Kolose 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ We gbi jẹ ohwo vwẹ uvwo rẹ eranvwe wariẹ ovwa-an, eyẹ udi-i eyẹ fiki rẹ edorẹ rẹ otuphro rẹ meranvwe eyẹ ẹdẹ rẹ urovwoma-a.

Kolose 2:16 ပူးပေါင်းရင်းမြစ်များ

Ivie rẹ Ivẹ 4:23

Ọshare rọye da ta, Die nẹrhẹ wọ ra nonẹ? Nonẹ dia otuphro rẹ emeranvwe eyẹ edidjala-a. Aye na da ta, Ọ che shehọ.

1 Ikun rẹ Ivie 23:31

Kọke kọke ra da torhẹ izobo vwọ kẹ Ọrovwohwo vwẹ ẹdidjala, otuphro rẹ emeranvwe ẹdorẹ, kerẹ ọtiobo ra guọnọre vwẹ obọ rayen kẹdẹ kẹdẹ vwẹ obaro rẹ Ọrovwohwo.

2 Ikun rẹ Ivie 31:3

Ovie na ọvo kọye re jẹ arhọghọ ra vwọ ze izobo rẹ ẹtorhẹ na; izobo rẹ ẹtorhẹ re irhiọke te ovwọnvwọn, kugbe izobo rẹ ẹtorhẹ rẹ ẹdidjala, ọtuphro rẹ emeranvwe, kugbe ẹdẹ rẹ orẹ re bruru, kirobo re siro phihọ ọbe rẹ urhi rẹ Ọrovwohwo ua.

Nehemaya 10:31

ọ da dianẹ ihwo rẹ otọ na ghwa ekuakua rhe she eyẹ ọka vwẹ ẹdidjala, avwanre de mie ayen vwẹ ẹdidjala na-a eyẹ vwẹ ẹdẹ ọfuanfo-on; avwanre kọrọ emamọ re ikpe righwrẹ-ẹ kugbe evwio rẹ osa kosa-a.

Nehemaya 10:33

vwọ kẹ ikara ra vwọ nẹ, izobo rẹ ọka re kọke kọke, izobo re ẹtorhẹ kọke kọke, ẹdidjala, ọtuphro re emeranvwe, ẹdorẹ re bruru, emu efuanfon, izobo re umwemwu ra vwọ rhuẹrẹ, arhuẹrẹ fiki re Izrẹl, kugbe iruo re uwevwi rẹ Ọghẹnẹ rẹ avwanre.

Nehemaya 8:9

Te Nehemaya, re osun na, kugbe Ẹzra re orherẹn kugbe osiẹbe na, kugbe Livae ri yono ihwo na da ta ke ihwo na ejobi nẹ, Nonẹ na ẹdẹ ọfuanfon kẹ Ọrovwohwo Ọghẹnẹ wẹn, we muomaho-ọ eyẹ wa viẹ-ẹ. Kidie ihwo na ejobi viẹre rẹ ayen vwo nyo eta rẹ urhi na.

Une rẹ Ejiro 42:4

Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

Une rẹ Ejiro 81:3

Hworo owanre vwẹ ọtuphro rẹ emeranvwe, vwẹ ọke rẹ emeranvwe da vẹgbe, vwẹ ẹdorẹ rẹ avwanre.

Aizaya 1:13

Wo gbi ze izobo gheghe na ọfa-a ugboduma ẹgua kẹ vwẹ. Ọtuphro rẹ emeranvwe kugbe ẹdidjala kugbe ọghwẹgbe re se. Mi se chiri orukuruku vẹ ọghwẹgbe ofuefu na-a.

Izikiẹl 4:14

Etiyin me da ta, E Ọrovwohwo Ọghẹnẹ! nighe, mi ji gbe oma me ẹgua dẹvo-o; nẹ imitete me rhe rhi te nonẹ na. Me je re obo ro mughwu-u eyẹ obo rẹ eranvwe hweri-i, eyẹ eranvwe rharhaphiẹ ji te unu mẹ-ẹ.

Izikiẹl 45:17

Ke rha iruo rẹ osun na ro vwo ze izobo rẹ ẹtorhẹ na, izobo rẹ ọka, kugbe izobo rẹ udi, vwẹ ọke orẹ na, vwẹ asan ọtuphro rẹ emeranvwe, vẹ ẹdidjala, vwẹ ẹdorẹ rẹ bruru ejobi vwẹ uwevwi rẹ Izrẹl na: ọye ri ji vwọ oho re vwo ze izobo rẹ umwemu, izobo rẹ ọka, izobo rẹ ẹtorhẹ kugbe izobo rẹ ufuoma, rere a vwọ rhuẹrẹ arhuẹrẹ kẹ uwevwi rẹ Izrẹl.

Livitikọs 16:31

Kẹ ovwan vwo ru ẹdidjala ẹdẹ rẹ omaerovwo ra vwẹ ọghọ kẹ, wa vwẹ oja re oma re ovwan; Ọnana iji ri bẹdẹ na.

Emọs 8:5

tanẹ, ọkevọ ọtuphro rẹ emeranvwe ọkpokpọ na vwo re, rere ma ra shẹ ọka? Kugbe ẹdidjala na, rere avwanre ra ghwẹ ọka ra shẹ, rere me ru iputusẹ havwe rere shekẹl rho, rere ma ghwa ayen re vwẹ evwanvwọn,

Ukeri 10:10

Vwẹ ẹdẹ rẹ omavwerhe wẹn kugbe ẹdẹ rẹ orẹ wẹn re bruphihọ; kugbe ẹsosuọ rẹ emeranvwe, we mi hworo owanre vwẹ enu rẹ izobo rẹ ẹtorhẹ wẹn kugbe vwẹ enu rẹ izobo rẹ ufuoma wẹn; ena ke cha dia ekarophihọ vwẹ obaro rẹ Ọghẹnẹ wẹn: mẹvwẹ Ọrovwohwo rẹ Ọghẹnẹ wẹn.

Matiu 15:11

Ọ dia obo rọ wan unu ro evun rẹ ohwo ọye ri miovwo-o, ẹkẹvuọvo ọ ro nẹ evun rẹ ohwo rhe ọye ri miovwo.

Iyẹnrẹ Esiri ri Mak 7:19

fikiridie ọ ro evun rẹ udu rọye-e ẹkẹvuọvo evun ọvo, o mi re tue fia? Ọna rọ tare na, o vwi ro ru emu na ejobi fon.

Iruo rẹ Iyinkọn na 15:20

ẹkẹvuọvo e si rhe ayen nẹ ayen gbe sioma nẹ ẹguegbe rẹ ẹdjọ, ọfanrhiẹ kugbe obo ri churu ughwu kugbe ọbara.

Ọbe ri Pọl si rhe Ihwo ri Rom 14:10

Ẹkẹvuọvo wẹ, die nẹrhẹ owẹ guẹdjọ rẹ oniọvo wẹn? Eyẹ owẹ, die wọ vwọ jẹ oniọvo wẹn fia? Kidie avwanre ejobi che mudia vwẹ obaro rẹ ekete rẹ ẹdjeguo rẹ Ọghẹnẹ;

Galesha 4:10

Ovwan bẹrẹ ẹfa rẹ ẹdẹ, kugbe emeranvwe, kugbe evwru kugbe ukpe!

Kolose 2:20

Ọ da dianẹ ovwan vi Jesu ghine ghwu nẹ erharhe eravwọ rẹ akpọ nana, die rha suọ, rẹ ovwan rhe vwo mu ọghọ kẹ irhi ifefe, kerẹsiẹ rẹ ovwan da rhoma hẹ akpọ na.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

Hibru 9:10

ẹkẹvuọvo kẹ irueru rẹ emuọre kugbe udi kugbe okoka rẹ ẹhọ ọvo, irhi re jiri fiki rẹ ugboma na bẹsiẹ ro vwo te ọke ra vwọ rhuẹrẹ phihọ.

Jems 4:11

Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

1 Samuẹl 20:18

Jonatan da ta kẹ, Odẹ rọ cha ọye ọtuphro rẹ emeranvwe na; a cha nọ ekpẹn wẹ fikiridie asan wo tidia che phẹfia.

1 Samuẹl 20:5

Devid da ta kẹ Jonatan, Nighe, odẹ rọ cha na ọye ọtuphro rẹ emeranvwe, me vẹ ọsẹ wẹn ovie ki tidia udemu emuọvo sa da vwẹ ji-i; ẹkẹvuọvo ju vwe yanran, re sioma mẹ nu vwẹ obo aghwa re te ovwọnvwọn rẹ ẹdẹ rerha.