Kolose 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọke ra da cha vwẹ Kristi rẹ arhọ rẹ ovwan rheri na vwo phia, ovwan vẹ ọye ke phia kugbe vwẹ evun rẹ urinrin.

Kolose 3:4 ပူးပေါင်းရင်းမြစ်များ

Une rẹ Ejiro 17:15

Vwọ kẹ vwẹ, me cha vwẹ ọvwata mrẹ opharo wẹn, Me da rhọvwọ, evun kọ vọn vwẹ re me da mrẹ wẹn.

Une rẹ Ejiro 73:24

Wọwẹ re vwẹ ẹghwanre wẹn sun vwe, ukuko rọye ko wọ vwẹ ovwẹ kpo urinrin.

Matiu 13:43

Otu rẹ evwata ki che lo kerẹ ọnre vwẹ uvie rẹ Ọsẹ na. Ọ ro vwo erhọn e jo nyo.

Iyẹnrẹ Esiri ri Luk 17:30

ọtiọye ọ je cha dia vwọ ẹdẹ ra da cha vwọ Ọmọ rọ ohwo phia.

Iyẹnrẹ Esiri ri Jọn 11:25

Jesu da ta kẹ, Mẹvwẹ hẹ evrẹnushi na kugbe arhọ na; ọ ro se vwe gbuyota, owenẹ o ghwu, yọ je cha rhọ,

Iyẹnrẹ Esiri ri Jọn 14:3

Me da yanran ra rhnẹrẹ asan kẹ ovwan, mi ji rhivwi cha cha reyọ ovwan kẹ oma mẹ, rere asan re me epha ovwan je dia etiyin rhe.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iyẹnrẹ Esiri ri Jọn 17:24

Ọsẹ, me guọnọre nẹ ayen rhe, re wọ vwọ kẹ vwẹ na, vẹ ovwẹ dia asan re me epha, re mrẹ urinrin mẹ re wọ kẹ vwẹ vwẹ ẹguọnọ ru wọ vwọ kẹ vwẹ tavwe ra ke ma akpọ na.

Iyẹnrẹ Esiri ri Jọn 20:31

ẹkẹvuọvo e si enana rere ovwan vwo se segbuyota nẹ Jesu hẹ Kristi na, Ọmọ rẹ Ọghẹnẹ na, rere we de segbuyota ovwan vwo se vwo arhọ vwẹ odẹ rọye.

Iruo rẹ Iyinkọn na 3:15

Ovwan de hwe ọ ro vwo arhọ, ohwo rẹ Ọghẹnẹ kpare vrẹn nẹ ughwu na. Ọna avwanre hẹ iseri rọye na.

Ọbe ri Pọl si rhe Ihwo ri Rom 8:18

Mi rori nẹ a sa vwẹ oja rẹ ọke nana dje urinrin ra cha vwọ phia vwẹ oma rẹ avwanre-e.

Ọbe ri Pọl si rhe Ihwo ri Rom 8:19

Kidie emama na ra hẹrhẹ i ro rhẹro gangan vwọ kpahe ọke rẹ ẹvwọphia rẹ emọ rẹ Ọghẹnẹ;

1 Kọrẹnt 1:7

nẹ ẹse rẹ erhi na sa kanre ovwa-an, rẹ ovwan vwọ hẹrhẹ ẹvwọphia rẹ Ọrovwavwanre Jesu Kristi;

1 Kọrẹnt 15:43

A kọnrọ vwi jẹ ọghọ evwo, ọ varhe vwẹ urinrin. A kọnrọ vwẹ ovwiẹre, ọ varhe vwẹ ogangan.

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Filipae 3:21

ohwo ro che ku orharhe rẹ oma rẹ avwanre na rhẹriẹ hirhe phihọ oma rẹ urinrin rọye, vwẹ ogangan rọ nẹrhẹ ọ vwẹ emu na ejobi hwaotọ kẹ oma rọye.

1 Tẹsalonaika 4:17

Kẹsiẹye o ki rhi te re hẹ ekpokpo, ri ghwu chekọ, ka ghwẹ avwanre rhi koko kugbe ayen otu re hẹ obenu na, ke ku usun họ ra vwa Ọrovwohwo na vwẹ obo irharheghe, kẹ oboyi avwanre vẹ Ọrovwohwo da dia bẹdẹ.

1 Timoti 6:14

me ta kẹ wẹ nẹ yọnre urhi na gba o vwo upe-e o vwo eka-an bẹsiẹ rẹ Ọrovwavwanre Jesu Kristi vwọ rhe;

2 Timoti 1:1

Mẹvwẹ Pọl, ọymkọn ri Ktisti Jesu vwẹ ọhọre rẹ Ọghẹnẹ kirobo rẹ ive rẹ arhọ rọ herọ vwe evun ri Kristi Jesu epha,

2 Timoti 4:8

Kẹ etinẹ arare a vwẹ erhu rẹ uvie rẹ ọvwata na kpahe oboyin hẹrhẹ ovwẹ, rẹ Ọrovwohwo na, oguẹdjọ rẹ esiri na, cha vwọ kẹ vwẹ vwẹ Ẹdẹ yena, ọ dianẹ kẹ omẹvwẹ ọvo-o ẹkẹvuọvo vwọ kẹ ayen ejobi re guọnọ ẹcha rọye.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

1 Pita 5:4

Ọke rẹ onotu rẹ Osuigegede na da cha phia ku wo vwo erhu rẹ urinrin ro jẹphoriẹ.

1 Jọn 2:28

Asakiephana, emọ na, ovwan dia evun rọye, rere vwẹ ọke rọ da cha rhe udu rẹ ovwan vwọ gan, rere ovwan vwo jẹ djẹrua vẹ omaẹvuọ vwẹ ẹcha rọye.

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.

1 Jọn 5:12

Ohwo rọ reyọ Ọmọ na ko vwo arhọ na; ohwo rọ rha reyọ Ọmọ na-a o rhe vwo arhọ na-a.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,

Ẹvwọphia 2:7

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ke me vwẹ urhe rẹ arhọ na kẹ re, rọ he Paradais rẹ Ọghẹnẹ.

Ẹvwọphia 22:1

Etiyin ọ da vwẹ urhie rẹ ame rẹ arhọ na vwọ nẹ vwẹ, ọ pha ghologholo, rọ djẹ nẹ ekete rẹ Ọghẹnẹ na kugbe ọ rẹ Omogodẹ na cha

Ẹvwọphia 22:14

Ebruba kẹ ayen otu re fọnrhọ rayen fon, rere ayen vwo se si kẹre urhe rẹ arhọ na rere ayen sa wan anurhoro na ro orere na.