Kolose 3:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọ rọ marho ejobi, ovwan gbe ku ẹguọnọ phihọ, kọye ufi ro churu ihwo kugbe.

Kolose 3:14 ပူးပေါင်းရင်းမြစ်များ

Iyẹnrẹ Esiri ri Jọn 13:34

Urhi ọkpokpọ mi ji kẹ ovwan nẹ, ovwan guọnọ ohwohwo; kirobo re me guọnọ ovwan na ọtiọye ovwan je guọnọ ohwohwo rhe.

Iyẹnrẹ Esiri ri Jọn 15:12

Ọnana hẹ urhi mẹ, nẹ ovwan guọnọ ohwohwo kirobo re me guọnọ ovwan.

Iyẹnrẹ Esiri ri Jọn 17:23

Me hẹ evun rẹ ayen yu wọ hẹ evun mẹ, rere ayen vwọ dia ọvo gbae, ọtiọye na akpọ na kẹ riẹn nẹ we ri ji vwẹ rhe me da rha guọnọ ayen kirobo ru wọ guọnọ ovwẹ.

Ọbe ri Pọl si rhe Ihwo ri Rom 13:8

Wọ ria osa rẹ ohwo ọvuọvo-o, jokpa nẹ osa rẹ ẹguọnọ wa re ohwohwo; kidie ọ rọ guọnọ ọrivẹ rọye ọye hẹ orugba rẹ urhi na.

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.

Ẹfesọs 4:3

pharhe ra vwọ yọnre okugbe rẹ Erhi na vwẹ ẹguọnọ rẹ ufuoma.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Kolose 2:2

rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

1 Tẹsalonaika 4:9

Ẹkẹvuọvo vwọ kpahe ẹguọnọ rẹ imoni na o rhe fo rere ohwo ọvo vwo si rhe ovwa-an, kidie Ọghẹnẹ yono ekpuyovwi rẹ ovwan nẹ ohwohwo guọnọ ohwohwo.

1 Timoti 1:5

obo rẹ avwanre nẹ vwẹ idjedje rẹ avwanre hẹ ẹguọnọ ro nẹ omamọ rẹ udu rhe kugbe evun esiri kugbe uvi re esegbuyota.

Hibru 6:1

Vwẹ ọtiọye na e gbe jẹ avwanre gbobọnyẹ ebaghẹrẹ rẹ uyono ri Kristi na re e ru kerẹ omiragua, re e kurhẹriẹ nẹ iruo rẹ umwemwu na kpo esegbuyota rẹ Ọghẹnẹ,

1 Pita 4:8

Ọ rọ marho ejobi ovwan vwo ẹguọnọ kẹ ohwohwo, kidie ẹguọnọ rhurhu imwemwu buebu.

2 Pita 1:7

ẹfuọn vẹ ẹguọnọ rẹ imoni, ẹguọnọ rẹ imoni vẹ ẹguọnọ.

1 Jọn 3:10

Vwẹ oma rẹ Ọnana kọye e vwo vughe emọ rẹ Ọghẹnẹ, kugbe emọ rẹ idẹbono. kohwo kohwo ro ru umwemwu eyẹ ro tuoma rẹ oniọvo rọye yọ dia ọmọ rẹ Ọghẹnẹ-ẹ.

1 Jọn 3:23

Ọnana kọye hẹ urhi rọye, nẹ avwanre se odẹ rẹ Ọmọ rọye Jesu Kristi gbuyota ra guọnọ ohwohwo, kirobo ro ji urhi kẹ avwanre.

1 Jọn 4:21

Urhi nana kọye avwanre reyọ mie, nẹ ohwo rọ guọnọ Ọghẹnẹ ọ je guọnọ oniọvo rọye rhe.