Kolose 1:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

Kolose 1:27 ပူးပေါင်းရင်းမြစ်များ

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Iyẹnrẹ Esiri ri Luk 17:21

eyẹ kẹ ayen cha ta, Nighe, ọna! eyẹ Etiyin i kidie nighe, uvie rẹ Ọghẹnẹ na ọ hẹ ohri rẹ ovwan.

Iyẹnrẹ Esiri ri Jọn 14:17

mrẹmrẹ kọye hẹ Erhi rẹ uyota na, rẹ akpọ na sa reyọ na-a, fikiridie ọ mrẹ rẹ-ẹ eyẹ ọ je riẹ-ẹn; ovwan riẹnrẹ kidie ọ vẹ ovwan gba dia, kọ je dia evun rẹ ovwan.

Iyẹnrẹ Esiri ri Jọn 14:20

Vwẹ ẹdẹ yena kẹ ovwan riẹn nẹ me hẹ evun rẹ Ọsẹ na, yẹ ovwan hẹ evun mẹ, ye me hẹ evun rẹ ovwan.

Iyẹnrẹ Esiri ri Jọn 14:23

Jesu da kpahe kẹ, Ọ da dianẹ ohwo guọnọ ovwẹ, ko sẹro rẹ ota mẹ, Ọsẹ mẹ kọ guọnọ avwanre ki bro rhe avwanre vẹ ọye ke gba dia uwevwi.

Iyẹnrẹ Esiri ri Jọn 17:26

Mi dje odẹ wẹn kẹ ayen, ki mi ruo re ayen vwọ riẹn, rere ẹguọnọ ru wọ vwọ kẹ vwẹ na vwọ sa dia evun rẹ ayen, re me dia evun rẹ ayen.

Iyẹnrẹ Esiri ri Jọn 6:56

Ohwo rọ re uvwo mẹ rọ da da ọbara mẹ kọ dia vwẹ evun mẹ, ke me je dia evun rọye.

Ọbe ri Pọl si rhe Ihwo ri Rom 11:33

E, nighe ekodo vẹ efe kugbe ẹghwanre vẹ erianriẹn rẹ Ọghẹnẹ! Mavọ orhiebro rọye gba te ono sa riẹn idjerhe ro neneri.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Ọbe ri Pọl si rhe Ihwo ri Rom 5:2

Oma rọye avwanre wan vwo ẹserọphẹ rẹ avwanre mudia phihọ na, avwanre ke ghọghọ vwẹ iphiẹrohọ nẹ avwanre vwo ẹkẹn vwẹ urinrin rẹ Ọghẹnẹ na.

Ọbe ri Pọl si rhe Ihwo ri Rom 8:10

Ẹkẹvuọvo ọ da dianẹ Kristi hẹ evun wẹ, owenẹ ugboma rẹ ovwan ghwu fiki rẹ umwemwu dede, yẹ erhi rẹ ovwan je rhọ fiki rẹ ọvwata rọye.

Ọbe ri Pọl si rhe Ihwo ri Rom 9:23

rere ọ vwọ mrasan dje efe rẹ urinrin rọye vwọ kẹ ekuakua rẹ arodọvwẹ, rọ mare jovwo vwọ kẹ urinrin,

1 Kọrẹnt 3:16

Ovwan rha riẹn nẹ ovwan hẹ uwevwi rẹ Ọghẹnẹ nẹ Erhi rẹ Ọghẹnẹ dia evun rẹ ovwan?

2 Kọrẹnt 2:14

Ẹkẹvuọvo ẹkpẹvwẹ kẹ Ọghẹnẹ, rọ wan oma ri Kristi kẹ avwanre obọekparọ, vwẹ oma rẹ avwanre avwerhe rẹ eriariẹn rọye de rhi te asan ejobi.

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Galesha 4:19

Emọ mẹ, re me chuẹ uvwiẹ rayen, bẹsiẹ ri Kristi vwọ dia oma rẹ ovwan!

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

Ẹfesọs 2:22

Evun rọye kọye a je bọn ovwan phihọ ẹdia rẹ Ọghẹnẹ vwẹ evun rẹ Erhi na.

Filipae 4:19

Ọghẹnẹ mẹ kọ kẹ ovwan obo rẹ ovwan guọnọ kirobo rẹ efe rọye vwẹ urinrin ri Kristi Jesu epha.

Kolose 1:5

fiki re iphiẹrohọ re koko phihọ obo odjuvwu kẹ ovwan, ọye ota rẹ uyota rẹsosuọ rẹ ovwan ke nyo vwẹ evun rẹ iyẹnrẹ esiri na.

Kolose 2:3

Ohwo rẹ aghwanre kugbe erianriẹn ejobi gbare vwẹ obọ rọye.

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.

1 Timoti 1:1

Ọnana ọhe ri Pọl, ọyinkọn ri Kristi Jesu vwẹ ọ rẹ urhi rẹ Ọghẹnẹ Osivwi rẹ avwanre kugbe Kristi Jesu iphiẹrohọ rẹ avwanre,

Hibru 6:19

Kọye hẹ ọtan rẹ avwanre churu erhi rẹ avwanre mu ro vwo je bo, iphiẹrohọ rọ sa ro obo ẹtan rẹ ẹshẹ na rọ hẹ obuko rẹ oga na,

1 Jọn 4:4

Emọ na, ovwan kẹ emọ rẹ Ọghẹnẹ, ovwan ji phi ayen kua nure; kidie ohwo rọ hẹ evun rẹ ovwan na rhonọ ohwo rọ hẹ evun rẹ akpọ na.

Ẹvwọphia 3:20

Nighe, mi mudia vwẹ anurhoro mi ro hworo; ohwo de nyo urhuru mẹ ro de rhie ẹchẹ kẹ vwẹ, ki mi bro rhe evun rẹ uwevwi ke me vẹ ọye re emu, kọ vẹ ovwẹ je re.