Kolose 1:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Kidie oma rọye a wan ma kemu kemu ejobi, re hẹ obo odjuvwu kugbe re hẹ otọ rẹ akpọ na, emu ra mrẹ kugbe irejẹmrẹ owenẹ o dia obenu rẹ ekete rẹ ivie eyẹ ubrakpọ re suẹn, eyẹ ihwo ride eyẹ ogangan; obọ rọye a wa ma kemu kemu ejobi, ọye a je ma ayen kẹ.

Kolose 1:16 ပူးပေါင်းရင်းမြစ်များ

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

Nehemaya 9:6

Ẹzra da ta: Wọwẹ hẹ Ọrovwohwo, wọwẹ ọvo kpogholo, wọwẹ re ma odjuvwu, odjuvwu rẹ idjuvwu na, vẹ urogho rayen ejobi, akpọ na vẹ obọ re hẹ enu rọye, ebadi na vẹ obo re hẹ evun re ayen, wọwẹ re sẹro rẹ ayen ejobi, urogho rẹ odjuvwu na ejobi ga wẹ.

Isẹ 16:4

Ọrovwohwo ma emu na ejobi vwọ kẹ iruo rọye, ekpuyovwi rẹ ohwo umwemwu na ọ marọ vwọ kẹ ẹdẹ rẹ ukpokpogho

Aizaya 43:21

ihwo re Me mare kẹ oma mẹ rere ayen vwo ghwoghwo ejiro mẹ phia

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Iyẹnrẹ Esiri ri Jọn 1:10

Ọ hẹ evun rẹ akpọ na, oma rọye a wan mama akpọ na, yẹ akpọ na riẹnrẹ-ẹ.

Iyẹnrẹ Esiri ri Jọn 1:3

oma rọye a wan mama imu na ejobi, ọ gbe dia ọye-e emu ọvuọvo ra mare na a gbe mama-a.

Ọbe ri Pọl si rhe Ihwo ri Rom 11:36

Kidie obọ rọye emu na ejobi nẹ cha, ọye re ma ayen, ọye nẹrhẹ ayen dia. Ọye a vwẹ ejiro kẹ bẹdẹ. Isẹ.

Ọbe ri Pọl si rhe Ihwo ri Rom 8:38

Kidie o mu uvwe ẹro nẹ eyẹ ughwu, eyẹ arhọ, eyẹ emakashe, eyẹ ivie, eyẹ emu rẹ ọke nana, eyẹ ọke rọ cha, eyẹ ogangan,

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

1 Kọrẹnt 8:6

ye vwọ kẹ avwanre Ọghẹnẹ ọvuọvo re herọ, Ọsẹ na, re emu ejobi nẹ obọ rọye cha ọye re nẹrhẹ avwanre dia, kugbe Ọrovwohwo ọvuọvo, Jesu Kristi, ohwo rẹ emu na ejobi wan oma rọye rhe oma rọye avwanre wa dia.

Ẹfesọs 1:10

Iroro kpahe ẹgba rẹ ọke na, ro che vwo kue emu na ejobi gbe vwẹ oma rọye, emu rẹ odjuvwu kugbe emu rẹ akpọ na.

Ẹfesọs 6:12

Ọ dianẹ ugboma vẹ ọbara a họnra na-a, ẹkẹvuọvo ikpihwo ride, ogangan ride, ihwo ride ri suẹn akpọ rẹ ebri nana, otuofovwi rẹ erhi umwemwu re hẹ obo obenu na.

Urhi Rivẹ 4:39

Vwẹ ọtiọye na gba riẹn nonẹ na, wo mi phio phihọ udu wẹn, nẹ Ọrovwohwo na Ọghẹnẹ rọ evun rẹ odjuvwu vẹ enu rẹ akpọ rọ herọ vwẹ obotọ na; ọfa herọ-ọ.

Filipae 2:10

nẹ kohwo kohwo ejobi ki she diguẹ kẹ odẹ ri Jesu, emu re hẹ obo odjuvwu kugbe e re hẹ obotọ rẹ akpọ na,

Kolose 1:15

Ọye hẹ uhoho rẹ Ọghẹnẹ re jẹ mrẹ na, ọmọ ọkpako rẹ emama na ejobi.

Kolose 1:20

Oma rọye a wan rhuẹrẹ emu na ejobi phihọ kẹ oma rọye, ọbara rẹ obọ rọye vwẹ enu rẹ agbagba ọye ọ vwọ rhuẹrẹ emu na ejobi phihọ, te emu rọ hẹ enu rẹ akpọ na, te ọ rọ hẹ obevun rẹ odjuvwu.

Kolose 2:10

Kọye rha vọn ro avwanre oma, ọye hẹ uyovwi rẹ isuesun ejobi kugbe ogangan ejobi.

Kolose 2:15

Ọ da rhahọ rẹ ihwo ride vẹ ogangan na ejobi nẹ ovwan oma ọ da rhe phọphọ otu ri hwere na, ro vwo vrẹn nẹ ughwu nu.

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

Hibru 2:10

Kidie o fori nẹ ọye, ra ma emu na ejobi kẹ na, rẹ emu na ejobi vwọ herọ na, sa vwọ reyọ emọ na vwo kpo urinrin, rere e sa dia ekobaro rẹ esivwo rayen na vwẹ oma rẹ oja rọ rere.

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.