Kolose 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Pọl oyinkọn ri Jesu Kristi vwẹ ẹguọnọ rẹ Ọghẹnẹ, kugbe Timoti oniọvo rẹ avwanre,

Kolose 1:1 ပူးပေါင်းရင်းမြစ်များ

Iruo rẹ Iyinkọn na 16:1

Pọl vẹ Sailas de rhi te Dabe kugbe Listra. Etiyin ayen da mrẹ odibo ọvo re se Timoti, oni rọye ohwo ri Ju ro segbuyota; ọsẹ rọye ohwo ri Grik.

Ọbe ri Pọl si rhe Ihwo ri Rom 1:1

Pọl, odibo ri Jesu Kristi, re seri nẹ ọ rhe dia ọyinkọn, re vwo mu nẹ o ghwoghwo iyẹnrẹ esiri rẹ Ọghẹnẹ

1 Kọrẹnt 1:1

Pọl, re seri vwẹ ọhọre rẹ Ọghẹnẹ nẹ ọ rhe dia ọyinkọn ri Kristi Jesu, kugbe oniọvo rẹ avwanre Sọstẹnis.

2 Kọrẹnt 1:1

Pọl, ọyinkọn ri Kristi Jesu vwẹ ọhọre rẹ Ọghẹnẹ, kugbe Timoti oniọvo rẹ avwanre. Vwo rhe ishọshi rẹ Ọghẹnẹ rọ hẹ Kọrẹnt, vẹ ihwo efuanfon na ejobi re hẹ otọ rẹ Akaya ejobi:

Ẹfesọs 1:1

Ọbe ri Pọl, ọyinkọn ri Kristi Jesu vwẹ ọhọre rẹ Ọghẹnẹ, Ro si rhe ihwo efuanfon ri vwo esegbuyota kpahe Kristi Jesu:

Filipae 1:1

Ọbe ri Pọl kugbe Timoti, idibo ri Kristi Jesu, si rhe ihwo efuanfon ejobi vwẹ evun ri Kristi Jesu re hẹ Filipae, vẹ ibishọpu kugbe idikini:

1 Tẹsalonaika 1:1

Ọnana ọbe ri Pọl, Silvanọs, kugbe Timoti si rhe ishọshi rẹ Ọghẹnẹ Ọsẹ na kugbe Ọrovwohwo Jesu Kristi rọ hẹ obi Tẹsalonaika; Ẹserọphẹ nene ovwan dia.

1 Tẹsalonaika 3:2

avwanre ki ji Timoti, oniọvo rẹ avwanre kugbe odibo rẹ Ọghẹnẹ vwẹ iyẹnre esiri ri Kristi, nẹ o rhi ru esegbuyota rẹ ovwan gan ro rhe bru ovwan uche.

2 Tẹsalonaika 1:1

Ọbe ri Pọl, Silvanọs, kugbe Timoti, si rhe ishọshi rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi, rọ hẹ obi Tẹsalonaika:

Filimọn 1:1

Pọl, re mu phihọ uwodi fiki ri Kristi Jesu, kugbe Timoti oniọvo rẹ avwanre, ri si ọbe nana rhe Filimọn rọ ghaghare kugbe ohwo rẹ avwanre vẹ ọye gbe ru iruo kuẹgbe,

Hibru 13:23

Mi jẹ ovwan riẹn nẹ e siobọ nẹ Timoti rẹ oniọvo rẹ avwanre na re, me vẹ ọye cha mrẹ ovwan ọ da dianẹ ọ fobọ rhe.