Kolose 1:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Wa mia vwẹ ekpẹvwẹ kẹ Ọsẹ na, ro ru avwanre fo ihwo re vẹ irherẹn rẹ Urhukpe na gbe koko reuku na.

Kolose 1:12 ပူးပေါင်းရင်းမြစ်များ

1 Ivie 6:7

Eragha re sheri ra nabọ kare vwẹ obo ọgọdọ, eye a vwọ bọn; vwẹ ọtiọye na e gbi nyo umri re umomo eyẹ ushurhe eyẹ ekuakua rẹ utehru vwẹ evun rẹ uwevwi na, vwẹ ọke ra vwọ bọ-ọn.

1 Ikun rẹ Ivie 29:20

Etiyin Devid da ta kẹ ọghwẹgbe na ejobi, Bruphihọ kẹ Ọrovwohwo rẹ Ọghẹnẹ wẹn. Ọghwẹgbe na ejobi de bruphihọ kẹ Ọrovwohwo na, Ọghẹnẹ rẹ esẹ rayen, ayen de gbe uyovwi rayen kpotọ; ayen da ga Ọrovwohwo na, ayen da vware ovie na.

Une rẹ Ejiro 116:7

Rhivwi, E ẹnwẹ mẹ, kpo omerovwo wẹn; kidie Ọrovwohwo na nene uwe yeri wurhie wurhie.

Une rẹ Ejiro 36:9

Kidie obọ wẹn ọye ogbugbu rẹ arhọ epha, vwẹ evun rẹ urhukpẹ wẹn etiyin ma da mrorẹ.

Une rẹ Ejiro 79:13

Etiyin avwanre ihwo wẹn, Igegede rẹ egbri wẹn, ke sa vwẹ ẹkpẹvwẹ kẹ wẹ bẹdẹ; nẹ uvwiẹ re te uvwiẹ avwanre ki se kere ejiro wẹn.

Une rẹ Ejiro 97:11

Ọke rhie vwọ ke ọvwata, aghọghọ kẹ ohwo rẹ udu rọye dia ọsoso.

Isẹ 16:1

Ohwo ro vwo iroro ọye iroro jẹ, ẹkẹvuọvo ota rẹ ẹrẹnvwe kpahe re obọ rẹ Ọrovwohwo o nẹ cha.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Daniẹl 2:23

We, E Ọghẹnẹ rẹ esẹ mẹ, Me vwẹ ẹkpẹvwẹ vẹ ejiro kẹ, kidie wẹ re kẹ vwẹ ẹghwanre vẹ ogangan, obo ma nọ ekpẹn rọye vwẹ obọ wẹ, wọ vwe rọ phia kẹ vwẹ, kidie ota rẹ ovie na wọ vwẹ rọ phia kẹ avwanre.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

Iyẹnrẹ Esiri ri Jọn 4:23

Ẹkẹvuọvo ọke cha, ọ rhe nure, rẹ ọ gegagọ rẹ uyota na da gọ Ọsẹ na vwẹ erhi vẹ uyota, kidie ọtiọye Ọsẹ na guọnọre nẹ a ga ọye.

Iruo rẹ Iyinkọn na 20:32

Asakiephana mi mu ovwan phihọ obọ rẹ Ọghẹnẹ kugbe ota rẹ ẹsẹrọphẹ rọye, rọ sa kpọ ovwan vi rọ ke rha ghare uku kẹ ovwan vwẹ ohri rẹ ihwo re rufon nure na.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ọbe ri Pọl si rhe Ihwo ri Rom 11:17

Ọ da dianẹ a nyavwe eghọn rẹ urhe na evo kufia, ra da vwẹ owẹ, oghọn rẹ urhe ọfa vwọ tamuo, rọ da vwẹ ame rẹ urhe rẹ ọliv na vwọ ghẹrẹ oma rọye,

Ọbe ri Pọl si rhe Ihwo ri Rom 15:27

O je ayen nẹ ayen ruo, uyota ayen reosa rẹ ayen, ọ da dianẹ otu ri Keferi na rhi vwo ẹkẹn vwẹ ebruphihọ rẹ erhi na, ke je vwẹ abọvo rẹ iruo rẹ ayen rẹ ayen vwọ vwẹ ebruphihọ rẹ ugboma rẹ ayen vwọ ga ayen.

Ọbe ri Pọl si rhe Ihwo ri Rom 8:17

avwanre da dia emọ, kẹ ereuku, ereuku rẹ Ọghẹnẹ kugbe ihwo ri vi Kristi gbe ko ko reuku, kirobo rẹ avwanre vẹ ọye re oja na eriyin avwanre vẹ ọye je ghọghọ kugbe te.

Ọbe ri Pọl si rhe Ihwo ri Rom 9:23

rere ọ vwọ mrasan dje efe rẹ urinrin rọye vwọ kẹ ekuakua rẹ arodọvwẹ, rọ mare jovwo vwọ kẹ urinrin,

1 Kọrẹnt 8:6

ye vwọ kẹ avwanre Ọghẹnẹ ọvuọvo re herọ, Ọsẹ na, re emu ejobi nẹ obọ rọye cha ọye re nẹrhẹ avwanre dia, kugbe Ọrovwohwo ọvuọvo, Jesu Kristi, ohwo rẹ emu na ejobi wan oma rọye rhe oma rọye avwanre wa dia.

1 Kọrẹnt 9:23

Mi ru ayen ejobi fiki rẹ iyẹnrẹ esiri na, rere mi vwo se vwo ẹkẹn vwẹ ẹrhovwo rọye.

2 Kọrẹnt 11:14

A gbe ta-a, kidie ekpuyovwi rẹ Idẹbono vwẹ oma nẹ kerẹ amakashe rẹ urhukpe.

2 Kọrẹnt 5:5

Ohwo rọ rhuẹrẹ avwanre kẹ emu nana dẹn kẹ Ọghẹnẹ.

Ẹfesọs 1:11

Vwẹ evun rọye, kirobo rẹ iroro rẹ ohwo ro ru emu na ejobi gba epha kirobo rẹ iroro rẹ ọhọre rọye epha.

Ẹfesọs 1:18

Ọke rẹ ẹro rẹ udu rẹ ovwan de rhie nu, ovwan vwọ sa riẹn obo rẹ iphiẹrohọ rẹ use re se ovwan phihọ na epha, obo rẹ urinrin rẹ ukuẹriọ bute kẹ ihwo efuanfon na.

Ẹfesọs 2:18

Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Ẹfesọs 3:6

Kọye hẹ, obo ri Keferi na koko reuku na kugbe, rẹ ayen da dia ekuakua rẹ ugboma ọvuọvo na, kugbe ayen otu ri ji vwo obọ vwẹ ive na vwẹ evun ri Kristi Jesu vwẹ oma rẹ iyẹnrẹ esiri na.

Ẹfesọs 4:6

Ọghẹnẹ ọvuọvo kugbe Ọsẹ rẹ avwanre ejobi, ọye me kpenu vwẹ emu ejobi rọ wan oma rẹ emu ejobi vwẹ evun rẹ emu ejobi.

Ẹfesọs 5:11

We vwo obọ vwẹ iruo ofefe re ruẹ vwẹ ebri na-a, ẹkẹvuọvo kpe rẹ ọyena we tue ayen phia.

Ẹfesọs 5:20

Ọke kọke vwi kemu kemu ejobi vwẹ ẹkpẹvwẹ vwẹ odẹ rẹ Ọrovwavwanre Jesu Kristi kẹ Ọghẹnẹ Ọsẹ na.

Ẹfesọs 5:4

E jẹn a mrẹ inuhu, eyẹ ogbegbeta, eyẹ ọpata, ri jefo-o; kpe re eyena wa me kpẹvwẹ.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Kolose 2:2

rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Hibru 12:23

kugbe ọghwẹgbe rẹ emekpako re si odẹ rayen phihọ odjivwu, kugbe oguẹdjọ kọye hẹ Ọghẹnẹ rayen ejobi, kugbe erhi rẹ ihwo re dia ọsoso re ru gba,

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Jems 3:9

Ọye ọvo na me vwo jiri Ọrovwohwo rẹ ọsẹ na; ọye avwanre vwọ harha ihwo efa rẹ Ọghẹnẹ vwẹ uhoho rọye ma.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

1 Jọn 1:3

rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

Ẹvwọphia 21:23

Orere na rha guọnọ ọnre eyẹ emeranvwe ro lo vwọ-ọ, kidie urinrin rẹ Ọghẹnẹ ọvo ọye hẹ urhukpẹ rọye, urhukpẹ rọye kọye hẹ Omogodẹ na.

Ẹvwọphia 22:14

Ebruba kẹ ayen otu re fọnrhọ rayen fon, rere ayen vwo se si kẹre urhe rẹ arhọ na rere ayen sa wan anurhoro na ro orere na.

Ẹvwọphia 22:5

Ason gbe cha dia ọfa-a; ayen gbe guọnọ orẹmrẹ rẹ urhukpẹ eyẹ ọnre-e, kidie Ọrovwohwo Ọghẹnẹ na kọ dia urhukpẹ rayen, ayen ke cha re bẹdẹ bẹdẹ.