọl si rhe Ihwo ri Rom 7:23

ẹkẹvuọvo me rhe mrẹ urhi ọfa vwẹ ekuakua rẹ oma mẹ ro nene urhi rẹ udu mẹ họnra ro vwẹ ovwẹ ru ọviẹn kẹ urhi rẹ umwemwu rọ hẹ evun rẹ ekuakua rẹ oma mẹ.

Ọbe ri Pọl si rhe Ihwo ri Rom 7:5

Ọke rẹ avwanre vwọ dia vwẹ ugboma na, ọmeme rẹ umwemwu ọbrabra na, rẹ urhi na kpare na, yo ru iruo vwẹ oma rẹ avwanre rọ mọ emamo kẹ ughwu.

Ọbe ri Pọl si rhe Ihwo ri Rom 8:13

Kidie ovwan de nenesi rẹ ugboma ku we ghwu, ẹkẹvuọvo ọ da dia ọ rẹ Erhi rẹ ovwan da fọ kẹ ugboma re o ghwu ovwan ke rhọ.

1 Kọrẹnt 5:1

A rhe vuẹ vwẹ dẹn nẹ ọfanrhiẹ hẹ ohri rẹ ovwan, ọtiẹ oghẹre rẹ ọfanrhiẹ ra je mrẹ vwẹ ohri rẹ egedjọ dẹvo-o; rẹ ohwo vẹ aye rẹ ọsẹ rọye da vwerhẹ.

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

1 Kọrẹnt 6:13

A ma emuọre vwọ kẹ egede egede vwọ kẹ emuọre–yẹ Ọghẹnẹ cha guọghọ tọna tọye. A ma oma na kẹ ọfanrhiẹ egbe-e, ẹkẹvuọvo vwọ kẹ Ọrovwohwo, Ọrovwohwo rha vwọ kẹ oma na.

1 Kọrẹnt 6:18

Si oma nẹ ọfanrhiẹ. Kumwemwu kumwemwu ọfa obo uphẹphẹ ọ epha; ẹkẹvuọvo ohwo ro gbe ọfanrhiẹ ru umwemwa kpahe oma rẹ obọ rọye.

2 Kọrẹnt 12:21

Oshọ mu uvwe nẹ ọke me da rhoma rhe Ọghẹnẹ mẹ gbe ru uvwe vwọ vwẹ oma kpotọ vwẹ obaro rẹ ovwan, ki mi rhe che muoma phihọ kẹ ayen otu buebu ri ru umwemwu jovwo yẹ ayen ji kurhẹriẹ nẹ ijẹfuọn, ọfaurhiẹ, kugbe ozighi rẹ ayen gbe.

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

Ẹfesọs 4:19

Udu rẹ ayen de ghwodirhe ki ruẹ zighi zighi, urhuru evwo ko si ayen ruẹ oka rẹ umwemwu koka rẹ umwemwu.

Kolose 2:11

Oma rọye ovwan wan yanvwe ọ dia oyanvwe rẹ ugboma ra vwẹ obọ ru-u, rẹ ovwan vwo phi oma rẹ imwemwu rẹ ovwan phihọ oyanvwe ri Kristi;

1 Tẹsalonaika 4:3

Kidie ọnana hẹ ọhọre rẹ Ọghẹnẹ, kọye hẹ orufuọn rẹ ovwan; nẹ we siobọ nẹ igberadja;

1 Tẹsalonaika 4:5

Ọ dia ọ rẹ urhuru sivwe rẹ ugboma kerẹ ihwo ri Keferi re riẹn Ọghẹnẹ-ẹ.

1 Timoti 6:10

Kidie uhinpho rẹ igho ọye ghwa okpetu na ejobi cha; urhuru sivwe nana ọye sorọ rẹ ihwo buebu vwo ghwru nẹ esegbuyota na re da vwẹ edada vẹ obi vwọ sa udu rayen.

Hibru 12:16

e jẹn ohwo ọvuọvo dia ọvwọfanrhiẹ-ẹ eyẹ ro jẹn ẹgha ẹriẹn kerẹ Isọ, rọ vwi fiki rẹ emọre shẹ ọkpako rọye.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.

Jems 4:1

Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?

1 Pita 2:11

Imoni re me guọnọre, me rẹ ovwan kerẹ erhorha kugbe otu re hẹ imu re we sioma nẹ urhuru sivwe rẹ ugboma ro nene ẹnwẹn họnra na.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.