Kolose 3:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ohwo ro ru bra je cha reyọ osa rẹ obrabra rọye; ọ vwẹ ọghọ kẹ ohwo ọvo jẹ ọvo vwo-o.

Kolose 3:25 ပူးပေါင်းရင်းမြစ်များ

2 Samuẹl 14:14

Avwanre ejobi che ghwu, avwanre họhọ ame re ku phihọ otọ, a gbe sa banọ koko ọfa-a, Ẹkẹvuọvo Ọghẹnẹ nẹ ohwo ruẹ-ẹ; jẹ Ọghẹnẹ gbi se hwe ohwo rọ gbẹn idjerhe ọfa, rere ọmọ ro djere mrasan bro rhe-e.

2 Ikun rẹ Ivie 19:7

Asakiephana, gbe jẹ oshọ rẹ Ọrovwohwo mu ovwan; kẹnoma kẹ obo ru wo ruẹ, kidie Ọrovwohwo Ọghẹnẹ rẹ avwanre na brorhiẹ rẹ ihu-u eye o ghwe oma hẹ abọvo-o, eyẹ ọ ria udi-i.

ỌBE RẸ JOB 34:19

ohwo ro nẹ isun ẹro-o na, ro se edafe gbẹ ohwo nọ ivwiogbere-e na, kidie ayen ejobi iruo rẹ obọ rọye?

ỌBE RẸ JOB 37:24

Fiki rẹ ọtioye ihwo rẹ akpo wa djẹ oshọ rọye; o se ohwo rọ ghwanre ọvuọvo gbẹ emu vwẹ evun rẹ aghwanrẹ rọye-e.

Livitikọs 19:15

Ovwan bru orhiẹn rẹ eku vwẹ ẹdjọeguo rẹ ovwa-an; We phi oma phihọ ẹbẹre ọvo kẹ igbere na-a eyẹ kẹ ẹguọnọ rẹ ihwo ride eruo-o, ẹkẹvuọvo ovwan vwẹ evun esiri guẹdjọ re irivẹ re ovwan.

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Iyẹnrẹ Esiri ri Luk 20:21

Ayen da nọ, Oyono, avwanre riẹnre nẹ wọ ta wo ji yono yoyovwi, wọ ghwẹ oma hẹ abọvo-o, ẹkẹvuọvo wo yono idjerhe rẹ Ọghẹnẹ na vwẹ ọ rẹ uyota.

Iruo rẹ Iyinkọn na 10:34

Pita de rhie unu rọye ọ da ta. Uyota Me riere nẹ Ọghẹnẹ ghwẹ oma hẹ abọvo jẹ ọvo vwo-o;

Ọbe ri Pọl si rhe Ihwo ri Rom 2:11

Kidie Ọghẹnẹ ghwẹ oma ho ẹbẹre ọvo jẹ ọvo vwo-o.

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Ẹfesọs 6:8

vẹ ẹriẹn nẹ kemu kemu esiri rẹ ohwo ruru ejobi, osa rọye ọ je reyọ vwẹ obọ rẹ Ọrovwohwo, owenẹ ọ dia ọviẹn eyẹ ọmuvwiẹ.

Ẹfesọs 6:9

Ovwan otu re dẹ ihwo, we ji ru abavo na kẹ ayen, wa djẹ oshọ mu aye-en, riẹn nẹ Ohwo ọvo rọ dẹ ovwan vẹ ayen hẹ obo odjuvwu, o muẹ ọghọ kẹ ohwo ọvo jẹ ọvo vwo-o.

Urhi Rivẹ 1:17

We nẹ opharo rẹ ohwo brorhiẹ-ẹ; wa Me kerhọn rẹ ihwo irere vẹ ihwo ride abavo; wa djẹ oshọ rẹ opharo rẹ ohwo-o; kidie orhiebro ọ rẹ Ọghẹnẹ; ẹdjọ rọ bẹ ovwan ebro ovwan vwo rhe vwe, rere mi nyo.

Urhi Rivẹ 10:17

Kidie Ọrovwohwo Ọghẹnẹ wẹn na, ọye Ọghẹnẹ rẹ ẹdjọ, gbe Ọrovwohwo rẹ irivwohwo, Ọghẹnẹ rode, ro mu oshọ, ro nẹ ohwo ẹro-o, ọ je ria udi-i.

Kolose 4:1

Inini, ovwan vwẹ omamọ rẹ obọ yọnre eviẹn rẹ ovwan, rere we ru obo ri fori kẹ ayen; ovwan je karohọ nẹ ovwan ji vwo Onini ọvo vwẹ obo odjuvwu.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.

2 Tẹsalonaika 1:6

rẹ Ọghẹnẹ vwo roro nẹ o fori rere ọ vwẹ oja re ayen otu ri gbe oja kẹ ovwan ria na,

Filimọn 1:18

Ẹkẹvuọvo ọ dianẹ o ru we chọ, eyẹ ọ re osa wẹ, gbe roro kẹ vwẹ re me hwa.

Hibru 2:2

Kidie ovuẹ rẹ emakashe vuẹre na da ghene dia uyota rẹ ogbeku kogbeku rẹ ohwo ruru de vwo osa ro tere,

1 Pita 1:17

Ọ da dianẹ ovwan sere Ọsẹ ohwo ro brorhiẹ abavo kirobo rẹ uruemu rọye epha, ovwan gba djẹ oshọ vwẹ uchọke rẹ ovwan dia imu na kri te.

Ọbe ri Jud 1:16

Enana hẹ ihwo ri guẹ huhuhu, rẹ evun rẹ umwemwu jẹvọn, ri nene urhuru sivwe rẹ ugboma, ri rhie enu phihọ yan eyan, ri brugun hẹ ihwo oma fiki rẹ erere.