Kolose 3:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Eviẹn na, we mu ọghọ kẹ inini rẹ ovwan vwi kemu kemu ejobi, ovwan nabọ ga ayen ọ dianẹ rẹ ihwo vwo jiri ovwa-an, ẹkẹvuọvo wa vwẹ evun ọvo ga ayen vwẹ oshọ rẹ Ọrovwohwo.

Kolose 3:22 ပူးပေါင်းရင်းမြစ်များ

Jẹnẹsis 42:18

Vwẹ ẹdẹ rẹ erha Josẹf da ta kẹ ayen, Ru Ọnana re ovwan rhọ, kidie Me djẹ oshọ rẹ Ọghẹnẹ:

Nehemaya 5:15

Isun rẹ ẹsosuọ re karo kẹ vwẹ, kru oghwa ọhọhọhọ nyẹ ihwo na, ayen de mie ayen emuọre vẹ idi, a ke mrẹ shẹkẹl ujuvẹ rẹ idọnọ. Ekpuyovwi rẹ idibo rayen je vwẹ oma ruẹ Osun kẹ ihwo na. Ẹkẹvuọvo mi se ru ọtiọye-e, fiki rẹ oshọ rẹ Ọghẹnẹ.

Nehemaya 5:9

Etiyin me da ta, Obo rẹ ovwan ruẹ na yovwiri-i. O rhe fo rere ovwan yan vwẹ oshọẹdjẹ rẹ Ọghẹnẹ rẹ avwanre rere e vwọ nabọ rẹ ehwẹjẹ rẹ ivwighrẹ rẹ avwanre ihwo re ẹgborho ẹga na?

Une rẹ Ejiro 123:2

Nighe, kirobo rẹ ẹro rẹ idibo nẹ obọ rẹ onini rayen, kirobo rẹ ẹro rẹ ọmọtukoli nẹ obọ rẹ inene rọye, Ọtiọye ẹro rẹ avwanre nẹ Ọrovwohwo Ọghẹnẹ rẹ avwanre, bẹsiẹ ro vwo ni aruẹdọ rẹ avwanre.

Aghwoghwo 12:13

Oba rẹ ota na ejobi, re nyori na ọ na. Djẹ ọshọ rẹ Ọghẹnẹ, rere wọ yọnrọn irhi rọye; kidie ọnana ọye iruo ro te ohwo.

Aghwoghwo 5:7

Kidie evwerhẹ de buẹ, eta ifefe ki buẹ phihọ ẹkẹvuọvo djẹ ọsho rẹ Ọghẹnẹ.

Aghwoghwo 8:12

Owenẹ, oruimwemwu ru umwemwu abọ ujori yo ghwẹ-ẹ, dede na me riẹnre nẹ o che yovwi kẹ ihwo re djẹ oshọ rẹ Ọghẹnẹ fikiridie ayen djẹ oshọ vwẹ obaro rọye;

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Matiu 6:22

Urhukpe rẹ oma na ọye ẹro; ẹro wẹn da dia ọkpokpọ, oma wẹn ejobi ko vọn vẹ orẹmrẹ.

Matiu 8:9

Kidie mẹvwẹ onotu rode, mi ki ji vwo ihwo buebu re me ghwẹ kpo ofovwi; me da ta kẹ ọna nẹ, yanran, ọ me ghene yanran, mọ, ọ me yanrhe: ta kẹ ọviẹ mẹ, ru ọna, o mi ghine ruo.

Iyẹnrẹ Esiri ri Luk 6:46

Die we vwo se vwe, Ọrovwohwo, Ọrovwohwo, yu we ruẹ obo re me tare-e?

Iyẹnrẹ Esiri ri Luk 7:8

Kidie mẹvwẹ wọ mrẹ na ohwo rode vẹ ogangan, ro vwo isodje buebu ri mi suẹn. Me da ta kẹ ọvo nẹ, Yanran, ọ me ghene yanran; Yanrhe, ọ me ghene yanrhe; Ru ọna o mi ghini ruo.

Iruo rẹ Iyinkọn na 2:46

Kẹdẹ kẹdẹ kọye ayen vwo koko vwẹ uwevwi rẹ ega kugbe ọre kugbe vwẹ iwevwi rayen, re ayen vwọ ria emu vẹ aghọghọ vẹ udu esiri.

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

Galesha 1:10

Ugbeyan rẹ ihwo me guọnọ dia vwo, gbenẹ ugbeyan rẹ Ọghẹnẹ? Eyẹ me guọnọ re mi ru obo ri je ihwo? Mi de ru obo ri je ihwo ye me gbe dia odibo ri Kristi-i.

Kolose 3:20

Ovwan emọ, we mu ọghọ kẹ esẹ vẹ ini rẹ ovwan, fikiridie ọtiọna ri je Ọrovwohwo.

1 Tẹsalonaika 2:4

Ẹkẹvuọvo kirobo rẹ Ọghẹnẹ sanọ avwanre reyọ na rọ da vwẹ iyẹnrẹ esiri na gba avwanre obọ na, kẹ ọtiọye avwanre ghwoghwo, ọ dianẹ re o vwo je ihwo-o, ẹkẹvuọvo ro vwo je Ọghẹnẹ rọ davwa udu nẹ.

Filimọn 1:16

ọ gbe dia ọviẹn ọfa-a, ẹkẹvuọvo kọ rho nọ ọviẹn, oniọvo rọ ghare kẹ vwẹ, rọ je ghare kẹ wẹ gangan kerẹ ugbeyan vẹ oniọvo vwi Kristi.