Kolose 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

Kolose 3:10 ပူးပေါင်းရင်းမြစ်များ

Jẹnẹsis 5:1

Ọnana ọbe rẹ uvwiẹ rẹ Adam. Vwẹ ọke rẹ Ọghẹnẹ vwọ ma ohwo, ọ da ma vwẹ uhoho rẹ Ọghẹnẹ

ỌBE RẸ JOB 29:14

Mi de ku ọvwata phihọ, ọ de rhuọ vwe; orhiebro mẹ da họhọ adagha vẹ erhu.

Une rẹ Ejiro 51:10

Ma udu ọfuanfon phihọ evun mẹ, E Ọghẹnẹ ru wo phi erhi ọkpokpọ wẹn phihọ udu mẹ.

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 59:17

Ọ da gba ọvwata mu ohọre kerẹ emekpo-udu, erhu rẹ esivwo ro vwo tughẹ uyovwi, o ku iwun rẹ ihri-eriọ phihọ kerẹ amwa, ọ da vwẹ ophu phopho oma kerẹ okpa.

Izikiẹl 11:19

Ke me cha kẹ ayen udu ọvo, ki mi phi erhi ọkpokpọ phihọ evun rẹ ayen; ki mi si udu rẹ oragha na nẹ uvwo rẹ oma rayen, ke me kẹ ayen udu rẹ uvwo,

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

Izikiẹl 36:26

Udu ọkpokpọ kọye me vwọ kẹ wẹ, erhi ọkpokpọ kọye mi phihọ evun wẹn, ke me reyọ udu rẹ oragha nẹ evun wẹn ke me kẹ wẹ udu rẹ uvwo.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Ọbe ri Pọl si rhe Ihwo ri Rom 13:12

ọke na kpo krire, ọke na che rhiere. E gbe jẹn avwanre siobọ nẹ iruo rẹ ebri na re avwanre ku ewun rẹ urhukpẹ na phihọ.

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

Ọbe ri Pọl si rhe Ihwo ri Rom 6:4

Vwẹ oma rẹ ame-ẹreyọ rọye e vwo shi avwanre kugbe vwẹ evun rẹ ughwu rọye, kọye re kirobo rẹ vwẹ obọ rẹ urinrin vẹ ogangan rẹ Ọsẹ na vwọ kpare Kristi vrẹn na, eriyin na avwanre ki ji vwo arhọ ọkpokpọ fiki rọye.

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

2 Kọrẹnt 3:18

Avwanre ejobi, re vwẹ oga rhurhu opharo-o na, ri nẹ urinrin rẹ Ọrovwohwo na, e re kuẹ avwanre rhẹriẹ kpo uhoho rọye nẹ edje rẹ urinrin ọvo ra ro ọfa; kidie ọnana nẹ obọ rẹ Ọrovwohwo na rhe rẹ ọye ọvo hẹ Erhi na.

2 Kọrẹnt 4:16

Ọtiọye na avwanre gbe ro ẹnwa-an. Owenẹ ugboma rẹ avwanre vwọ ghwọrọ kufia dede, yẹ obo udu rẹ avwanre hẹ ọkpokpọ kẹdẹ kẹdẹ.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Galesha 3:27

Kidie ovwan ejobi re reyọ ame vwẹ evun ri Kristi ku Kristi phihọ oma nure.

Galesha 6:15

Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Ẹfesọs 2:15

Ọ da vwẹ ugboma rọye vwọ guọghọ irhi re jiri kugbe iji, rere asan rẹ ihwo ivẹ epha jovwo na ro vwo ruo phihọ ohwo ọkpokpọ ọvuọvo vwẹ evun rẹ oma rọye, kọye ufuoma sa vwọ dia,

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Kolose 3:14

Ọ rọ marho ejobi, ovwan gbe ku ẹguọnọ phihọ, kọye ufi ro churu ihwo kugbe.

Filimọn 1:6

rere uruemu esiri rẹ esegbuyota wẹn na vwọ phia kẹ ihwo ejobi mrẹ kugbe erianriẹn ri kemu kemu esiri ejobi ru wo vwori vwẹ oma ri Kristi.

Hibru 6:6

Rẹ ayen da rhoma rhi she; fikiridie kẹ ayen rhe rhoma kanre Ọmọ rẹ Ọghẹnẹ na mu agbagba san kẹ oma rẹ ayen, ayen da phọphọ vwẹ azagba.

1 Jọn 2:3

Kọna o vwo mu avwanre ẹro nẹ avwanre riẹnrẹ, ọ da dianẹ avwanre yọnrọn urhi rọye.

1 Jọn 2:5

ẹkẹvuọvo kohwo kohwo rọ reyọ ota rọye, uyota yẹ ẹguọnọ rẹ Ọghẹnẹ ghare vwẹ evun rọye. Kẹ etiyin o vwo mu avwanre ẹro nẹ avwanre hẹ evun rọye.

Ẹvwọphia 21:5

Ọ ro tidia vwẹ enu rẹ ekete na da ta, Nighe, mi ru emu na ejobi ọkpokpọ. Ọ da je ta rhe, Si ọnana, kidie eta nana omamọ ota.