Kolose 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

Kolose 2:2 ပူးပေါင်းရင်းမြစ်များ

1 Ivie 3:28

Izrẹl ejobi de nyo orhiẹn rẹ ovie bruru na; udidi rẹ ovie de mu ayen, fikiridie ayen mrẹ vughe nẹ aghwanre rẹ Ọghẹnẹ rhere, rere o vwo bru orhiẹn rẹ ọsoso.

Une rẹ Ejiro 133:1

Nighe, mavọ oyovwi te rọ vwerhe te re iniọvo da dia kugbe vwẹ okugbe!

Aizaya 32:17

Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

Aizaya 40:1

Bruche, bru ihwo mẹ uche, eriyin Ọghẹnẹ wẹn tare.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Iyẹnrẹ Esiri ri Luk 1:1

Kirobo rẹ ihwo buebu vwo si eta na phihọ otọ rẹ obo re phiare kugbe emu ri ruru vwẹ uherevie rẹ avwanre,

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Iyẹnrẹ Esiri ri Jọn 10:38

ẹkẹvuọvo mi de ru ayen, dede na nẹ we se vwe gbuyota-a, gbe se iruo na gbuyota, rere ovwan riẹn re ọ ro ovwan nẹ Ọsẹ hẹ evun mẹ nẹ mi he evun rẹ Ọsẹ na.

Iyẹnrẹ Esiri ri Jọn 16:15

Obo rẹ Ọsẹ na vwori ejobi emẹ; fiki rẹ ọtiọye me vwọ ta nẹ ọ reyọ obo ri mi vwori ọ me vwọ phia kẹ ovwan.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iyẹnrẹ Esiri ri Jọn 5:17

Ẹkẹvuọvo Jesu da kpahe kẹ ayen, Ọsẹ mẹ ji ru iruo te ọke na, kọye mi ji vwo ruẹ.

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

Iyẹnrẹ Esiri ri Jọn 6:69

avwanre ji segbuyota, avwanre je rhe riẹn nẹ, wẹ hẹ Ọfuanfon Ọvuọvo rẹ Ọghẹnẹ.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Ọbe ri Pọl si rhe Ihwo ri Rom 16:25

Asakiephana vwọ kẹ ohwo ro se ru ovwan gan kirobo re iyenrẹ esiri mẹ epha kugbe eghwoghwo ri Jesu Kristi, kirobo rẹ ẹvwọphia rẹ igbunu rọye teri re sinu rhabae rhe

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

1 Kọrẹnt 14:31

Kidie ovwan ohwo ọvuọvo sa mraro, ọtiọye na ovwan ejobi ki se yono rere a ta udu phihọ ayen ejobi awo;

1 Kọrẹnt 2:12

Asakiephana ọ dia erhi rẹ akpọ na avwanre vwori-i, ẹkẹvuọvo Erhi na ro nẹ obọ rẹ Ọghẹnẹ rhe na, rere avwanre se vwo ẹruọ rẹ ẹse na rẹ Ọghẹnẹ ru kẹ avwanre na.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

Ẹfesọs 3:16

Kirobo rẹ efe rẹ urinrin rọye epha kọ sa vwẹ ẹgba rọye kẹ ovwan ogangan vwẹ oma rẹ Erhi rọye rọ hẹ udu rẹ ovwan,

Ẹfesọs 3:3

obo ra vwe rọ phia kẹ vwẹ rere me vwọ riẹn igbunu na, kirobo ri mi siro krẹn na.

Ẹfesọs 6:22

Mi jiro bru ovwan rhe fiki rẹ emu nana ọvo, rere wa vwọ riẹn obo rẹ avwanre epha rere ọ rha je sasa ovwan oma.

Filipae 2:1

Vwẹ ọtiọye na ọ da dianẹ uchebro herọ vwẹ evun ri Kristi, oruru rẹ ẹguọnọ da herọ, we de vwo obọ vwẹ evun rẹ Erhi na, ọhoho kugbe uvwerhe,

Filipae 3:8

Mrẹmrẹ mi kere ayen kirobo ri ghwruru fiki rẹ obo rọ rhonọ emu re me vwọ riẹn Kristi Jesu nẹ ọye hẹ Ọrovwovwe. Fiki rọye mi vwo ku emu na ejobi kufia, mi de ni ayen kerẹ isọn, rere mi se vwo Kristi

Kolose 1:26

Uyota nana kọye hẹ, igbunu re sinu rhahae na; ẹkẹvuọvo asakiephana ka rhe vwọ phia kẹ ihwo efuanfon rọye.

Kolose 1:27

Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

Kolose 1:9

Vwẹ ọtiọye na, rhanwẹ ọke rẹ avwanre vwo nyo ikun nana unu rẹ avwanre rha ka vẹ ẹrhovwo ra nẹ kẹ ovwa-an, rere evun rẹ ovwan sa vwọ vọn vẹ erianriẹn rọye, vẹ iroro rẹ erhi na kugbe rere ovwan vwo vwo ẹruọ rẹ ota rọye.

Kolose 2:19

ri gbobonyẹ uyovwi na rẹ ayen yọnre gan, ohwo rọ tan oma na ejobi kugbe, rọ ghẹrẹ oma kugbe erhọn na ejobi, e me rho ọrho ro nẹ obọ rẹ Ọghẹnẹ rhe.

Kolose 3:14

Ọ rọ marho ejobi, ovwan gbe ku ẹguọnọ phihọ, kọye ufi ro churu ihwo kugbe.

Kolose 4:3

Ovwan je nẹ ẹrhovwo kẹ avwanre rhe, rere Ọghẹnẹ vwo rhie ẹchẹ rẹ ota rọye phihọ kẹ avwanre, rere avwanre vwo gbe ikun rẹ igbunu ri Kristi na, ra vwi fiki rọye mu vwe kanre na.

Kolose 4:8

Fiki rẹ ọtiọna, mi vwo jo bru ovwan rhe, rere o de gbe ikun na kẹ ovwan nu, udu rẹ ovwan mrasan te otọ.

1 Tẹsalonaika 1:5

Kidie iyẹnre esiri rẹ avwanre bru ovwan rhe vwẹ ọ rẹ ota ọvo-o, ẹkẹvuọvo vwẹ evun rẹ ogangan kugbe evun rẹ Erhi Ọfuanfon rọ nabọ dje ota na rọ vwọ ro ovwan. Ovwan je riẹn oghẹre rẹ ihwo rẹ avwanre phi oma rẹ avwanre phihọ fiki rẹ ovwan.

1 Tẹsalonaika 3:2

avwanre ki ji Timoti, oniọvo rẹ avwanre kugbe odibo rẹ Ọghẹnẹ vwẹ iyẹnre esiri ri Kristi, nẹ o rhi ru esegbuyota rẹ ovwan gan ro rhe bru ovwan uche.

1 Tẹsalonaika 5:14

Imoni, avwanre bru ovwan uche, we bru ihwo ri gbe ufeti uche, yono otu rẹ oma rhọ, cha otu rẹ evwiẹre uko, chirako rẹ ayen ejobi.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Hibru 10:22

e gbe jẹ avwanre vwẹ udu esiri rọ vọnre vẹ esegbuyota vwo si kẹrẹ, re avwanre si emu ọbrabra nẹ iroro rẹ avwanre ra vwẹ omamọ rẹ ame họ ugboma rẹ avwanre.

Hibru 6:11

Avwanre ji phiẹrohọ nẹ ovwan ji phi obọ phihọ uruemu esiri na vẹ ẹroẹvwọsuọ rhiri rhi te oba.

2 Pita 1:10

Fiki rẹ ọtiọye na, imoni, gbe jẹ oruru rẹ use vẹ ẹjẹreyọ na gan vwẹ oma rẹ ovwan, kidie ovwan de ru ọnana ovwan gbi she bẹdẹ-ẹ.

2 Pita 1:3

Ogangan rọye kẹ avwanre emu ejobi ro fori kẹ arhọ vẹ ẹfuọn, vwẹ oma rẹ erianriẹn rẹ ohwo ro se avwanre rhe urinrin rọye kugbe erhuvwu rọye.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

1 Jọn 3:19

Vwẹ oma rẹ ọnana kọye avwanre vwọ riẹn otu rẹ uyota na, kọye avwanre vwo se mudia vwẹ obaro rọye,

1 Jọn 5:7

Erhi na ri se oseri, fikiridie Erhi na hẹ uyota na.