Joshua 8:35 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁵ O vwo eta rẹ urhi na ọvuọvo rẹ Mosis jiri na ri Joshua je se kẹ ọghwẹgbe rẹ Izrẹl na-a te eya na, te imitete na, kugbe erhorha na re dia ohri rẹ ayen.

Joshua 8:35 ပူးပေါင်းရင်းမြစ်များ

Ezra 10:1

Vwẹ ọke rẹ Ẹzra vwọ nẹ ẹrhovwo rọ vwọ fan efanfan, rọ vwọ viẹ rọ vwọ vwẹ oma ghwiotọ vwẹ evun rẹ uwevwi rẹ Ọghẹnẹ, ọghwẹgbe rode rẹ eshare, eya, kugbe imitete de koko, bro nẹ Izrẹl ejobi rhe; kidie ihwo na viẹre gangan.

Nehemaya 8:2

Ẹzra orherẹn na da reyọ urhi na rhe vwẹ obaro rẹ ọghwẹgbe na, te eshare te eya kugbe ihwo ejobi ri se nyo ota na vẹ ẹruọ, vwẹ ẹdẹ rẹ ẹsosuọ re emeranvwe righwrẹ.

Nehemaya 8:3

O de mudia hirhe opharo ku unuada na ro hẹ obaro rẹ Anurhoro re Ame na o de se nẹ urhiọke re duvwu uherevie ason, vwẹ irharo rẹ eshare na kugbe eya na kugbe ayen ri se vwo ẹruọ, ihwo na ejobi da nabọ kerhọn rẹ ọbe rẹ urhi na.

Ẹyano 12:38

Ihwo efa buebu ọguagua ji nene ayen, kugbe uchuru buebu, igodẹ vẹ irhuẹn.

Jerimaya 26:2

Enẹ Ọrovwohwo tare. Mudia vwẹ ọguan rẹ uwevwi rẹ Ọrovwohwo na, re wọ ta kẹ irere ri Juda ejobi re cha ẹga vwẹ uwevwi rẹ Ọrovwohwo na eta ejobi ri mi jiji kẹ wẹ nẹ wọ ta kẹ ayen na, wo si ota ọvuọvo no-o.

Joẹl 2:16

Se ihwo na koko Phorho ukoko na oma; ghwẹ ekpako na koko koko imitete na, te emeboba ri viẹ evie. Jẹn ọshare rẹ ọpha vrẹn nẹ uvun rọye rhe, rẹ ọpha na nẹ esirọgbo rọye rhe.

Zekaraya 8:23

E nẹ Ọrovwohwo rẹ otuofovwi tare: Vwẹ ẹdẹ yena eshare ihwe che nẹ ẹgborho rẹ ephẹrẹ Kephere rhe cha yọnre ewun rẹ ohwo ri Ju, ta ne, Jẹn avwanre nene uwe, kidie Me nyori nẹ Ọghẹnẹ vẹ ovwan herọ.

Iyẹnrẹ Esiri ri Mak 10:14

Ẹkẹvuọvo ri Jesu vwọ mrẹ, ivun de miovwo gangan, Ọ da ta kẹ ayen, Ovwan jẹ imitete na bru uvwe rhe, ovwan da ayen jẹ-ẹ; kidie oghẹre nana hẹ uvie rẹ Ọghẹnẹ.

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Iruo rẹ Iyinkọn na 21:5

Ọkẹ rẹ ẹdẹ rẹ avwanre vwọ gba vwẹ etiyin nu, avwanre vrẹnri me de mu oyan rẹ avwanre phihọ; ayen ejobi, vẹ eya vẹ emọ, de sun avwanre rhiri rhi te ughere rẹ orere na; me vwo shiguẹ vwẹ erhuru na avwanre da nẹ ẹrhovwo yere ohwohwo kẹ ẹdẹ ọfa.

Urhi Rivẹ 29:10

Ovwan ejobi mudia vwẹ obaro rẹ Ọrovwohwo rẹ Ọghẹnẹ rẹ ovwan nonẹ na rẹ Igbuyovwi rẹ uvwiẹ rẹ ovwan, ekpako rẹ ovwan, kugbe inotu rẹ ovwan, vẹ eshare rẹ Izrẹl ejobi,

Urhi Rivẹ 29:11

imitete rẹ ovwan, te eya rẹ ovwan, vẹ ọrhorha re hẹ erhọn rẹ ovwan, itu ri she irhe kẹ ovwan kugbe iri vo ame kẹ ovwan,

Urhi Rivẹ 29:9

Vwẹ ọtiọye na gba jomaotọ wọ yọnrọn eta rẹ ọphọ nana, rere emu rẹ ovwan ru ejobi vwọ yovwi kẹ ovwan.

Urhi Rivẹ 31:12

Koko ihwo na, eshare, vẹ eya, kugbe imitete, vẹ erhorha re hẹ irere rẹ ovwan, re ayen nyo vwo yono obo ra djẹ oshọ rẹ Ọrovwohwo rẹ Ọghẹnẹ rẹ ovwan, nabọ ru eta rẹ urhi nana,

Urhi Rivẹ 4:2

We brẹ ba ota ri mi ji iji kẹ ovwan na-a we ji siẹno-o, rere wa yọnrọn irhi rẹ Ọrovwohwo Ọghẹnẹ rẹ ovwan na ri mi jiji rayen kẹ ovwan.