Kolose 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ovwan, ri rhe ghwu fiki rẹ imwemwu kugbe ijẹyanvwọ rẹ ugboma rẹ ovwan jovwo na, Ọghẹnẹ kọ je vwẹ ovwan boma vrẹn fikiridie ọ vwo ghovwo ovwan nure.

Kolose 2:13 ပူးပေါင်းရင်းမြစ်များ

Une rẹ Ejiro 119:50

Ọnana uchebro mẹ vwe evun rẹ ọdjarhe mẹ nẹ ive wẹn kẹ vwẹ arhọ.

Une rẹ Ejiro 32:1

Ebruba kẹ ohwo ra vwẹ ogbeku rọye rhovwo, re rhurhu imwemwu rọye kẹ.

Une rẹ Ejiro 71:20

Wọwẹ ri ru vwe vwọ mrẹ ikpokpogho edjadja buebu wẹ re rhoma rhọvwọ ovwẹ; ne obo okokodo rẹ akpọ na rhe oboyi wọ da reyọ ovwẹ rhivwi rhe.

Aizaya 1:18

Mọ vwo ọke na re avwanre jẹn iroro kugbe; ọtiọye Ọrovwohwo tare ọ da dianẹ imwemwu wẹn họhọ isene, e cha họhọ ẹton rẹ ogegede owenẹ evwanre kerẹ ododo e cha họhọ ukpọyibo.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Iyẹnrẹ Esiri ri Luk 15:24

Kidie ọmọ me nana ghwuru jovwo, ọ rhoma varhe; o ghwruru jovwo, a rhoma mrẹ. Kẹ ayen ghọghọ.

Iyẹnrẹ Esiri ri Luk 15:32

O fori re vwo omavwerhe ra ghọghọ, kidie oniọvo wẹn nana ghwuru jovwo, ọ rhoma varhe, o ghwruru jovwo, a rhoma mrẹ,

Iyẹnrẹ Esiri ri Luk 9:60

Ẹkẹvuọvo ọ da ta kẹ, Yan jẹ ihwo ri vwo orivwi vwo rere ayen re shi orivwi rayen; ẹkẹvuọvo vwọ kẹ wẹ, yanrau re ghwoghwo uvie rẹ Ọghẹnẹ na.

Iyẹnrẹ Esiri ri Jọn 5:21

Kidie kirobo rẹ Ọsẹ na kpare irivwi vrẹn na ọ da vwẹ arhọ kẹ ayen na, ọtiọye rhe Ọmọ na je vwẹ arhọ kẹ ayen otu ri jere.

Iyẹnrẹ Esiri ri Jọn 6:63

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Ọbe ri Pọl si rhe Ihwo ri Rom 4:17

kirobo re siro, Me vwẹ owẹ ru ọsẹ rẹ ẹghorho buebu–vwẹ obaro rẹ Ọghẹnẹ ru wo segbuyota, rọ vwẹ arhọ kẹ orivwi ro ma emu ra mama jovwo-o phihọ akpọ na.

Ọbe ri Pọl si rhe Ihwo ri Rom 6:13

Ovwan rha vwẹ oma rẹ ovwan ru iruo rẹ umwemwu-u, ẹkẹvuọvo ovwan ru oma rẹ ovwan fuanfon kẹ Ọghẹnẹ kerẹ ihwo ri vrẹn nẹ ughwu kpo arhọ nure, re ovwan rha vwẹ ekuakua rẹ oma rẹ ovwan ru iruo rẹ ọvwata kẹ Ọghẹnẹ.

Ọbe ri Pọl si rhe Ihwo ri Rom 8:11

Ọ dianẹ Erhi rẹ ohwo rọ kpare Kristi vrẹn nẹ ughwu na da hẹ evun rẹ ovwan, ohwo rọ kpare Kristi vrẹn nẹ ughwu na kọ je vwẹ arhọ kẹ ugboma rẹ ovwan ro ghwẹ na fiki rẹ Erhi rọye rọ hẹ evun rẹ ovwan.

1 Kọrẹnt 15:36

Wẹ ẹkpa na! Obo ru wọ kọnre na sa djẹ rhe-e jokpa nẹ o ghwuru tavwe.

1 Kọrẹnt 15:45

Kenẹ e siro, Ohwo rẹsosuọ Adam da rhe dia ohwo ọkpokpọ; Adam rọ ka uko da rha dia ohwo rọ kẹ erhi rọ kẹ arhọ.

2 Kọrẹnt 3:6

Ohwo ro ru avwanre fo vwọ dia ogbodibo rẹ ọphọ ọkpokpọ na, ọ dianẹ vwẹ ọbe re siri-i ẹkẹvuọvo vwẹ evun rẹ Erhi na, kidie ọbe re siri na hwe ghwẹ, ẹkẹvuọvo Erhi na kẹ arhọ.

2 Kọrẹnt 5:19

Kọye hẹ, Ọghẹnẹ rọ hẹ evun ri Kristi rọ rhuẹrẹ akpọ na kẹ oma rọye, o roro urhiẹchọ rayen kẹ aye-en, o de phi ovuẹ rẹ erhuarhuẹrẹ na phihọ avwanre obọ.

Ẹfesọs 2:1

Ọ da rhọvwọ ovwan, vwẹ ọke rẹ ovwan vwo ghwu fiki rẹ urhi ẹchọ vẹ umwemwu,

Ẹfesọs 2:11

Vwẹ ọtiọye na wa gba karohọ nẹ rhabae ovwan Keferi vwẹ ugboma na, ke se ovwan ijẹyanvwọ fiki rẹ obo re se oyanvwe, ra vwẹ obọ ru.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Kolose 2:12

e di shi ovwan kugbe vwẹ evun rẹ ame-ereyọ, kọye a vwọ rhoma kpare ovwan vrẹn vwẹ esegbuyota, vwẹ oma rẹ Ọghẹnẹ rọ kpaerọ vrẹn nẹ ughwu na.

1 Timoti 5:6

yẹ ọ rọ vọnre vẹ unuavwerhe yo ghwu rhẹrhẹ dede na yọ de yan.

1 Timoti 6:13

Ọbaro rẹ Ọghẹnẹ rọ vwẹ arhọ kẹ emu ejobi na, kugbe ọ ri Kristi Jesu rọ dia obaro ri Pọntiọs Pailet de se iseri rọ da je rhọvwe omamọ rẹ ẹrhọvwọ,

Hibru 6:1

Vwẹ ọtiọye na e gbe jẹ avwanre gbobọnyẹ ebaghẹrẹ rẹ uyono ri Kristi na re e ru kerẹ omiragua, re e kurhẹriẹ nẹ iruo rẹ umwemwu na kpo esegbuyota rẹ Ọghẹnẹ,

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Jems 2:17

Eriyin, esegbuyota re vwo ru iruo-o, yo ghwuru.

Jems 2:20

Ẹkẹvuọvo mi ju wẹ riẹn ẹkpa na, nẹ esegbuyota re vwo ru iruo-o yẹ ẹga oruẹ?

Jems 2:26

Kirobo rẹ ẹnwẹn de nẹ ohwo o mi ghwu na, eriyin esegbuyota ro vwo iruo-o ji ghwu rhe.

1 Jọn 2:12

Emọ mẹ, mi siẹ ọbe nana rhe ovwan, fikiridie a vwẹ imwemwu rẹ ovwan ghovwo ovwan vwi fiki rọye.