Kolose 3:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ohwohwo chirako kẹ ohwohwo, fobọ si ophu nẹ evun rere ohwohwo vwo ghovwo ohwohwo nẹ otọ rẹ evun rhe; kirobo rẹ Ọrovwohwo vwo ghovwo na, eriyin we ji vwo ghovwo rhe.

Kolose 3:13 ပူးပေါင်းရင်းမြစ်များ

Isẹ 19:11

Ohwo ro vwo ọhọ fobọ muẹ ophu-u, je vwẹ ọrho rode kẹ ro de kuaro fia kẹ oruchọ.

Matiu 5:44

Ẹkẹvuọvo me ta kẹ wẹ nẹ, guọnọ ivwighrẹ wẹn, nẹ ẹrhovwo kẹ ihwo ri kpokpo uwe,

Matiu 6:12

Vwẹ imwemwu rẹ avwanre rhovwo avwanre, Kirobo me vwo rhovwo ọrivẹ rẹ avwanre.

Iyẹnrẹ Esiri ri Mak 11:25

Kẹsiẹ kẹsiẹ rẹ ovwan de mudia nẹ ẹrhovwo, rẹ ovwan vẹ ohwo de vwo ẹghwọ, vwo ghovwo; rere Ọsẹ rẹ ovwan rọ hẹ obo odjuvwu vwo ghovwo ogbeku rẹ ovwan.

Iyẹnrẹ Esiri ri Luk 11:4

vwẹ imwemwu rẹ avwanre ghovwo avwanre, kirobo ri me vwo ghovwo otu ri gbe avwanre ku; Wo si avwanre ro odavwini-i.

Iyẹnrẹ Esiri ri Luk 23:34

Jesu da ta, Ọsẹ, vwo ghovwo ayen; kidie ayen riẹn obo rẹ ayen ruẹ-ẹ. Ayen da vwẹ ewun rọye vwo duvwu itẹ.

Ọbe ri Pọl si rhe Ihwo ri Rom 15:7

Vwẹ eriyin na ovwan dede ohwohwo, kirobo ri Kristi dede ovwan, vwọ kẹ urinrin rẹ Ọghẹnẹ.

2 Kọrẹnt 2:10

Ohwo re ovwan vwo ghovwo, yi mi ji vwo ghovwo rhe. Obo ri mi vwo ghovwo, ọ da dianẹ mi vwẹ emu ọvo ghovwo ohwo, yi ki fiki rẹ ovwan vwẹ obaro ri Kristi,

2 Kọrẹnt 6:6

vwẹ evun ẹfuọn, erianriẹn, odiri, arodọvwẹ, Erhi Ọfuanfon na, omamọ rẹ ẹguọnọ,

Galesha 6:2

Ohwohwo mu oghwa rẹ ohwohwo, kọye we se vwo ru urhi ri Kristi gba.

Ẹfesọs 4:2

Vwẹ omaevwokpotọ kugbe edẹndẹn, vẹ akoechiro, ohwohwo chirako rẹ ohwohwo vwẹ evun rẹ ẹguọnọ,

Ẹfesọs 4:32

Ni arodọvwẹ kẹ ohwohwo, we siẹ ohwo aro-o, vwo ghovwo ohwohwo, kirobo rẹ Ọghẹnẹ wan oma ri Kristi vwo ghovwo ovwan.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

1 Pita 2:21

Kidie ọna e se ovwan rhe, fikiridie Kristi re-oja kẹ ovwan, re ovwan vwo no ru, rere ovwan vwẹ ẹro kere.