Joshua 8:33 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³³ Izrẹl ejobi, e rẹ erhorha kugbe e re vwieri vwẹ uwevwi, vẹ ekpako rọye inotu rayen vẹ iguẹdjọ rayen, de mudia abọ rivẹ rẹ ekpeti na vwẹ obaro rẹ irherẹn ri Livae ri mu ekpeti rẹ ọphọ rẹ Ọrovwohwo na, ebru evo rẹ ayen e hẹ obaro rẹ Ugbenu rẹ Gerizim ebru evo ri chekọ e hẹ obaro rẹ Ugbenu rẹ Ebal kirobo ri Mosis odibo rẹ Ọrovwohwo na tare vwẹ ẹsosuọ, nẹ ayen bruphihọ kẹ ihwo rẹ Izrẹl.

Joshua 8:33 ပူးပေါင်းရင်းမြစ်များ

Ẹyano 12:49

Urhi ọvuọvo re cha dia kẹ ọmotọ vẹ ọrhorha rọ dia ohri rẹ ovwan.

Livitikọs 24:22

Urhi ọvuọvo na ri sun ovwan te ọmotọ te ọrhorha, kidie Mẹvwẹ Ọrovwohwo Ọghẹnẹ re ovwan.

Ukeri 15:15

Vwe evun re ọghwẹgbe na, iji ọvuọvo re cha dia vwọ kẹ ovwan kugbe ọrhorha rọ vẹ ovwan gba dia, kọ dia iji ri bẹdẹ vwẹ evun rẹ uvwiẹ na ejobi, kirobo rẹ ovwan epha, ọtiọye ọrhorha je epha vwẹ obaro rẹ Ọrovwohwo na.

Ukeri 15:16

Urhi ọvuọvo kugbe iji ọvuọvo re cha dia kẹ ovwan kugbe ọrhorha ro bru ovwan rhe.

Ukeri 15:29

Ku we vwo urhi ọvo kẹ ohwo rọ vwẹ ughẹghẹ vwo ru umwemwu, vwọ kẹ ohwo rọ dia ọmotọ vwẹ uherevie rẹ ihwo rẹ Izrẹl na eyẹ ọrhorha rọ kua bru ayen rhe.

Iyẹnrẹ Esiri ri Jọn 4:20

Esẹ rẹ avwanre gọre vwẹ ugbenu nana; wọ tare nẹ Jerusalẹm hẹ asan rẹ ihwo a da gọ,

Urhi Rivẹ 11:29

Ko che te, siẹ rẹ Ọrovwohwo Ọghẹnẹ wẹn na da reyọ owẹ te otọ ru wọ yanran ra dia na, wo mi phi ebruba na phihọ enu rẹ Ugbenu ri Geraizim, phi ekan na phihọ enu rẹ Ebal.

Urhi Rivẹ 31:12

Koko ihwo na, eshare, vẹ eya, kugbe imitete, vẹ erhorha re hẹ irere rẹ ovwan, re ayen nyo vwo yono obo ra djẹ oshọ rẹ Ọrovwohwo rẹ Ọghẹnẹ rẹ ovwan, nabọ ru eta rẹ urhi nana,

Urhi Rivẹ 31:25

Mosis de ji urhi kẹ ihwo ri Livae re ghwa ekpeti rẹ ọphọ rẹ Ọrovwohwo na,

Urhi Rivẹ 31:9

Mosis ki si urhi nana, ọ da vwọ kẹ irherẹn rẹ emọ ri Livae na, re ghwa ekpeti rẹ ọphọ rẹ Ọrovwohwo na, kugbe ekpako rẹ Izrẹl ejobi.

Joshua 23:2

Joshua de se Izrẹl ejobi, ekpako vẹ igbuyovwi rayen, iguẹdjọ vẹ inotu rayen, ọ da ta kẹ ayen, Me ghworo mi ki ji kri akpọ re,

Joshua 24:1

Etiyin Joshua de se orua rẹ Izrẹl koko vwi Shekẹm o de se ekpako na, igbuyovwi na, iguẹdjọ na, kugbe inotu rẹ Izrẹl; ayen da vwẹ oma rẹ ayen phia kẹ Ọghẹnẹ.

Joshua 3:14

Ọtiọye na, ọke rẹ ihwo na vwo mu oyan nẹ itughẹ rayen, rẹ ayen ra wan Jọdan vrẹn vẹ irherẹn na ri mu ekpeti rẹ ọphọ na re ka ọbaro kẹ ihwo na,

Joshua 3:3

ayen de ji urhi kẹ ihwo na nẹ, Ọke wa da mrẹ ekpeti rẹ ọphọ rẹ Ọrovwohwo Ọghẹnẹ wẹn na rẹ irherẹn ri Livae muru, ku we mu oyan nẹ asan rẹ wa epha re we nene,

Joshua 3:6

Joshua da ta kẹ irherẹn na, We mu ekpeti rẹ ọphọ na, re wa ka obaro kẹ ihwo na. Ayen de mu ekpeti rẹ ọphọ na, ayen da ka obaro kẹ ihwo na.

Joshua 4:10

Kidie irherẹn na re ghwa ekpeti na de mudia vwẹ uherevie ri Jọdan, bẹsiẹ re emu ejobi rẹ Ọrovwohwo ji urhi rọye kẹ Joshua nẹ ọ ta kẹ ihwo na rhi vwo re, kirobo ri Mosis ta kẹ Joshua ejobi. Okpakpa ihwo na vwọ wanvrẹn;

Joshua 4:18

Ọke rẹ irherẹn re ghwa ekpeti rẹ ọphọ rẹ Ọrovwohwo na vwo wotọ nẹ uherevie ri Jọdan na rhe, re awọ rẹ irherẹn na ghwe vwo te otọ ọyaya nure, ame ri Jọdan na de ghwe rhurie rhe ọ da vọn ro egben rọye reghe reghe kirobo rọ epha jovwo.

Joshua 6:6

Ọtiọye Joshua rẹ ọmọ ri Nọn de se irherẹn na ọ da ta kẹ ayen, Reyọ ekpeti rẹ ọphọ na, gbe jẹn irherẹn ighwrẹn reyọ ewanre rẹ ighoro rẹ egbo ighwrẹn re ka obaro kẹ ekpeti rẹ Ọrovwohwo na.