Kolose 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kirobo rẹ ovwan reyọ Jesu Kristi Ọrovwohwo na ovwan yan nene ọtiọye.

Kolose 2:6 ပူးပေါင်းရင်းမြစ်များ

Aizaya 2:5

E uwevwi ri Jekọp, yanrhe, je avwanre yan vwẹ urhukpẹ rẹ Ọrovwohwo.

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Matiu 10:40

Ohwo rọ reyọ ovwan yọ reyọ ovwẹ, ọ rọ rha reyọ ovwẹ-ẹ, yọ reyọ ọ ro ji vwe rhe na-a.

Iyẹnrẹ Esiri ri Jọn 13:20

Uyota, uyota, me ta kẹ ovwan, ohwo kohwo rọ reyọ ọvo ri mi ji rhe na yọ reyọ ovwẹ; ọ rọ reyọ ovwẹ reyọ ọ ro ji vwe rhe.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

2 Kọrẹnt 5:7

Kidie esegbuyota avwanre vwọ yan, ọ dia orẹmrẹ-ẹ.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

Filipae 1:27

Ọvo na gbe jẹn eyere rẹ ovwan fo kẹ iyẹnrẹ esiri ri Kristi na, kọye owenẹ me rhere rhe mrẹ ovwan eyẹ mi vwo jẹ cha, jẹ uvwe nyo nẹ ovwan mudia gan vwẹ erhi ọvo, vẹ udu ọvo vwọ pharha kuẹgbe vwẹ esegbuyota rẹ iyẹnrẹ esiri na.

Kolose 1:10

Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

1 Tẹsalonaika 4:1

Ọ ra ka oba, imoni avwanre rẹ ovwan bru ovwan uche vwẹ evun rẹ Ọrovwohwo Jesu, nẹ kirobo rẹ ovwan yono miẹ avwanre vwọ kpahe obo rẹ ovwan yeri re we vwo se ru obo ri je Ọghẹnẹ, kirobo rẹ ovwan ruẹ na, we gbe ru ọtiọye phihọ.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

1 Jọn 2:6

ohwo rọ tare nẹ ọye hẹ evun rọye kọ yan kirobo rẹ ekpuyovwi rọye yanre.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ọbe ri Jud 1:3

Imoni re ghare, rẹ urhuru vwo si vwe vwo siẹ ọbe nana rhe ovwan kpahe esivwo rẹ avwanre ọvuọvo na, emu ọvo da gba phihọ ovwẹ udu ni mi si rhe ovwan vwo bru ovwan uche, rere ovwan vwọ họnre chochọ rẹ esegbuyota ra vwọ kẹ ihwo efuanfon na.