Kolose 1:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Fiki rẹ ọnana kọye me vwọ wian rhe, me vwọ pharha kẹ iruo na, kirobo rẹ oruru rẹ iruo na gan te vwẹ evun mẹ.

Kolose 1:29 ပူးပေါင်းရင်းမြစ်များ

Iyẹnrẹ Esiri ri Luk 13:24

Pharhe re wọ sa ro anurhoro ọhwahwa na; kidie buebu, me ta kẹ wẹ, re cha guọnọ ro yẹ ayen sa ruọ-ọ.

Ọbe ri Pọl si rhe Ihwo ri Rom 15:20

Kọye ẹnwan re me rua na nẹ mi ghwoghwo iyẹnrẹ esiri na, yọ dianẹ asan re de se odẹ ri Kristi nure-e, me da rha bọn phihọ enu rẹ uchivwo rẹ ohwo ọfa.

Ọbe ri Pọl si rhe Ihwo ri Rom 15:30

Imoni mẹ, me vwẹ odẹ ri Jesu Kristi rẹ ovwan, kugbe ẹguọnọ rẹ Erhi na, rere ovwan ejobi ku unu gbe rẹ Ọghẹnẹ kẹ vwẹ;

1 Kọrẹnt 12:11

Erhi ọvuọvo na ri phiẹ oruru nana phihọ ohwo oma, kọye gharọ kẹ ohwo ọvuọvo kirobo rọ guọnọre.

1 Kọrẹnt 12:6

idjerhe rẹ iruo sansan re herọ, ẹkẹvuọvo Ọghẹnẹ ọvuọvo na ri phiẹ oruru rọye phihọ ohwo ọvuọvo oma.

1 Kọrẹnt 15:10

Ẹkẹvuọvo vwẹ ẹserọphẹ rẹ Ọghẹnẹ me vwọ hẹ obo re me epha na, ẹserọphẹ rọ vwọ kẹ vwẹ na rha dia ọ ri ghevweghe-e. Kidie me wian gan nọ ayen ejobi, dede na ọ dia omẹvwẹ-ẹ, ẹkẹvuọvo ẹserọphẹ rẹ Ọghẹnẹ rọ hẹ evun mẹ.

2 Kọrẹnt 11:23

Ayen idibo ri Kristi? Mi yovwi nọ ayen–me ta ota kerẹ ọrhuẹ–vwẹ owian buebu, vwẹ uwodi buebu, vwẹ ehwe o vwo unu-u, edegbe ughwu vwẹ okẹ buebu.

2 Kọrẹnt 13:3

rẹ ovwan vwọ guọnọ oka nẹ Kristi re ta ota vwẹ evun mẹ na. Ọ dia ọvwiẹrẹ vẹ ovwan gbe ruẹ na-a, ẹkẹvuọvo ogangan rode vwẹ evun rẹ ovwan.

2 Kọrẹnt 5:9

Owenẹ avwanre hẹ uwevwi eyẹ avwanre yan no, iruo rẹ avwanre rere avwanre vwo ru obo ri je.

2 Kọrẹnt 6:5

efafa, uwodi, edo, owian, ẹrhẹrẹ, owẹvwe;

Ẹfesọs 1:19

Obo rẹ ọrho rẹ ogangan rọye vwẹ evun rẹ avwanre otu ri sere gbuyota na epha, kirobo rẹ iruo rẹ ẹgba rode rọye epha.

Ẹfesọs 3:20

Asakiephana vwọ kẹ ohwo ro sa kẹ okẹ ro buru vwẹ ogangan rọye rọ hẹ udu rẹ avwanre vwẹ emu ejobi rẹ avwanre nọre eyẹ rẹ avwanre roro,

Ẹfesọs 3:7

Fiki rẹ iyẹnrẹ esiri na ka vwẹ ovwẹ ma ogbodibo kirobo rẹ okẹ rẹ ẹserọphẹ rẹ Ọghẹnẹ ra vwọ kẹ vwẹ epha vwẹ oma rẹ iruo rẹ ogangan rọye.

Filipae 1:27

Ọvo na gbe jẹn eyere rẹ ovwan fo kẹ iyẹnrẹ esiri ri Kristi na, kọye owenẹ me rhere rhe mrẹ ovwan eyẹ mi vwo jẹ cha, jẹ uvwe nyo nẹ ovwan mudia gan vwẹ erhi ọvo, vẹ udu ọvo vwọ pharha kuẹgbe vwẹ esegbuyota rẹ iyẹnrẹ esiri na.

Filipae 1:30

Ovwan je họnre ohọnre ọvuọvo na rẹ ovwan mrẹre na rẹ ovwan ji nyo asakiephana nẹ me họnra na.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Filipae 2:16

re yọnre ota rẹ arhọ na kokoroko, rere me vwọ yan eyan vwẹ ẹdẹ ri Kristi da rhe nẹ me rha djẹ ugbonẹ mẹ eyẹ wian owian mẹ kufia-a.

Kolose 2:1

Kidie me guọnọre nẹ ovwan riẹn obo re me pharhe kẹ ovwan te, kugbe ihwo ri Laodisha, kugbe ihwo efa buebu re je mrẹ opharo mẹ dẹvo-o,

Kolose 2:12

e di shi ovwan kugbe vwẹ evun rẹ ame-ereyọ, kọye a vwọ rhoma kpare ovwan vrẹn vwẹ esegbuyota, vwẹ oma rẹ Ọghẹnẹ rọ kpaerọ vrẹn nẹ ughwu na.

Kolose 4:12

Epafras, ohwo ọvo vwẹ usun rẹ ovwan na, odibo ri Jesu Kristi nẹ eyere ovwan; kẹdẹ kẹdẹ ọ vwọ nẹ ẹrhovwo kẹ ovwan, rere ovwan se vwo mudia gan vwẹ evun rẹ iruo rẹ Ọghẹnẹ na.

1 Tẹsalonaika 2:9

Imoni, ovwan karohọ owian rẹ avwanre kugbe oma elagha rẹ avwanre; obo rẹ avwanre wian te ason te uvo, rere avwanre vwo jẹ oghwa ẹdia kẹ ovwan, vwẹ ọke rẹ avwanre de ghwoghwo iyẹnrẹ esiri rẹ Ọghẹnẹ na kẹ ovwan.

2 Tẹsalonaika 3:8

Avwanre re emu rẹ ohwo ọvuọvo ọphọphẹ-ẹ, ẹkẹvuọvo vwẹ omaesuo kugbe owian avwanre vwo ru iruo te ason te uvo, rere avwanre vwo jẹ oghwa ẹdia kẹ ovwan.

2 Timoti 2:10

Fiki rẹ ọtiọye na ki mi chiri kemu kemu fiki rẹ ihwo ra sano reyọ na, rere ayen se vwo esivwo rọ herọ vwẹ evun ri Kristi Jesu rọ vẹ urinrin ri bẹdẹ na gba yan usun.

Hibru 12:4

Ohọnre rẹ ovwan vẹ umwemwu họnra na wa je họnrọ te asan rẹ oma rẹ ovwan de hwẹ obara-a.

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

Ẹvwọphia 2:3

Wo de vwo erhiori wo de chirako fiki rẹ odẹ mẹ, oma sa ghwọrọ owẹ-ẹ.