Kolose 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ota ro bru ovwan rhe na, obo rẹ ota na hrabọ ro akpọ na ejobi te, kirobo rọ je ghwa hrabọ te vwẹ uherevie rẹ ovwan na, nẹ ẹdẹ rẹsosuọ rẹ ovwan vwo nyo ota rẹ uyota rẹ ẹserọphẹ rẹ Ọghẹnẹ na.

Kolose 1:6 ပူးပေါင်းရင်းမြစ်များ

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Une rẹ Ejiro 98:3

Ọ karohọ ẹguọnọ rọye ro jẹ rhẹriẹ vẹ esegbuyota rọye kẹ uwevwi rẹ Izrẹl. Oba rẹ akpọ na ejobi rhe mrẹ obọẹkparọ rẹ Ọghẹnẹ rẹ avwanre.

Matiu 24:14

Ka cha ta ota rẹ iyẹnrẹ esiri na wan akpọ na ejobi, rere ọ vwọ dia iseri kẹ ẹgborho na ejobi; tavwe rẹ oba na ki rhi te.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Iyẹnrẹ Esiri ri Mak 16:15

Ọ da ta kẹ ayen, Ovwan yanran ro akpọ na ejobi, re ghwoghwo iyẹnrẹ esiri na ke ema na ejobi.

Iyẹnrẹ Esiri ri Mak 4:8

Efa de she phihọ otọ rẹ esiri, e da djẹ phia, ẹ da mọ, ẹvo ọgban, ẹvo ujorha, ẹvo ujori.

Iyẹnrẹ Esiri ri Jọn 15:16

Ọ dia ovwan re jẹ vwẹ-ẹ, ẹkẹvuọvo mẹvwẹ re jẹ ovwan me da vwẹ ovwan mu rere ovwan yanran ra mọ ubi rere ubi rẹ ovwan vwọ dia; ọtiọye na emu kemu rẹ ovwan nọ Ọsẹ na vwẹ odẹ mẹ, ọ sa vwọ kẹ ovwan.

Iyẹnrẹ Esiri ri Jọn 17:19

Fiki rayen mi vwo ru oma mẹ fọn, rere ayen vwọ fọn rhe vwẹ uyota na.

Iyẹnrẹ Esiri ri Jọn 4:23

Ẹkẹvuọvo ọke cha, ọ rhe nure, rẹ ọ gegagọ rẹ uyota na da gọ Ọsẹ na vwẹ erhi vẹ uyota, kidie ọtiọye Ọsẹ na guọnọre nẹ a ga ọye.

Iruo rẹ Iyinkọn na 11:18

Ọke rẹ ayen vwo nyo ọnana ayen da fọ. Ayen de jiri Ọghẹnẹ, tanẹ, Kẹ Ọghẹnẹ je kẹ ayen otu ri Keferi ekuorhẹrie rẹ esivwo rẹ arhọ rhe.

Iruo rẹ Iyinkọn na 12:24

Ẹkẹvuọvo ota rẹ Ọghẹnẹ na da rho phihọ ọ da ro asan ejobi.

Iruo rẹ Iyinkọn na 16:14

Aye ọvo re se Lidia de nyo ota rẹ avwanre, ohwo rẹ orere ri Taitira, ifenudu ọ shẹ, ọgọ Ọghẹnẹ o ruẹ. Ọrovwohwo de rhie udu rọye phihọ kẹ eta ri Pọl ta kẹ.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ọbe ri Pọl si rhe Ihwo ri Rom 1:13

Imoni mẹ, mẹ guọnọre nẹ ovwan riẹn nẹ, ọke buebu me vwọ guọnọ bru ovwan rhe jovwo (ẹkẹvuọvo use buebu kọye da vwẹ ji), rere me vwọ mrẹ asan re erere rẹ owian mẹ vwẹ ohri rẹ ovwan kugbe ohri ri Keferi ri chekọ na.

Ọbe ri Pọl si rhe Ihwo ri Rom 15:19

Vwẹ ogangan rẹ eka kugbe igbunu, vwẹ ogangan rẹ Erhi Ọfuanfon na, ọtiọye na nẹ Jerusalẹm re duvwu Irikọm ọye me da nabọ ghwoghwo iyẹnrẹ esiri ri Kristi na.

Ọbe ri Pọl si rhe Ihwo ri Rom 15:28

Ọke re me da yan uwevwi re ji vwe nu, re me da vwẹ arhọghọ na te ayen obọ nure, ki me wan obo rẹ ovwan kpo Spenẹ

Ọbe ri Pọl si rhe Ihwo ri Rom 16:26

ẹkẹvuọvo ra rhe vwọ phia vwẹ asakiephana vwẹ oma rẹ isiesi rẹ emraro na ẹgborho rẹ akpọ na ejobi riẹnre na, kirobo re urhi rẹ Ọghẹnẹ ro jeghwo epha, ro nẹrhẹ e mu ọghọ kẹ esegbuyọta na–

2 Kọrẹnt 10:14

Kidie avwanre rha sa riẹn vrẹn asan rẹ oma rẹ avwanre bare-e, kerẹsiẹ ra da mrẹ nẹ avwanre te ovwa-an, avwanre hẹ ihwo rẹsosuọ re ka vwẹ iyẹnre esiri ri Kristi na bru ovwan rhe.

2 Kọrẹnt 6:1

Rẹ ayen vẹ ọye vwo ru iruo kuẹgbe na, avwanre ke rẹ ovwan nẹ, ovwan rha reyọ ẹserọphẹ rẹ Ọghẹnẹ na ghevweghe-e.

Ẹfesọs 3:2

Mi rori nẹ ovwan nyo usi rẹ ẹserọphẹ rẹ Ọghẹnẹ ra vwọ kẹ vwẹ ni mi vwo gbe odibo kẹ ovwan,

Ẹfesọs 4:21

A reyerọ phihọ nẹ ovwan nyo kpahọ re de yono ovwan vwọ hẹ evun rọye, uyota na kirobo rọ epha vwẹ evun ri Kristi.

Ẹfesọs 4:23

Rere a rhoma rhiọ ovwan vwẹ evun rẹ erhi rọ hẹ udu rẹ ovwan,

Ẹfesọs 5:9

(Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Filipae 4:17

Ọ dianẹ ke me guọnọ ọko-o; ẹkẹvuọvo obo re me guọnọre kẹ iruo esiri rẹ ovwan.

Kolose 1:10

Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

Kolose 1:23

Ọ da dianẹ ovwan yọnrọn esegbuyota rẹ ovwan na gan, rẹ ovwan de mudia kokoroko, rẹ odju rhe dju ovwan she nẹ ota rẹ iyẹnrẹ esiri na rẹ ovwan nyori na re ghwoghwo kẹ akpọ na ejobi re na fiki rẹ oye a vwo reyọ Pọl mu ọyinkọn na.

1 Tẹsalonaika 1:5

Kidie iyẹnre esiri rẹ avwanre bru ovwan rhe vwẹ ọ rẹ ota ọvo-o, ẹkẹvuọvo vwẹ evun rẹ ogangan kugbe evun rẹ Erhi Ọfuanfon rọ nabọ dje ota na rọ vwọ ro ovwan. Ovwan je riẹn oghẹre rẹ ihwo rẹ avwanre phi oma rẹ avwanre phihọ fiki rẹ ovwan.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

2 Tẹsalonaika 2:13

Imoni rẹ Ọrovwohwo guọnọre, obo re gba phihọ avwanre ohọre rere kọke ejobi avwanre a kpẹvwẹ Ọgbẹnẹ kẹ ovwan, rọ vwọ sanọ ovwan reyọ kẹ esivwo, vwẹ oma rẹ orufuọn rẹ Erhi na, kugbe obo rẹ ovwan vwo se uyota na gbuyota.

1 Pita 5:12

Mi si ọbe nana krẹkrẹ vwọ kẹ Silvanọs, oniọvo ro segbuyota kirobo me reyerọ phihọ, nẹ vwo rhe ovwan, mi bru ovwan uche me ta kẹ ovwan nẹ ọnana hẹ ẹserọphẹ rẹ Ọghẹnẹ; mudia gan vwẹ evun rọye.