Joshua 7:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vrẹn, phorho ihwo na oma, re wọ ta, phorho oma rẹ ovwan kpahe hẹrhẹ odẹ rọ cha na, kidie enẹ Ọrovwohwo tare, Ọghẹnẹ rẹ Izrẹl, Obo re vwo ze izobo hẹ ohri rẹ ovwan, E Izrẹl, we gbi se hirhe opharo ku ivwighrẹn rẹ ovwa-an, bẹsiẹ we vwo si ekuakua re vwo ze izobo na nẹ ohri rẹ ovwan.

Joshua 7:13 ပူးပေါင်းရင်းမြစ်များ

Jẹnẹsis 34:27

Emọ ri Jekọp da hiẹ oma rẹ ihwo rẹ ayen hweri na, ayen da ghwẹ ekuakua rayen reyọ, kidie ayen gbe oniọvo rayen ẹgua.

2 Ikun rẹ Ivie 28:10

Asakiephana wa rha jẹ iroro ru wa cha vwọ vwẹ ihwo ri Juda vi Jerusalẹm vwo ru eviẹn, te eshare te eya. Ovwan rha je rhoma ru umwemwu kpahe Ọrovwohwo Ọghẹnẹ wẹn?

Matiu 7:5

Wẹ omeru na, ke ririẹ iphughẹ rẹ ẹro wẹ tavwe, ku wọ mrẹ orẹ fiotọ vwo si iphughẹ rẹ ẹro rẹ ọrivẹ wẹn nọ.

Urhi Rivẹ 13:6

Ọ da dianẹ oniọvo wẹn, rọ dia ọmọ rẹ oni wẹn, eyẹ ọmọshare wẹn, eyẹ ọmọtẹ wẹn, eyẹ ayerhi wẹn, eyẹ ugbeyan wẹn, rọ kẹrẹ owẹ oma rọ da bẹbẹ riẹriẹ owẹ, tanẹ, Jẹn avwanre yanran ra ga ẹdjọ, e re wọ vẹ esẹ wẹn riẹnre-e na;

Joshua 3:5

Joshua da ta kẹ ihwo na, We ru oma rẹ ovwan fon; kidie odẹ rọ cha na Ọrovwohwo che ru igbunu vwẹ ohri rẹ ovwan.

Joshua 6:18

Ẹkẹvuọvo ovwan kẹnẹ oma kẹ obo re vwo ze kẹ ẹghwọrọ na, ọke ra da vwẹ ayen ze kẹ ẹghwọrọ nu wa da rha vwẹ obọ te obo re vwo ze na ku we che ru erhọn rẹ Izrẹl dia kẹ ẹghwọrọ, ku wa cha so okpetu kẹ.

Joshua 7:11

Izrẹl ru umwemwu; ayen chọ urhi rẹ ọphọ re me vẹ ayen rere; ayen reyọ usun rẹ emu ẹvo re vwo ze izobo na; ayen cho uji, ayen vwọrọ efian, ayen si ayen nu vwẹ ohri rẹ ekuakua rayen.