Kolose 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

Kolose 1:10 ပူးပေါင်းရင်းမြစ်များ

Isẹ 16:7

Ọke rẹ idjerhe rẹ ohwo de je Ọrovwohwo, ivwighre rọye dede na ke rhoma dia ọnse rọye.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Maika 4:5

Kidie ihwo na ejobi ra yan vwẹ odẹ ri dohwo dẹdjọ rọye, ẹkẹvuọvo avwanre yan vwẹ odẹ rẹ Ọrovwohwo Ọghẹnẹ re avwanre bẹdẹ bẹdẹ.

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Iyẹnrẹ Esiri ri Jọn 15:16

Ọ dia ovwan re jẹ vwẹ-ẹ, ẹkẹvuọvo mẹvwẹ re jẹ ovwan me da vwẹ ovwan mu rere ovwan yanran ra mọ ubi rere ubi rẹ ovwan vwọ dia; ọtiọye na emu kemu rẹ ovwan nọ Ọsẹ na vwẹ odẹ mẹ, ọ sa vwọ kẹ ovwan.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Ọbe ri Pọl si rhe Ihwo ri Rom 1:13

Imoni mẹ, mẹ guọnọre nẹ ovwan riẹn nẹ, ọke buebu me vwọ guọnọ bru ovwan rhe jovwo (ẹkẹvuọvo use buebu kọye da vwẹ ji), rere me vwọ mrẹ asan re erere rẹ owian mẹ vwẹ ohri rẹ ovwan kugbe ohri ri Keferi ri chekọ na.

Ọbe ri Pọl si rhe Ihwo ri Rom 4:12

Ọsẹ rẹ ihwo re yanvwere ọ dia oyanvwe ghevweghe-e ẹkẹvuọvo ri nene oniru rẹ esegbuyota rẹ ọsẹ rẹ avwanre Ebraham vwori tavwe ra ke yanvwọ.

Ọbe ri Pọl si rhe Ihwo ri Rom 6:4

Vwẹ oma rẹ ame-ẹreyọ rọye e vwo shi avwanre kugbe vwẹ evun rẹ ughwu rọye, kọye re kirobo rẹ vwẹ obọ rẹ urinrin vẹ ogangan rẹ Ọsẹ na vwọ kpare Kristi vrẹn na, eriyin na avwanre ki ji vwo arhọ ọkpokpọ fiki rọye.

2 Kọrẹnt 2:14

Ẹkẹvuọvo ẹkpẹvwẹ kẹ Ọghẹnẹ, rọ wan oma ri Kristi kẹ avwanre obọekparọ, vwẹ oma rẹ avwanre avwerhe rẹ eriariẹn rọye de rhi te asan ejobi.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

2 Kọrẹnt 5:9

Owenẹ avwanre hẹ uwevwi eyẹ avwanre yan no, iruo rẹ avwanre rere avwanre vwo ru obo ri je.

2 Kọrẹnt 9:8

Ọghẹnẹ sa kẹ ovwan ebruphihọ kebruphihọ buebu, ọtioye na ku wo se vwo emu na ejobi okoka ro te kẹ wẹ ku wo je mrẹ siobọ nu buebu vwo ru iruo kiruo esiri.

Ẹfesọs 1:17

rere Ọghẹnẹ rẹ Ọrovwavwanre Jesu Kristi, Ọsẹ rẹ urinrin na, sa kẹ ovwan erhi rẹ aghwanre kugbe ẹvwọphia vwẹ evun rẹ erianriẹn rọye,

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

Ẹfesọs 4:13

bẹsiẹ rẹ avwanre ejobi che vwo te okugbe rẹ esegbuyota na, kugbe erianriẹn rẹ Ọmọ rẹ Ọghẹnẹ na, rhi te omiragua, vwẹ evun rẹ ọvọnvọn rẹ ọrho rẹ Kristi.

Ẹfesọs 5:10

gba davwe wo yono obo ri je Ọrovwohwo.

Ẹfesọs 5:15

Wa nabọ nite obo rẹ ovwan yan, we muẹ yan djidji-i ẹkẹvuọvo kerẹ evwaghwanre.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Filipae 1:27

Ọvo na gbe jẹn eyere rẹ ovwan fo kẹ iyẹnrẹ esiri ri Kristi na, kọye owenẹ me rhere rhe mrẹ ovwan eyẹ mi vwo jẹ cha, jẹ uvwe nyo nẹ ovwan mudia gan vwẹ erhi ọvo, vẹ udu ọvo vwọ pharha kuẹgbe vwẹ esegbuyota rẹ iyẹnrẹ esiri na.

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Kolose 2:19

ri gbobonyẹ uyovwi na rẹ ayen yọnre gan, ohwo rọ tan oma na ejobi kugbe, rọ ghẹrẹ oma kugbe erhọn na ejobi, e me rho ọrho ro nẹ obọ rẹ Ọghẹnẹ rhe.

Kolose 2:6

Kirobo rẹ ovwan reyọ Jesu Kristi Ọrovwohwo na ovwan yan nene ọtiọye.

Kolose 3:20

Ovwan emọ, we mu ọghọ kẹ esẹ vẹ ini rẹ ovwan, fikiridie ọtiọna ri je Ọrovwohwo.

Kolose 4:5

Vwẹ aghwanre nene ihwo rẹ obada yeri we kuẹ ọke fia-a.

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

1 Tẹsalonaika 4:1

Ọ ra ka oba, imoni avwanre rẹ ovwan bru ovwan uche vwẹ evun rẹ Ọrovwohwo Jesu, nẹ kirobo rẹ ovwan yono miẹ avwanre vwọ kpahe obo rẹ ovwan yeri re we vwo se ru obo ri je Ọghẹnẹ, kirobo rẹ ovwan ruẹ na, we gbe ru ọtiọye phihọ.

2 Timoti 2:4

Ọ vwo isodje ro phiẹ ofovwi ro de phi oma phihọ ọghrọrọn rẹ ihwo diodi-i, obo ro nẹ kẹ rere o vwo rn obo ri je ohwo ro reyerọ phihọ iruo.

Taitọs 3:1

Karophihọ ihwo na nẹ ayen vwẹ oma kpotọ kẹ ayen otu ri suẹn ihwo, kugbe ihwo ride ri vwo ogangan, re mu ọghọ kẹ ayen, rere kiruo kiruo rẹ ayen guọnọre ejobi e ru kẹ ayen yoyovwi.

Taitọs 3:14

Wo mi jẹ ihwo rẹ avwanre wian omamọ rẹ owian rere ayen sa ghẹrẹ omaobọ rẹ ayen, rere ayen je yere fanrhiẹ fanrhiẹ.

Hibru 11:5

Vwẹ esegbuyota na e vwo mu Inọk kpo odjivwu vẹ ẹro ọkpokpọ; a gbe sa mrẹ-ẹ, fikiridie Ọghẹnẹ reyerọ. Tavwe re ki muo reyọ na e ji se oseri kpahọ nẹ ivun rọye vwerhe Ọghẹnẹ.

Hibru 13:16

Wa rua uvwerhi rẹ emu esiri eruo-o kugbe rere wo ghare obo ri rhe we kẹ ihwo, kidie okẹ ọtiọye na ri je Ọghẹnẹ.

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

2 Pita 1:8

Kidie emu nana da dia ewẹn ri de bu, ke djẹ wẹ ephieghe vwẹ evun rẹ erianriẹn rẹ Ọrovwavwanre Jesu Kristi.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

1 Jọn 3:22

obo rẹ avwanre nọrọ ejobi ka mrẹ reyọ, fikiridie avwanre yọnrọn urhi rọye avwanre ki rhe ru obo ri je.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

3 Jọn 1:6

kẹ ena rhi se oseri rẹ ẹguọnọ wẹn vwọ kẹ ishọshi na. Wọ riẹn ru ru wo de dje idjerhe na kẹ ayen kirobo ro fori kẹ ẹga rẹ Ọghẹnẹ.