Kolose 2:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọ da dianẹ ovwan vi Jesu ghine ghwu nẹ erharhe eravwọ rẹ akpọ nana, die rha suọ, rẹ ovwan rhe vwo mu ọghọ kẹ irhi ifefe, kerẹsiẹ rẹ ovwan da rhoma hẹ akpọ na.

Kolose 2:20 ပူးပေါင်းရင်းမြစ်များ

Iyẹnrẹ Esiri ri Jọn 15:19

Ọ da dianẹ ovwan kẹ e rẹ akpọ na, akpọ na ka guọnọ erobọ rọye; ẹkẹvuọvo fikiridie ovwan rha dia e rẹ akpọ na-a na, ẹkẹvuọvo me jẹ ovwan nẹ evun rẹ akpọ na, kọye akpọ na vwo tuoma rẹ ovwan na.

2 Kọrẹnt 10:3

Kidie dede nẹ avwanre dia evun rẹ akpọ na yo dia ofovwi rẹ akpọ na avwanre phiẹ-ẹ.

Galesha 4:3

Ọtiọye ọ vẹ avwanre je epha; ọke rẹ avwanre vwọ hẹ imitete, avwanre kẹ eviẹn rẹ erhi rẹ ebaghẹrẹ rẹ akpọ na.

Galesha 6:14

Ẹkẹvuọvo me guọnọ ejiro kaka-a jokpa nẹ vwẹ evun rẹ agbagba rẹ Ọrovwavwanre Jesu Kristi na, rọ nẹrhẹ a kanre akpọ na mu agbagba kẹ vwẹ na, a da rha kanre ovwẹ mu agbagba kẹ akpọ na.

Ẹfesọs 2:15

Ọ da vwẹ ugboma rọye vwọ guọghọ irhi re jiri kugbe iji, rere asan rẹ ihwo ivẹ epha jovwo na ro vwo ruo phihọ ohwo ọkpokpọ ọvuọvo vwẹ evun rẹ oma rọye, kọye ufuoma sa vwọ dia,

Kolose 2:14

Ro vwo phoro irhi re si kpahe ovwan uyovwi re vẹ oma rẹ avwanre shephihọ-ọ na, o de si ayen nẹ idjerhe rẹ avwanre, ọ da ra kanre ayen mu agbagba.

Kolose 2:16

We gbi jẹ ohwo vwẹ uvwo rẹ eranvwe wariẹ ovwa-an, eyẹ udi-i eyẹ fiki rẹ edorẹ rẹ otuphro rẹ meranvwe eyẹ ẹdẹ rẹ urovwoma-a.

Kolose 2:21

Wọ yọnra-an, wo davwa-an, wọ vwẹ obọ te-e.

Kolose 2:8

Ovwan jomaotọ rere ihwo vwo je ovwan ẹphiẹn fiki rẹ erianriẹn vẹ uyono rẹ efian rayen, kugbe uruemu rẹ awanre rẹ ayen yọnra vẹ ebaghẹrẹ rẹ akpọ nana, ri shephihọ urhi ri Kristi-i.

Kolose 3:3

Kidie ovwan ghwuru arhọ rẹ ovwan da hẹ obọ ri Kristi vwẹ evun rẹ Ọghẹnẹ.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.

1 Jọn 5:19

Avwanre riẹnre nẹ avwanre kẹ ihwo rẹ Ọghẹnẹ, yẹ akpọ na ejobi hẹ obọ rẹ ogangan rẹ ohwo umwemwu na.