Kolose 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² We gbe ni emu rọ hẹ obenu, we ni emu re hẹ otọ rẹ akpọ na-a.

Kolose 3:2 ပူးပေါင်းရင်းမြစ်များ

1 Ikun rẹ Ivie 22:19

Asakiephana wa vwẹ iroro vẹ ẹnwẹ rẹ ovwan vwọ guọnọ Ọrovwohwo rẹ Ọghẹnẹ rẹ ovwan. We vrẹn ra bọn ẹshẹ kẹ Ọrovwohwo rẹ Ọghẹnẹ asan re mu ekpeti rẹ ọphọ rẹ Ọrovwohwo na vẹ ekuakua efuanfon rẹ Ọghẹnẹ na phihọ rọ dia uwevwi ra tọn phihọ kẹ odẹ rẹ Ọrovwohwo na.

1 Ikun rẹ Ivie 29:3

Enana ejobi re me rhuẹrẹ phihọ otọ vwọ kẹ uwevwi ọfuanfon na, mi ji vwo efe rẹ obọ mẹ rẹ oro vẹ idọnọ re me ghwẹ koko fiki rẹ iroro ri mi vwo kẹ Ọghẹnẹ mẹ, me je vwẹ ayen vwọ kẹ uwevwi rẹ Ọghẹnẹ mẹ na.

Une rẹ Ejiro 62:10

Wọ vwẹ ẹro so ọghwanre-e, wo phiẹrohọ uji echo-o; efe de buẹ, wọ vwẹ udu wẹn kpahe aye-en.

Une rẹ Ejiro 91:14

Fikiridie o churu mu vwe vwẹ ẹguọnọ, ki mi sivwo, Ke me chochọ rọye, kidie ọ riẹn odẹ mẹ

Isẹ 23:5

Ọke wọ da ghwa kpare aro mrẹ re, ọ me ghwa ranvwiẹ; kidie siẹvuọvo na o me ghwa bẹrẹ ibekpe, ọ me ghwa rhan kpenu kerẹ egodi.

Aghwoghwo 7:14

Ghọghọ vwẹ ẹdẹ ro de yovwo uwe, roro vwẹ ọke rẹ ọbẹvwẹ. Ọghẹnẹ rọ ma ọvo na ye je ma ọrivẹ na, rere ohwo vwo jẹ obo re cha phia vwẹ obuko roye ẹ mrẹ.

Matiu 16:23

Ẹkẹvuọvo o de kuoma rhẹriẹ, ọ da ta kẹ Pita nẹ, Wan nẹ obuko mẹ wẹ Ẹdjọ na; Wẹ oshegberi kẹ vwẹ, kidie wọ guọnọ emu rẹ Ọghẹnẹ-ẹ, ẹkẹvuọvo ọ rẹ ihwo rẹ akpọ.

Matiu 6:19

We koko efe rẹ ovwan phihọ akpọ na-a; asan rẹ ẹghwọghwọ da ria rẹ ekagba de ji muẹ, asan rẹ oji tọfiẹ o mi cho.

Iyẹnrẹ Esiri ri Luk 12:15

Ọ da ta kẹ ayen, Jomaotọ, re wo si oma wẹn nẹ urhuru evwo; ọ dia efe buebu rẹ ohwo vwori ọye urhuarhọ rọye epha-a.

Iyẹnrẹ Esiri ri Luk 16:11

Wọ rha ka dia ọvwata vwẹ efe rẹ ẹro hrehre na-a, kono sa vwẹ omamọ rẹ efe na kẹ wẹ yọnre?

Filipae 1:23

Ahwarha dẹn kọye me epha. Ẹgnọnọ mẹ kẹ ukpo re mi vi Kristi ra dia, kidie ọye ri me yovwi.

Kolose 3:1

Ọ da dianẹ ovwan vẹ Kristi gbe koko vrẹn ovwan gba guọnọ emu rọ hẹ obenu, asan ri Kristi epha, ro de tidia vwẹ obọrhe rẹ Ọghẹnẹ.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.