Kolose 1:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Vwẹ ugboma fiki rẹ ughwu rọye, rere ọ vwọ sa vwẹ ovwan phia kẹ fuanfon, ro jẹ upe vẹ abe evwo vwẹ obaro rọye.

Kolose 1:22 ပူးပေါင်းရင်းမြစ်များ

2 Samuẹl 22:24

Mi vwo ekan vwẹ obaro rọye-e, mi sioma mẹ nẹ abe.

ỌBE RẸ JOB 15:15

Nighe, Ọghẹnẹ vwẹ ẹro so otuefuanfon rọye na-a, idjuvwu na je fọn vwẹ obaro rọye-e;

ỌBE RẸ JOB 25:5

Gbe nighe, emeranvwe dede se lo-o isio je fon vwẹ obaro rọye-e;

Une rẹ Ejiro 51:7

Reyọ ahworhẹ vwọ họ vwẹ ke me fon; họ vwẹ, ke me fon vrẹn imicho.

Iyẹnrẹ Esiri ri Luk 1:75

vwẹ ẹfuọn kugbe ọvwara vwẹ obaro rọye vwẹ ẹdẹ rẹ akpọ rẹ avwanre ejobi.

Ọbe ri Pọl si rhe Ihwo ri Rom 7:4

Eriyin ọ epha, imoni mẹ, rẹ oma rẹ ovwan rẹ awanre vi Kristi vwo ghwu vwẹ agbagba nure na, urhi kọ rhabọ nẹ ovwan, kọye ovwan vwo se vwo ogangan vwo nene, ovwan vẹ ọye ki se kuoma gbe vwo ru iruo kẹ Ọghẹnẹ.

2 Kọrẹnt 11:2

Me hẹ evu rẹ omaẹriọ ro nẹ obenu rhe kpahe ovwan, kidie me sa ovwan vwọ hẹ otọ kẹ Kristi rere ovwan dia omamọ rẹ ọpha kẹ ọshare ọvuọvo na.

2 Kọrẹnt 4:14

vẹ ẹriẹn nẹ ọ rọ kpare Ọrovwohwo Jesu vrẹn na je cha kpare avwanre vi Jesu vrẹn ọ me reyọ avwanre vẹ ovwan vwọ rhe obaro rọye.

2 Kọrẹnt 5:18

Ọnana ejobi na obọ rẹ Ọghẹnẹ i nurhe, ohwo rọ wan oma ri Kristi rhuẹrẹ avwanre kugbe oma rọye ọ da kẹ avwanre odibo egbe rẹ erhuarhuẹrẹ;

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.

Ẹfesọs 5:27

rere a sa vwẹ ishọshi na phia vwẹ obaro rọye vwẹ udidi o vwo upe-e eyẹ iriẹ-ẹn eyẹ oghẹre rẹ emu ọtiọye, rere ọ vwọ dia fuanfon o vwo eka-an.

Kolose 1:28

Kọye avwanre ghwoghwo na, rere kohwo kohwo ejobi sa vwọ dia ohwo ri Kristi;

1 Tẹsalonaika 4:7

Kidie Ọghẹnẹ se avwanre rhe iruo rẹ inuhu-u, ẹkẹvuọvo vwẹ evun rẹ ẹfuọn.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Hibru 10:10

Vwẹ oma rẹ ọhọre yena a wan ru avwanre fon fiki rẹ iye ri Jesu Krisri vwẹ ugboma rọye gọ ẹsiẹvo kẹ ihwo ejobi.

Hibru 10:20

vwẹ oma rẹ idjerhe ọkpokpọ ro je ghwo na rọ wan oma rẹ amwa na rhie kẹ avwanre na, kọye hẹ, ugboma rọye,

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

2 Pita 3:14

Vwẹ ọtiọye na, imoni, rẹ ovwan vwọ hẹrhẹ onana na, gbe jẹ oruru yena dia ovwan oma rere upe eyẹ ekan vwo jẹ ovwan oma ẹdia, re ovwan dia vwẹ ufuoma.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,