Joshua 6:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ayen da torhẹ orere na, vẹ ihwo re hẹ evun rọye; jokpa rẹ idọnọ vẹ oro, kugbe ekuakua rẹ ẹrovwo vẹ utehru, eye ayen ghwẹ kpo uwevwi rẹ efe rẹ Ọrovwohwo na.

Joshua 6:24 ပူးပေါင်းရင်းမြစ်များ

2 Samuẹl 10:5

Ọke ra vwọ ta ota na kẹ Devid, o de ji ihwo ra vwa ayen kidie oma vo ihwo na gangan. Ovie na da ta, Daji Jẹriko bẹsiẹ rẹ ẹtuegba rẹ ovwan vwo di rhe, we ki rhivwi rhe.

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

1 Ikun rẹ Ivie 18:11

Devid de ru enana fuanfon kẹ Ọrovwohwo, kugbe idọnọ vẹ oro rọ ghwẹ nẹ ẹgborho na ejobi rhe Idọm, Moab, Amọn, Filistia vẹ Amalẹk.

Ukeri 31:10

Irere rayen vwẹ asan rẹ ayen dia ejobi, kugbe asan rẹ ayen mu erhọn phihọ ejobi, ayen da vwẹ erhanre torhẹ ayen,

Urhi Rivẹ 13:16

Ghwẹ emu rọye koko uherevie wọ torhẹ ayen vẹ orere na, je torhẹ emu rọ herọ ejobi kẹ Ọrovwohwo Ọghẹnẹ wẹn na; ko dia erhurhu bẹdẹ; a gbe bọn ọfa-a.

Urhi Rivẹ 13:17

Wo gbi jẹ emuẹgha ọvuọvo tamu obọ wẹ-ẹn; rere Ọrovwohwo mrasa vwo kurhẹriẹ nẹ ophu ọgangan rọye, ro nẹ aruẹdọ wẹn, rọ rie ehrọre wẹn, ro ru we bu phihọ kirobo ro veri kẹ esẹ–ovwan na;

Urhi Rivẹ 20:16

Ẹkẹvuọvo irere rẹ ihwo nana Ọrovwohwo rẹ Ọghẹnẹ wẹn kẹ wẹ vwọ riuku na, emu kemu rọ nwẹn vwọ wo sivwo-o,

Joshua 11:11

Ayen da vwẹ ọlọkọ hwe ihwo re herọ, a da ghwọrọ ayen ejobi; o vwo emu ọvuọvo rọ nwẹn re jovwo-o, ọ da tọrhe Hazọr.

Joshua 6:19

Ẹkẹvuọvo idọnọ kugbe oro ejobi, vẹ ekuakua rẹ ẹrovwo kugbe itehru, e pha fuanfon kẹ Ọrovwohwo; ka ghwẹ ayen kpo uwevwi rẹ efe rẹ Ọrovwohwo na.

Joshua 6:25

Ẹkẹvuọvo Rehab rẹ igberadja na, kugbe evwruwevwi rẹ ọsẹ rọye, kugbe ihwo ro vwori ejobi, Joshua de sivwi ayen rhọ, ọ da dia Izrẹl rhiri rhi te nonẹ na, fikiridie o sivwi ikọn ri Joshua jiri re dorhẹ ri Jeriko.

Joshua 8:28

Etiyin Joshua da torhẹ Ai, o de vwo ru erhurhu bẹdẹ, kirobo rọ epha rhi te nonẹ na.

Ẹvwọphia 17:16

Ighoro ihwe ru wọ mrẹre na, ayen vẹ aye na ki che tuoma rẹ igberadja na; ayen ke kua fiotọ a me ban phihọ, ayen me re uvwo rọye ayen me vwẹ erhanre torhẹ

Ẹvwọphia 18:8

ọtiọye etiekọ rọye cha rhe ẹdẹvo, emiavwe kugbe omaemuohọ kugbe owẹvwe, ka vwẹ erhanre torhẹ; kidie Ọrovwohwo Ọghẹnẹ ro bruhwe na ọgba o ruẹ.