Kolose 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ovwan jomaotọ rere ihwo vwo je ovwan ẹphiẹn fiki rẹ erianriẹn vẹ uyono rẹ efian rayen, kugbe uruemu rẹ awanre rẹ ayen yọnra vẹ ebaghẹrẹ rẹ akpọ nana, ri shephihọ urhi ri Kristi-i.

Kolose 2:8 ပူးပေါင်းရင်းမြစ်များ

Solomon 2:15

Mu irhiranko kẹ avwanre, emọ rẹ urhiranko, re rhaphiẹ ogba ri vain, kidie ogba ri vain rẹ avwanre kpa ipho re.

Jerimaya 29:8

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare. We jẹ emraro vẹ eboepha re hẹ uherevie rẹ ovwan na phiẹ ovwa-an, wa kerhọn rẹ evwerhẹ re ayen vwerhe na-a,

Matiu 10:17

Ẹkẹvuọvo ovwan jomaotọ; kidie e che mu ovwan kpo ẹguare, vwẹ evun ri Sinagọg, kẹ ayen che ru ovwan oja.

Matiu 16:6

Jesu da ta kẹ ayen nẹ, Ovwan jomaotọ vwẹ oma rẹ emu ri Farisi kugbe Sadiusi.

Matiu 7:15

Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo.

Iruo rẹ Iyinkọn na 17:18

Evo vwẹ otu rẹ Epikuirian kugbe otu ri Stọik egbaghwanre da vwa. Evo da ta, Die ọbrẹbrẹ na tobọ ta? Efa herọ tanẹ, Ọ họhọ ohwo ro ghwoghwo ẹdjọ rẹ isiorho fikiridie o ghwoghwo Jesu kugbe ohwo ro vrẹnushi.

Iruo rẹ Iyinkọn na 17:32

Asakiephana rẹ ayen vwo nyo kpahe evrẹnushi rẹ irivwi, evo ke vwọ jehwe; ẹkẹvuọvo efa da ta, Avwanre cha rhoma nyo mie we kpahe emu nana.

Ọbe ri Pọl si rhe Ihwo ri Rom 16:17

Me rẹ ovwan, imoni mẹ, re wa kenoma kẹ ihwo re vwẹ ohra kugbe ẹghwọ cha vwẹ uherevie rẹ ovwan, re vwẹ aphro ghwọrọ obo re yono ovwan kuẹfia; we tephe kẹ ayen.

1 Kọrẹnt 10:12

Fiki rẹ ọtiọye na e jẹn ohwo kohwo ro rori nẹ ọye mudia kẹnoma re o vwo je she.

1 Kọrẹnt 8:9

Wa kẹnoma rere uphẹ rẹ ovwan na da rhe dia uchukurhe umwemwu kẹ otu re lọhọre.

2 Kọrẹnt 10:5

Avwanre guọghọ aphro kugbe eyan ri hirhe phihọ ukọn kẹ erianriẹn rẹ Ọghẹnẹ, rọ da vwẹ iroro kiroro vwo ru ọviẹn re e vwo jẹ ọghọ emuọ kẹ Kristi,

Galesha 1:14

Me riẹn egagọ ri Ju na gangan nọ edje mẹ na ejobi re hẹ ohri rẹ ihwo mẹ, oruru rẹ uruemu re esẹ ride de mu vwe gangan.

Galesha 4:3

Ọtiọye ọ vẹ avwanre je epha; ọke rẹ avwanre vwọ hẹ imitete, avwanre kẹ eviẹn rẹ erhi rẹ ebaghẹrẹ rẹ akpọ na.

Galesha 4:9

ẹkẹvuọvo vwẹ asakiephana rẹ ovwan rhe vwọ riẹn Ọghẹnẹ nure na, rẹ Ọghẹnẹ je vwọ riẹn ovwan nure na, komavọ ovwan rhe vwo rhivwi bru erharhe vẹ ebaghẹrẹ rẹ erhi rẹ akpọ na re wa rhe rhoma dia eviẹn rẹ ayen?

Galesha 5:15

Ẹkẹvuọvo ọ da dianẹ ovwan ke rhọvwa, ke ria omoma rẹ ovwan ovwan gba riẹn nẹ ovwan cha ghwọrọ omoma rẹ ovwan.

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Ẹfesọs 4:20

Ọ dia ọtiọye ovwan yono mie Kristi-i!

Ẹfesọs 5:6

We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

Urhi Rivẹ 6:12

ọke yena wọ Me jomaotọ Ọrovwohwo da rha chọrọ owẹ ẹro, Ọ ro si we nẹ otọ rẹ Ijipt rhe na, nẹ uwevwi rẹ ọviẹn.

Filipae 3:2

Wa kẹnoma kẹ eranko na, wa kẹnoma kẹ ivwuvumwemwu na, wa kẹnoma kẹ otu re tua ibrebru rẹ Ọghẹnẹ phihọ oma na.

Kolose 2:18

We jẹ ohwo ọvuọvo brorhiẹ hwe ovwan vwẹ ota rẹ omaevwokpoto ofefe-e, kugbe emakashe ra ga-a, rere wa davwerhon rẹ ihwo ifefe ri mu oma kpenu-u,

Kolose 2:20

Ọ da dianẹ ovwan vi Jesu ghine ghwu nẹ erharhe eravwọ rẹ akpọ nana, die rha suọ, rẹ ovwan rhe vwo mu ọghọ kẹ irhi ifefe, kerẹsiẹ rẹ ovwan da rhoma hẹ akpọ na.

Kolose 2:22

E de ru eravwọ etienana nu e ji ghwẹ kerẹ irhi vẹ iji rẹ ihwo rẹ akpọ

Kolose 2:23

Irhi nana, e di ni ayen vwẹ obo uphẹphẹ vẹ aghwanre, ra da vwẹ oma kpotọ kẹ ayen; oja nana ejobi ra vwo ria oma na, fi erere ọvuọvo-o.

1 Timoti 6:20

E Timoti, sẹro rẹ obo ra vwọ kẹ wẹ yọnre na. Sioma nẹ eta efafanrhiẹ vẹ aphrọ otu re mariẹn na,

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

1 Pita 1:18

Ovwan riẹnre nẹ a tan ovwan nẹ idjerhe ofefe rẹ ovwan reuku rọye mie esẹ rẹ ovwan na, ọ dia obo re ghwọrọ kerẹ idọnọ efuanfon eyẹ oro-o,

2 Pita 3:17

Fiki rẹ ọtiọye na, imoni, rẹ ovwan vwọ riẹn ọnana nure na, gba kẹnoma rere oruchọ rẹ ihwo ri jẹ urhi ẹriẹn na vwo jẹ ovwan esio ghwro, rẹ obo rẹ ovwan mudia phihọ na vwo je ghwro kuẹfia.

2 Jon 1:8

We ni oma rẹ ovwan so, rere obo rẹ ovwan wian phihọ na vwo je ghwro, ẹkẹvuọvo rere ovwan vwo se vwo osa na gba.