Joshua 8:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ kirobo ri Mosis rẹ odibo rẹ Ọrovwohwo tare kẹ ihwo rẹ Izrẹl, kirobo re siro vwẹ ẹbe rẹ urhi rẹ Mosis, agbada rẹ ibieragha re sheri-i, re ohwo ọvuọvo vwẹ utehru te-e; ayen de ze izobo rẹ ẹtorhẹ kẹ Ọrovwohwo na, kugbe izobo rẹ ufuoma rhe.

Joshua 8:31 ပူးပေါင်းရင်းမြစ်များ

Ivie rẹ Ivẹ 14:6

Ẹkẹvuọvo o hwe emọ rẹ izighẹ na-a, fikiridie e siro phihọ otọ vwẹ ọbe rẹ urhi ri Mosis, vwẹ asan rẹ Ọrovwohwo ji urhi phihọ, E hwe esemọ vwi fiki rẹ emọ-ọ, e hwe emọ vwi fiki rẹ esemọ-ọ; ẹkẹvuọvo ohwo kohwo ro ru umwemwu ọye ghwu phihọ umwemwu rọye.

Ivie rẹ Ivẹ 22:8

Hilkaya rẹ orherẹn ro kpenu na da ta kẹ Shafan osiọbe na, Me mrẹ ọbe rẹ urhi na vwẹ evun rẹ uwevwi rẹ Ọrovwohwo na. Hilkaya da vwẹ ọbe na kẹ Shafan, o de se.

2 Ikun rẹ Ivie 25:4

Ẹkẹvuọvo o rhe hwe emọ raye-en; kirobo re siri phihọ urhi na, vwẹ ọbe ri Mosis, vwẹ asan rẹ Ọrovwohwo de ji iji, E hwe esẹ sohọ emọ raye-en, eyẹ emọ na sohọ esẹ raye-en; ẹkẹvuọvo kohwo kohwo ri che ghwu phihọ umwemwu robọ rọye.

2 Ikun rẹ Ivie 35:12

Ayen de phi izobo rẹ ẹtorhẹ na phihọ akakọ rere a mrẹ asan ghare ayen nene uwuwevwi rẹ esẹ rẹ ihwo diodi na, re ayen ze kẹ Ọrovwohwo, kirobo re siro phihọ ọbe ri Mosis. Ọtiọye ayen ji ru kẹ irhuẹn eshare na.

Ezra 6:18

Ayen de dje irherẹn na phihọ oghoghare rayen, ihwo ri Livae na utute rayen, vwi fiki rẹ ẹga rẹ Ọghẹnẹ vwẹ obi Jerusalẹm, kirobo rẹ esiro phihọ ọbe ri Mosis.

Nehemaya 13:1

Vwẹ ẹdẹ yena ayen de se ne evun rẹ ọbe ri Mosis na ke ihwo na nyo; e de si phihọ evun rọye nẹ ihwo rẹ Amọr eyẹ ihwo ri Moab vwẹriẹ ọghwẹgbe rẹ Ọghẹnẹ-ẹ;

Ẹyano 18:12

Etiyin Jẹtro ọgọ ri Mosis na o de ze izobo rẹ ẹtorhẹ kugbe izobo diodi kẹ Ọghẹnẹ; Erọn vẹ ekpako rẹ Izrẹl ejobi de rhi nene Mosis vẹ ọgọ rọye re emu vwẹ obaro rẹ Ọghẹnẹ.

Ẹyano 24:5

O de ji imighele rẹ ihwo rẹ Izrẹl, ri ze izobo rẹ ẹtorhẹ vẹ izobo rẹ ufuoma rẹ irhuẹn kẹ Ọrovwohwo.

Matiu 12:26

Ọ da dianẹ Idẹbono da djẹ Idẹbono phia, yọ ghare oma; komavọ uvie rọye se vwo mudia?

Urhi Rivẹ 27:2

Ẹdẹ rẹ ovwan wan Jọdan vrẹn kpo otọ rẹ Ọrovwohwo rẹ Ọghẹnẹ rẹ ovwan kẹ ovwan na, wa Me reyọ elalọ ride vwo vi, a Me vwẹ ọda vwọ rharọ ayen;

Urhi Rivẹ 27:8

Wo mi si eta rẹ urhi nana ejobi phihọ enu rẹ elalọ na gbonozẹ.

Joshua 1:8

Ọbe nana rẹ urhi na che nẹ uwe unu-u, ẹkẹvuọvo wọ vẹ ọye se umẹ te asọn te uvo, rere wọ vwẹ oma kpotọ ru obo re si phihọ ejobi; kọ nẹrhẹ idjerhe wẹn yovwi, ko ji yovwi kẹ wẹ.