Kolose 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Oma rọye ovwan wan yanvwe ọ dia oyanvwe rẹ ugboma ra vwẹ obọ ru-u, rẹ ovwan vwo phi oma rẹ imwemwu rẹ ovwan phihọ oyanvwe ri Kristi;

Kolose 2:11 ပူးပေါင်းရင်းမြစ်များ

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Iyẹnrẹ Esiri ri Mak 14:58

Avwanre nyori rọ tarẹ nẹ, Mẹ cha guọghọ uwevwi rẹ ẹga na ra vwẹ abọ bọn na, ẹdẹ erha ke Me bọn ọfa ra vwẹ obọ bọ-ọn.

Iyẹnrẹ Esiri ri Luk 2:21

Ọke rẹ ẹdẹ ẹrenre vwọ gba nu, rẹ ẹdẹ oyanvwe rọye, e de mu odẹ kẹ Jesu, kirobo rẹ emakashe na sere kẹ tavwe ra ke mrevun rọye.

Iruo rẹ Iyinkọn na 17:24

Ọghẹnẹ rọ mama akpọ na kugbe kemu kemu rọ herọ, rọ vwọ dia Ọrovwohwo ro vwo odjuvwu vẹ akpọ na, ọ sa dia evun rẹ ẹshẹ rẹ ohwo vwẹ obọ ru-u,

Iruo rẹ Iyinkọn na 7:48

Dede na Ọro Mekpenu na dia uwevwi ra vwẹ abọ bọ-ọn; Kirobo rẹ ọmraro na tarẹ,

Ọbe ri Pọl si rhe Ihwo ri Rom 2:29

Ẹkẹvuọvo omamọ rẹ ohwo ri Ju vwenẹ, ọye ohwo rọ diarọ nẹ otọ rẹ evun rhe, rẹ oyanvwe rọye nẹ evun rẹ udu rhe kugbe ọ rẹ erhi ọ dia ọ rẹ unu ofefe-e. Rẹ ejiro rọye dia ọ rẹ ohwo rẹ akpọ-ọ ẹkẹvuọvo obọ rẹ Ọghẹnẹ o nurhe.

Ọbe ri Pọl si rhe Ihwo ri Rom 6:6

Avwanre riẹnre nẹ a kanre oma rẹ avwanre rẹ awanre na mu agbagba vẹ ọye rere oma rẹ umwemwu rẹ avwanre vwọ mrasan ghwọrọ, rere avwanre vwo jẹ ọviẹn rẹ umwemwu ẹdia.

Ọbe ri Pọl si rhe Ihwo ri Rom 7:24

Orharhe rẹ ohwo re me epha! Kono che sivwi uvwe nẹ oma rẹ ughwu nana?

2 Kọrẹnt 5:1

Kidie avwanre riẹnre nẹ ọ da dianẹ a guọghọ utughẹ rẹ akpọ nana rẹ avwanre dia na, yẹ avwanre vwo uwevwi ọvo ro nẹ obọ rẹ Ọghẹnẹ rhe, ọ dia uwevwi ra vwẹ obọ bọ-ọn, ọ re rara vwẹ obo odjuvwu.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Urhi Rivẹ 10:16

Vwẹ ọtiọye na ke yanvwe ohọrọ rẹ awanre rẹ udu wẹn, wọ gbe gan udu ọfa-a.

Urhi Rivẹ 30:6

Ọrovwohwo Ọghẹnẹ rẹ ovwan kọ yanvwe udu rẹ ovwan kugbe udu rẹ emọ rẹ ovwan, rere ovwan vwọ reyọ udu rẹ ovwan ejobi guọnọ Ọrovwohwo rẹ Ọghẹnẹ rẹ ovwan kugbe ẹnwẹn rẹ ovwan ejobi, re ovwan vwọ mrasan rhọ.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

Hibru 9:11

Ẹkẹvuọvọ ọke ri Kristi rẹ orherẹn rode rẹ emu esiri rọ rhere na, rọ wan oma rẹ ọ rọ marho ejobi kugbe omamọ rẹ utughẹ rọ ghare rhe (rẹ a vwẹ obọ ru-u, kọye hẹ, ọ dia ọ rẹ emama nana-a)

Hibru 9:24

Kidie Kristi ro ẹshẹ ra vwẹ obọ ru-u, uhoho rẹ ọ rẹ omamọ na, ẹkẹvuọvo okpoyovwi rẹ odjivwu dẹn, asakiephana kọ phia vwẹ obaro rẹ Ọghẹnẹ rọ rẹ kẹ avwanre.