Kolose 3:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

Kolose 3:15 ပူးပေါင်းရင်းမြစ်များ

Une rẹ Ejiro 100:4

Vwẹriẹ anurhoro rọye vẹ ẹkpẹvwẹ, kugbe ọguan rọye vẹ ejiro! Kpẹvwẹ, bruba kẹ odẹ rọye!

Une rẹ Ejiro 107:22

Jẹn ayen ze izobo rẹ ẹkpẹvwẹ, re gbe ikun re uruemu rọye vwẹ ine rẹ aghọghọ!

Une rẹ Ejiro 116:17

Ki mi ze izobo rẹ ẹkpẹvwẹ kẹ wẹ ri mi se odẹ rẹ Ọrovwohwo na.

Une rẹ Ejiro 29:11

E jẹn Ọrovwohwo vwẹ ogangan kẹ ihwo rọye! E jẹn Ọrovwohwo vwẹ ufuoma bruphihọ kẹ ihwo rọye.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 27:5

Eyẹrẹ gbe jẹn ayen vwẹ ẹro so ochọ mẹ, jẹn ayen vẹ ovwẹ rhuẹrẹ kugbe, jẹn ayen vẹ ovwẹ rhuẹrẹ kugbe.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Jona 2:9

Ẹkẹvuọvo me vẹ urhuru rẹ ẹkpẹvwẹ gbe che ze izobo kẹ wẹ. Obo ri mi veri dẹn me hwa osa rọye. Esivwo Ọrovwohwo o rheri!

Iyẹnrẹ Esiri ri Jọn 14:27

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Ọbe ri Pọl si rhe Ihwo ri Rom 1:21

dede nẹ ayen riẹn nẹ Ọghẹnẹ o ruẹ yẹ ayen rhe mu ọghọ kẹ kerẹ Ọghẹnẹ-ẹ eyẹ vwọ vwẹ ẹkpẹvwẹ kẹ-ẹ, ẹkẹvuọvo ayen da rhe dia ihwo aphro ghevweghe vwẹ iroro rayen, udu rẹ ẹkpa rayen na de rhi mu ebri.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

1 Kọrẹnt 10:17

Fikiridie ikara ọvuọvo herọ, yẹ avwanre re epha buebu na ugboma ọvo, kidie ikara ọvo na avwanre ejobi ria.

1 Kọrẹnt 7:15

Ẹkẹvuọvo ọ ro segbuyota-a na da guọnọ nẹ oye hẹriẹ, e jovwo rọ hẹriẹ; vwẹ oghẹre ọtiọna na a sa gba ọshare na eyẹ aye na-a. Kidie ufuoma ọye Ọghẹnẹ se avwanre rhe.

2 Kọrẹnt 4:15

Kidie ọnana ejobi ki fiki rẹ ovwan, rere kerẹ ọtiobo rẹ ẹserọphẹ dje ebuo ebuo kẹ ihwo na rere ẹkpẹvwẹ vwo se bu, vwọ kẹ urinrin rẹ Ọghẹnẹ.

2 Kọrẹnt 9:11

Ku wo fe vwẹ idjerhe kidjerhe fiki rẹ obo ru wo siobọ nu buebu na, ra da wan oma rẹ avwanre vwẹ ẹkpẹvwẹ kẹ Ọghẹnẹ;

Ẹfesọs 4:16

Oma rọye ọye oma na ejobi da tan kugbe a da rhuọ kugbe vwẹ uriẹn kuriẹn ejobi ra vwọ kẹ, ọke rẹ abọ ọvuọvo de ru iruo yoyovwi re, oma na kọ riẹn rhua ọ me rhe bọn oma rọye phihọ ẹguọnọ.

Ẹfesọs 4:4

Oma ọvuọvo rẹ herọ kugbe Erhi ọvuọvo, kirobo re se ovwan rhe iphiẹrohọ ọvuọvo na rọ hẹ evun rẹ use rẹ ovwan na.

Ẹfesọs 5:1

Vwẹ ọtiọye na ovwan gba vwẹ ẹro kere Ọghẹnẹ, kerẹ emọ re ghare.

Ẹfesọs 5:20

Ọke kọke vwi kemu kemu ejobi vwẹ ẹkpẹvwẹ vwẹ odẹ rẹ Ọrovwavwanre Jesu Kristi kẹ Ọghẹnẹ Ọsẹ na.

Kolose 1:12

Wa mia vwẹ ekpẹvwẹ kẹ Ọsẹ na, ro ru avwanre fo ihwo re vẹ irherẹn rẹ Urhukpe na gbe koko reuku na.

Kolose 2:7

Rere te erianriẹn rẹ ovwan te esegbnyota rẹ ovwan ejobi vwọ ghwotọ kokoroko, kirobo re yono ovwan, rere ovwan mia vwẹ ẹkpẹvwẹ kẹ.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

1 Tẹsalonaika 5:18

Ovwan kpẹvwẹ Ọghẹnẹ vwi kẹdia kẹdia rẹ ovwan epha ejobi; ọnana hẹ ọhọre rẹ Ọghẹnẹ vwẹ evun ri Kristi Jesu vwọ kẹ ovwan.

1 Timoti 2:1

Mi bru we uche nẹ, emu rẹsosuo ejobi ri wo ru kẹ ọna, wọ me yare, nẹ ẹrhovwo, vwerhi, kpẹvwẹ kẹ ihwo ejobi,

1 Timoti 6:12

Họnre omamọ ọhọnre rẹ esegbuyota; gbanọ arhọ ri bẹdẹ na ra vwi fiki rọye se we na homa, ru wọ rhọvwere vwẹ irharo rẹ iseri buebu na.

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

Ẹvwọphia 7:12

tanẹ, Isẹ, Ebruba kugbe urinrin kugbe aghwanre kugbe ẹkpẹvwẹ kugbe ọghọ kugbe ogangan kugbe ọrho dia kẹ Ọghẹnẹ rẹ avwanre bẹdẹ bẹdẹ! Isẹ.